Víkurfréttir - 21.12.2017, Qupperneq 57

57FRÉTTIR Á SUÐURNESJUM f immtudagur 21. desember 2017 // 50. tbl. // 38. árg.
Bjarki Sigmarsson er mikið jólabarn, hann
sér ekki um jólabaksturinn á sínu heimili
en hann er mikill matgæðingur og elskar
allan jólamatinn. Hann heldur ekki fast í
gamlar hefðir en súkkulaðikakan á aðfanga-
dagskvöld er ómissandi partur af jólahátíðinni.
Ertu mikið jólabarn? Já, ég
myndi segja að ég væri talsvert
jólabarn.
Heldur þú fast í gamlar jóla-
hefðir? Nei, ég er ekki mjög
fastheldinn á jólahefðir, en þó
hefur skapast sú hefð á mínu
heimili að konan bakar alltaf
Sufflé (súkkulaðiköku) seint á
aðfangadagskvöld þegar búið
er að opna gjafir og allt komið
í ró.
Hvað er ómissandi á jólunum?
Umrædd súkkulaðikaka er
algjörlega ómissandi með ís
og rjóma.
Hvað finnst þér skemmtilegast
um jólahátíðina? Skemmti-
legast þykir mér núorðið allur
þessi matur (það sést nú á mér).
Bakar þú smákökur fyrir jólin?
Nei, ég baka nú ekkert bara
svona yfir höfuð, konan sér
alfarið um það.
Hvenær klárar þú að kaupa
jólagjafirnar? Jólagjafainn-
kaup eru alfarið í höndum
konunnar, ég er gjörsamlega
með allt lóðbeint niður um mig
þegar kemur að því yfirleitt.
Hvenær setur þú upp jólatréð?
Það er misjafnt hvenær við
setjum upp jólatré, yfirleitt
þó einhvern tímann í vikunni
fyrir jólin.
Eftirminnilegasta jólagjöf sem
þú hefur fengið? Eftirminni-
legasta jólagjöfin sem ég hef
fengið er sennilega Fisher Price
leikfangalest sem ég fékk þegar
ég var 4 eða 5 ára held ég. Hún
er enn til á æskuheimilinu í
fullkomnu lagi og hafa mín
börn og börn systra minna
leikið sér mikið að henni í
gegnum tíðina. Núorðið þykir
mér vænst um gjafirnar sem
börnin mín gefa mér.
Hvenær eru jólin komin fyrir
þér? Jólin eru komin fyrir mér
þegar ég heyri í kirkjuklukk-
unum í útvarpinu á aðfanga-
dagskvöld kl. 18.
„Þykir vænst um
gjafirnar sem
börnin mín
gefa mér“
GRIPGÆÐI Á ÖLLUM,
ALLT ÁRIÐ
Smur- og hjólbarðaþjónustan ehf., Vatnsnesvegi 16, 230 Reykjanesbæ, sími 421 4546
Sendum starfsmönnum og viðskiptavinum okkar
bestu jóla- og nýárskveðjur með kærum þökkum
fyrir samskiptin og viðskiptin í þrjátíu og fimm ár.
Smur- og hjólbarðaþjónustan ehf.
Björn Marteinsson og Þórður Ingimarsson
Tímabundið húsnæði grunnskóla
við Dalsbraut í Innri Njarðvík er
strax orðið of lítið. Ráðast þarf í
stækkun á húsnæðinu og hefur
bæjarráð Reykjanesbæjar samþykkt
að hefja framkvæmdir við stækkun
á húsnæðinu.
Í bráðabirgðahúsnæðinu er Akurskóli
með aðstöðu til að kenna nemendum
úr 1. til 3. bekk sem búa í Dalshverfi 1
og 2. Húsnæðið er úr sérsmíðuðum
gámaeiningum sem komu frá Sló-
veníu og er húsið það fyrsta sinnar
tegundar á Íslandi. Í húsinu eru
kennslustofur og samrými sem er
fjölnota.
Kostnaður við bygginguna sem tekin
var í notkun sl. haust er í kringum
150 milljónir með allri jarðvinnu og
komu allar einingarnar tilbúnar þar
á meðal með pípulögnum sem sparar
heilmikinn tíma. Einungis tók þrjár
vikur að reisa bráðabirgðaskólann.
Guðlaugur Helgi Sigurjónsson, sviðs-
stjóri umhverfissviðs Reykjanesbæjar,
segir í samtali við Víkurfréttir að um
sé að ræða rétt rúmlega 100 fermetra
stækkun. Hún er gerð svo hægt sé að
hafa skólann einsetinn fyrir 1. til 4.
bekk og því þurfu ekki að senda 4.
bekkinga aftur í Akurskóla. Kostnaður
við stækkunina er um 45 milljónir
króna en stækkuninni á að vera lokið
í lok júní á næsta ári.
Tímabundið skólahús-
næði þarf að stækka
Tók framúr
löggunni á 180
km. hraða
Þegar lögreglan á Suðurnesjum var
við umferðareftirlit á Reykjanes-
braut í vikunni sem leið var bifreið
ekið á miklum hraða fram úr lög-
reglubifreiðinni. Ökumaður hennar,
sem er á þrítugsaldri, kvaðst í við-
ræðum við lögreglumenn hafa verið
á 180 km hraða þegar hann ók fram
úr þeim, en ekki hafa séð að hann
var að aka fram úr lögreglubifreið.
Hámarkshraði á umræddum vegar-
kafla er 90 km á klukkustund. Öku-
mannsins bíður ákæra og dómur.
Þá var nokkuð um umferðaróhöpp í
umdæminu í síðustu viku sem flest
voru rakin til hálku á vegum. Þau
voru ekki stórvægileg og engin al-
varleg slys á fólki. Þó valt bifreið út af
Garðvegi og endaði á toppnum. Öku-
maður slapp ómeiddur. Mikil hálka
var á veginum og dekkjabúnaður bif-
reiðarinnar ekki sem skyldi.
Erlendur ferðamaður á bílaleigubif-
reið varð uppvís að því í fyrradag að
taka eldsneyti í Njarðvík og stinga
síðan af án þess að greiða fyrir það.
Lögreglunni á Suðurnesjum var til-
kynnt um málið og hafði hún skömmu
síðar upp á viðkomandi, konu á þrí-
tugsaldri. Konan sú gat ekki sýnt fram
á að hún hefði greitt fyrir bensínið og
óku lögreglumenn henni til Njarð-
víkur þar sem hún gerði upp sín mál
og var frjáls ferða sinna að því loknu.
Ferðamaður
stakk af með
fullan tank
AUGLÝSINGASÍMINN ER
421 0001