Ægir - 01.01.2018, Page 33

33
undir meðallagi í þyngd og
raunar er árgangurinn frá 2015
sá léttasti frá árinu 1996.
Mikið af stórþorski
Auk þess að það staðfestist enn
í niðurstöðum haustrallsins að
þorskstofninn á Íslandsmiðum
er jafnt og þétt að styrkjast þá
segir Kristján ljóst að stór þorsk-
ur sé kominn til að vera í afla
skipa í nánustu framtíð.
„Eldri fiskunum er að fjölga
og við sjáum miklu meira af
þorski 9 ára og eldri en í upp-
hafi rallmælinganna og kemur
það fram í bæði haust- og vor-
rallinu. Hvernig þróunin verður
er ekkert hægt að fullyrða um
en þetta er dæmi um áhrifin af
minnkandi sókn í þorskinn yfir
langt tímabil. Stórþorskurinn
hverfur því ekki úr veiðinni
nema til kæmi stóraukin sókn,“
segir Kristján.
Uppsveifluár ýsunnar
Haustrallið staðfesti einnig vöxt
ýsustofnsins sem hefur verið á
ákveðinni uppleið síðustu ár
eftir nokkurra ára niðursveiflu.
Ýsa veiðist á allri grunnslóðinni
við landið en frá aldamótum
hefur hún meira haldið sig fyrir
norðan og vestan landið en
sunnan. Kristján segir skýringu
á þeirri breytingu að finna í þró-
un hitastigs sjávar.
„Fram að aldamótum fékkst
alltaf meira af ýsu fyrir sunnan
landið en síðan snerist þetta við
og hefur haldist,“ segir hann en
stofnvísitala ýsu hækkaði í mæl-
ingunni í haust frá fyrra ári. Hún
hefur haldist svipuð frá árinu
2010. Fyrstu vísbendingar um
ýsuárganginn 2017 benda til að
hann sé yfir meðalstærð en ár-
gangarnir tveir þar á undan
mælast undir meðalstærð. Aftur
á móti er ýsuárgangurinn 2014
sterkur. Meðalþyngd ýsunnar
hefur hækkað talsvert á síðustu
sjö árum.
Gullkarfastofninn aldrei verið
stærri
Kristján segir erfitt að ráða í nið-
urstöður mælinga á ufsa, jafn-
vel þótt að stofnvísitalan hafi
mælst hærri í báðum mæling-
um á síðasta ári en undanfarinn
áratug. Ástæðan sé sú að mikill
ufsaafli í stökum togum geri að
verkum að staðalfrávik verði há.
Mikið fæst af stórum ufsa sem
er yfir fimm ára gamall en mest
fékkst af ufsa fyrir norðvestan
og sunnanvert landið.
„Gullkarfastofninn hefur
aldrei verið stærri og hefur ver-
ið vaxandi frá aldamótum.
Þetta er sami stofn og við Aust-
ur-Grænland þannig að þar á
milli er mikil tenging hvað t.d.
nýliðun varðar. Þannig eru
þessi svæði metin saman þeg-
ar við skoðum stöðu gullkarfans
hjá okkur. Ef við horfum t.d. til
grálúðunnar þá féll hún hratt
upp úr aldamótum og hefur
verið hægt vaxandi á ný. Djúp-
karfinn er líka að rétta úr kútn-
um en við erum fyrst og fremst
að sjá stærri fisk í karfategund-
unum,“ segir Kristján.
Sjávarhitastigið stöðugt
Í lok niðurstöðuskýrslu Hafrann-
sóknastofnunar er gerð grein
fyrir mælingum á hitastigi sjáv-
ar. Botnhitastig sjávar hefur
verið stöðugt frá árinu 2007 en
fram til ársins 2007 hækkaði
hitastig á grunnslóð um tæpar
2 gráður. Á djúpslóð fyrir Norð-
ur- og Austurlandi er sjórinn
mjög kaldur en litlar breytingar
hafa orðið á rannsóknatíman-
um. Fyrir sunnan og vestan
land hefur hitastigið hækkað lít-
tillega á djúpslóð en verið svip-
að á grunnslóð.
Á trolldekkinu í togararallinu í haust. Mynd: Svanhildur Eggertsdóttir – Hafrannsóknastofnun
Gullkarfastofninn stendur afar vel. Mynd: Svanhildur Eggertsdóttir – Hafrannsóknastofnun