Feykir - 04.02.2016, Page 3
05/2016 3
FRÁ HEILBRIGÐISSTOFNUNINNI SAUÐÁRKRÓKI
Fúlt að moka frosinn
völlinn fyrir æfingar
Knattspyrna
Knattspyrnuiðkendur hjá
Tindastóli eru orðnir
langþreyttir á aðstöðuleysinu
á Sauðárkróki. Hitalögnin
undir gervigrasinu hefur verið
biluð undanfarna tvo vetur og
þarf því að byrja á því að
moka völlinn fyrir æfingar.
„Það er ekki amalegt að þjálfa
svona duglegar stelpur sem vilja
æfa þó svo að völlurinn sé frosin
og það þurfi að moka hann fyrir
æfingu. Frábær aðstaða sem
knattspyrnumönnum á Krókn-
um er boðið uppá,“ sagði Dúfa
Dröfn Ásbjörnsdóttir þjálfari hjá
Knattspyrnudeild Tindastóls á
Facebook á dögunum. /BÞ
Samið við lægstbjóðanda
Skjólgarður við smábátahöfn á Sauðárkróki
Í fundargerð Umhverfis- og
samgöngunefndar Svf.
Skagafjarðar frá því í 29.
janúar sl. kemur fram að
tilboð í skjólgarð við smábáta-
höfn á Sauðárkróki voru
opnuð þann 12. janúar sl.
Það var gert á sameiginlegum
símafundi í Ráðhúsinu á Sauð-
árkróki og Siglingasviði Vega-
gerðarinnar í Reykjavík. Alls
bárust þrjú tilboð í verkið og voru
þau svohljóðandi:
Steypustöð Skagafjarðar ehf.
kr. 43.967.600.-
Vélaþjónustan Messuholti ehf.
kr. 24.980.680.-
Norðurtak ehf. kr. 27.806.000.-
Kostnaðaráætlun kr. 32.708.300.-
Samið hefur verið við lægstbjóð-
anda, Vélaþjónustuna Messu-
holti ehf. vegna verksins. /BÞ
Runnu á mig tvær grímur þegar
fréttir bárust af ísbjarnakomum
Í nýjum þætti, sem hefur hlotið
titilinn „Hinir aðfluttu“, fáum
við að kynnast þeim sem hafa
flutt annarsstaðar frá á
Norðurland vestra. Við fáum
að heyra hvernig samfélagið
kom þeim fyrir sjónir í fyrstu,
hvernig gekk að aðlagast,
eignast vini og þess háttar. Fyrst
til að svara þættinum er Elín
Gróa Karlsdóttir frá Hólmavík.
Hún hefur búið á Sauðárkróki
frá árinu 2008, ásamt
eiginmanni sínum Guðlaugi
Sighvatssyni og fimm börnum;
Særós (22), Valdimar Erni (21),
Auði (19), Júlíu (17) og Maríu
Rut (8). Elín Gróa er
forstöðumaður fyrirtækjasviðs
hjá Byggðastofnun.
Upprunastaður: Fædd og uppalin
á Hólmavík á Ströndum en fluttist
þaðan á unglingsaldri og bjó í rúm
tuttugu ár á höfuðborgarsvæðinu,
lengst af í Mosfellsbæ.
Hvenær og hvernig kom það til að
þú fluttir hingað? -Ég kynntist
manninum mínum haustið 2003 í
mínum gamla heimabæ, Hólma-
vík, en hann hafði þá verið búsett-
ur þar í um tíu ár. Haustið 2006
flutti ég svo til hans til Hólmavíkur,
mig langaði til að prófa að búa
aftur „heima“ á Hólmavík. Eftir
rúmt ár án vinnu þar gafst ég upp
og við tókum þá ákvörðun um að
flytja. Maðurinn minn var til-
búinn til að flytja með mér suður
en ég gat ekki hugsað mér að fara
aftur þangað. Við vorum þá búin
að eignast yngsta barnið og mig
langaði ekki aftur í þann pakka að
vera með barn á leikskóla og í
skóla á höfuðborgarsvæðinu.
Alltaf á þeytingi, vera of sein að
sækja á leikskólann vegna um-
ferðartafa og eilíft stress. Það var
því mín hugmynd að flytja á
Sauðárkrók, hans heimabæ. Ég
taldi meiri möguleika fyrir mig á
að fá góða vinnu hér við það sem
ég hafði menntað mig í, en mað-
urinn minn gat flutt sína vinnu
með sér og sinnt henni héðan.
Hvernig leist þér á það í upphafi?
-Ég hafði komið hér nokkrum
sinnum í heimsókn til fjölskyldu
mannsins míns og kunni vel við
staðinn. Mér fannst bærinn
passlega stór og framhaldsskóli á
staðnum, en það eitt og sér skipti
mig miklu máli þar sem það var
farið að styttast í að sonur minn
kláraði grunnskóla. Við vorum
strax ákveðin í að kaupa frekar en
byrja á því að leigja húsnæði og
Elín Gróa og fjölskylda. MYND: ÚR EINKASAFNI
við vorum búin að kaupa hús
fljótlega eftir að við ákváðum að
flytja. Stuttu eftir að við vorum
búin að skrifa undir kaup á húsinu
sá ég auglýst starf hjá Byggða-
stofnun sem ég sótti um og byrjaði
að vinna hjá stofnuninni 1. desem-
ber 2007. Fyrstu mánuðina var ég
í eina viku í mánuði hér á Krókn-
um en vann í fjarvinnu þess á milli
þar til við fluttum í lok maí 2008.
Hvernig gekk þér/ykkur að koma
ykkur fyrir? -Það gekk fljótt og vel
að koma sér fyrir hér. Við eigum
hér góða að sem hjálpuðu okkur
heilmikið. Ég kom yngstu stelp-
unni strax að hjá dagmömmu og
eldri krakkarnir aðlöguðust fljótt
og vel.
Hvernig gekk að komast inn í
samfélagið og eignast vini? -Mér
hefur gengið ágætlega að komast
inn í samfélagið. Þegar maður er
með börn í skóla og á leikskóla þá
kynnist maður fljótt öðrum for-
eldrum. Ég bý líka vel að því að við
eigum samhenta fjölskyldu hér og
frábæra vinnufélaga. Fyrir þrem
árum tókum við hjónin fram
golfsettin sem við vorum búin að
eiga í töluverðan tíma ónotuð í
geymslunni og gengum í golf-
klúbbinn. Í golfinu hef ég kynnst
fullt af frábæru fólki.
Einhver eftirminnileg stund eða
góð saga frá fyrsta árinu? -Þegar
við vorum að taka upp búslóðina
bárust fréttir af ísbirni á
Þverárfjallinu og stuttu seinna
öðrum úti á Skaga. Það voru
farnar á renna á mig tvær grímur
að hafa sest hér að og ég leit oft
upp í hlíðina hvort það væri
nokkuð kvikindi þar á sveimi.
Hvernig líkar þér í dag? -Ég kann
mjög vel við mig á Sauðárkróki.
Ég hef verið með barn hjá
dagmömmu og á öllum skóla-
stigum og finnst vel búið að
barnafólki, þó alltaf megi eflaust
gera betur á öllum sviðum. Hér er
frábært að ala upp börn, næg
atvinna, góð þjónusta og mikið
menningarlíf. Það sem hefur verið
erfiðast fyrir mig er að fjölskylda
mín og vinkonur eru búsett á
höfuðborgarsvæðinu. Ef það
hellist yfir mig leiði á að vera hér
fer ég suður í nokkra daga og þá
læknast ég af suðurþránni.
Er eitthvað sem þú hefðir viljað
vita þegar þú komst hingað fyrst
og vilt miðla til annarra sem eru
nýfluttir á svæðið? - Það er mjög
oft sem reiknað er með því að allir
viti hvernig hlutirnir hafi verið hér
í gegnum tíðina, s.s. auglýstir
viðburðir á sama stað og síðast eða
í fyrra. Gott að vera duglegur að
spyrja og reyna að læra fljótt
kennileiti og höfuðáttirnar því
Skagfirðingar tala mikið í áttum.
Eitthvað að lokum? -Mér finnst að
fólk ætti að tala vel um Skagafjörð
út á við og vera stolt af svæðinu
hér sem býr yfir svo miklum
kostum og möguleikum. Ef
íbúarnir sjálfir tala ekki vel um
staðinn eru litlar líkur til þess að
fólk vilji setjist að hérna. Þetta á
líka við um unga fólkið okkar. Ef
það upplifir sífellt neikvæða
umræðu um svæðið þá eru minni
líkur á því að það flytji aftur heim
eftir nám. Allar aðgerðir sem
miðað að jákvæðum tengslum við
heimahagana eru mikilvægar og
skila sér í framtíðinni.
Elín Gróa skorar á Söru Níelsdóttur
kennara í FNV að segja frá fyrstu
kynnum sínum af því að búa í
Skagafirði.
( HINIR AÐFLUTTU ) berglind@feykir.is
Elín Gróa Karlsdóttir / frá Hólmavík – býr á Sauðárkróki
Tímapantanir í síma 455 4022
15. OG 16. FEBRÚAR
Haraldur Hauksson, alm. æðaskurðlæknir
29. FEBRÚAR OG 1. MARS
Sigurður Albertsson alm. skurðlæknir
1. TIL 4. MARS
Bjarki Karlsson, bæklunarlæknir
Sérfræðikomur
í febrúar og byrjun mars
Eldhressar fótboltastelpur. MYND: DDÁ
Svona mun skjólgarðurinn við smábátahöfina líta út. MYND: VEGAGERÐIN