Morgunblaðið - 06.12.2017, Page 11

FRÉTTIR 11Innlent
MORGUNBLAÐIÐ MIÐVIKUDAGUR 6. DESEMBER 2017
Sigtryggur Sigtryggsson
sisi@mbl.is
Nú liggur fyrir að árið 2017 verð-
ur ekki hið hlýjasta hér á landi
síðan mælingar hófust um miðja
síðustu öld. Þessi möguleiki var
fyrir hendi eftir hlýjan október en
kaldur nóvember gerði út um þær
vonir.
„Jú, sá möguleiki er fyrir bí,
bæði á landsvísu og hér í Reykja-
vík, en Austfirðir eiga enn fræði-
legan möguleika, verði desember
sæmilega hlýr,“ segir Trausti
Jónsson veðurfræðingur.
Eftir hlýjan október bloggaði
Trausti að sér sýndist að yrði nóv-
ember og desember samtals 1,3
stigum yfir meðallagi þessara
mánaða síðustu tíu árin yrði árið
2017 það hlýjasta á landinu frá
upphafi mælinga. „Ekki líklegt –
en alveg innan þess mögulega.“
Kaldasti mánuðurinn
Trausti segir að það séu tíðindi
að nóvember telst vera kaldastur
mánaða það sem af er ári víðast
hvar á landinu.
Nóvember var kaldur og sker
sig nokkuð úr öðrum mánuðum
ársins, sem flestir hafa verið hlýir,
segir í yfirliti Veðurstofunnar um
tíðarfar í mánuðinum.
Meðalhiti í Reykjavík mældist
0,2 stig, -0,9 stigum neðan með-
allags áranna 1961 til 1990 og -2,6
stigum neðan meðallags síðustu
tíu ára. Á Akureyri var meðalhit-
inn -1,2 stig, -0,8 stigum neðan
meðallags áranna 1961 til 1990 og
-2,3 stigum neðan meðallags síð-
ustu tíu ára.
Í Reykjavík var nóvember sá
121. kaldasti í 147 mælingum og á
Akureyri lenti hann í 104. sæti af
137 mælingum. Í innsveitum á
Suðurlandi var sérlega kalt. Þann-
ig var mánuðurinn í 133. sæti í
Árnesi af 138 mælingum.
Mest frost í mánuðinum mæld-
ist -21,3 stig í Þúfuveri þann 10.
Mest frost í byggð mældist -17,6
stig þann 18. í Árnesi og svo aftur
þann 20. á Grímsstöðum á Fjöll-
um. Hæsti hiti mánaðarins mæld-
ist 12,8 stig á Dalatanga 1. dag
mánaðarins.
Úrkoma í Reykavík mældist
91,5 millimetrar í nóvember og er
það 26% umfram meðallag áranna
1961 til 1990 en rétt yfir meðallagi
síðustu tíu ára. Á Akureyri mæld-
ist úrkoman 93,5 mm og er það
72% yfir meðallagi áranna 1961 til
1990 og um 20 % yfir meðallagi
síðustu tíu ára. Mikill meirihluti
úrkomunnar á Akureyri féll sem
snjór eða 91%.
Morgunblaðið/Skapti
Kuldatíð Nóvember reyndist vera kaldasti mánuður ársins víðast hvar.
Hitametið fellur
ekki á þessu ári
 Kaldur nóvember gerði vonir að engu
Stjórn Landverndar segir ekki rétt að kalla samtökin hagsmunasamtök,
þau séu samtök almennings en ekki samtök atvinnufyrirtækja. Segist
stjórnin harma að vísað hafi verið til þess í tengslum við fréttir af því að
Guðmundur Ingi Guðbrandsson, fyrrverandi framkvæmdastjóri Land-
verndar, hafi verið skipaður nýr umhverfisráðherra. Þetta kemur fram í
tilkynningu sem samtökin sendu frá sér í gær. Þar er harmað að blaða-
menn RÚV hafi í fréttum um nýjan umhverfisráðherra undanfarna daga
vísað til umhverfis- og náttúruverndarsamtakanna Landverndar sem hags-
munasamtaka. Nefnd eru dæmi um ýmis hagsmunasamtök, m.a. SA og
SFS, og það sagt rangt og lýsa vanþekkingu að líkja þeim við Landvernd.
Segja Landvernd ekki hagsmunasamtök
Smálánafyrirtækið Kredia auglýs-
ir á ný, en fyrrum eigandi þess,
Credit one ehf., var tekinn til
gjaldþrotaskipta þann 12. apríl sl.
Vefsíða Kredia er nú á dönsku
léni, https://kredia.dk. Eigandinn
er nú eCommerce 2020 ApS í
Danmörku og maður að nafni
Ondrej Smakal er skráður í for-
svari.
Fyrirtækið býður lán upp á allt
að ISK 80.000 og DKK 40.000.
Neytendastofa ákvarðaði áður
að Kredia hefði brotið lög um
neytendalán við útreikning árlegr-
ar hlutfallstölu kostnaðar og upp-
lýsingagjöf til neytenda.
Áfrýjunarnefnd neytendamála
staðfesti ákvörðun Neytendastofu,
stjórnvaldssekt á E-content ehf.
fyrir brot gegn fyrri ákvörðun
stofnunarinnar. E-content ehf. sé
rekstraraðili smálánafyrirtækj-
anna Kredia, Smálán, 1909, Múla
og Hraðpeninga.
Neytendastofa biður neytendur
um að vera á varðbergi gagnvart
fyrirtækjum um að þau fari að
lögum. Ekki náðist í forsvarsmenn
Kredia við vinnslu fréttarinnar.
ernayr@mbl.is
Kredia auglýsir smálán
 Nú í eigu fyrir-
tækis í Danmörku
Vefsíða Kredia á dönsku.
NÝTT NÝTT
Verið velkomin
• Peysur • Bolir
• Ponsjó • Skinn
• Leðurtöskur • Hanskar
• Húfur • Treflar
• Sjöl og silkislæður
Við eigum alltaf vinsælu
velúrgallana í stærðum
S-XXXXL
Álfheimum 74, 104 Rvk, sími 568 5170
LÍFRÆN
Góð beint úr dósinn
i
og í eftirrétti og sós
ur
Grísk jógúrt
Lífrænar mjólkurvörur
m
ag
gi
te
ik
na
ri.
is
Stjórn Loðnuvinnslunnar hf. á Fá-
skrúðsfirði hefur sent frá sér yf-
irlýsingu þar sem áformum um
stórfellt laxeldi í Fáskrúðsfirði er
harðlega mótmælt. Segir þar að
eldið sé í umsagnarferli án þess að
fram hafi farið heildarmat á áhrif-
um þess á lífríki og burðarþol fjarð-
arins. Samkvæmt fyrirliggjandi
frummatsáætlun séu áform um
15.000 tonna laxeldi í Fáskrúðsfirði
sem fylgja muni margvísleg um-
hverfisáhrif.
Segir í yfirlýsingunni að mengun
frá 15 þúsund tonna laxeldi í Fá-
skrúðsfirði jafngildi því að skólpi
frá 120 þúsund manna byggð verði
veitt óhreinsuðu í fjörðinn. Loðnu-
vinnslan hf. er stærsti atvinnurek-
andinn á Fáskrúðsfirði og þar
starfa að jafnaði 150 manns. Und-
irstaða mikilvægrar hrognavinnslu
hjá fyrirtækinu sé mikið magn af
hreinum og ómenguðum sjó sem
dælt sé úr firðinum.
„Stjórn Loðnuvinnslunnar gerir
alvarlega athugasemd við að ekki
var leitað umsagnar félagsins um
þessi áform og að hvergi í frum-
matsskýrslunni er minnst á þann
möguleika að mengandi efni frá fyr-
irhuguðu fiskeldi muni hafa áhrif á
gæði sjávarins og þar með hrogna-
vinnslu í Fáskrúðsfirði,“ segir í yf-
irlýsingunni.
Þá sé ljóst að fyrirhugað laxeldi
muni þrengja verulega að siglinga-
leiðum en gott aðgengi skipa sé fyr-
irtækinu lífsnauðsynlegt.
„Stjórn Loðnuvinnslunnar furðar
sig á að þessi áform hafi verið í
undirbúningi í nær fjögur ár án
þess að umsagna fyrirtækisins hafi
verið leitað. Þá er það óskiljanlegt
að sveitarfélagið Fjarðabyggð skuli
ekki hafa neina lögsögu í máli sem
varðar starfsemi sem hefur verið
ein af lífæðum Fáskrúðsfjarðar um
árabil, heldur er það fjöregg al-
gjörlega á valdi Umhverfisstofnun-
ar og Skipulagsstofnunar,“ segir í
yfirlýsingu Loðnuvinnslunnar.
aij@mbl.is
Mótmæla stórfelldu laxeldi
 Loðnuvinnslan á Fáskrúðsfirði óttast mengun frá laxeldi
 Sögð vera jafngildi skólps frá 120 þúsund manna byggð
Morgunblaðið/Sigurður Bogi
Fáskrúðsfjörður Loðnuvinnslan í bænum mótmælir fyrirhuguðu laxeldi í
firðinum og segir að það muni þrengja verulega að siglingaleiðum þar.