Morgunblaðið - 30.01.2018, Síða 6
6 FRÉTTIRInnlent
MORGUNBLAÐIÐ ÞRIÐJUDAGUR 30. JANÚAR 2018
Hindberjajógúrt
Lífrænar
mjólkurvörur
• Engin aukaefni
• Meira af Omega-3
fitusýrum
• Meira er af CLA
fitusýrum sem byggja
upp vöðva og bein
• Ekkert undanrennuduft
• Án manngerðra
transfitusýra
www.biobu.is
NÝ AFURÐ FRÁ BIOBÚ!
Landspítalinn hefur aldrei tekið á
móti fleiri sjúklingum, gert fleiri að-
gerðir og veitt flóknari meðferðir en
nú. Þetta segir Páll Matthíasson,.
forstjóri Landspítalans, í nýlegum
pistli á vef spítalans. Tilefni orða
hans er að fullyrt hafði verið að
vegna fyrirkomulags fjárveitinga til
spítalans kysi hann að draga úr
starfsemi fremur en auka hana.
„Þetta er rangt,“ segir Páll. „Land-
spítali hefur í raun aldrei verið öfl-
ugri enda starfar hér í framlínu hæf-
asta starfsfólkið við flókin störf.
Enda þótt bæta megi rekstrarum-
hverfi spítalans verður ekki á móti
því mælt að Landspítali spilar vel úr
því fé sem til hans er veitt og hverri
krónu sem til spítalans kemur er vel
varið,“ segir hann.
Í töflu sem Páll birtir með pistli
sínum og sýnir starfsemisaukningu
Landspítalans undanfarin tvö ár
kemur fram að árið 2015 leituðu um
101 þúsund manns til slysa- og
bráðaþjónustu spítalans. Samkvæmt
bráðabirgðatölum frá síðasta ári
komu þangað 106.425 manns. Aukn-
ingin er 5,3 prósent. Mest er aukn-
ingin þó í komu á dagdeildir spítal-
ans. Þangað komu árið 2015 226.488
manns, en voru 244.222 í fyrra.
Aukningin er rúmlega 25%. Á sama
tíma varð einnig mikil fjölgun á
skurðaðgerðum. Þær voru 17.712
fyrir tveimur árum, en í fyrra voru
þær 21.730. Það er um 23 prósenta
aukning. Samkvæmt upplýsingum
Hagdeildar Landspítalans fjölgaði
greiddum stöðugildum á klínískum
sviðum spítalans um 77 á milli ár-
anna 2016 og 2017. Þau fóru úr 3.430
upp í 3.507. Gerir það um 2,2%
hækkun á tímabilinu.
gudmundur@mbl.is
Starfsemisaukning á Landspítala 2015-2017
2017
(bráðabirgðatölur) 2016 2015
Breyting milli
2016-2017
Breyting milli
2015-2017
Slysa- og bráðaþjónusta – fjöldi koma 106.425 104.175 101.066 2,2% 5,3%
Fjöldi koma á göngudeildir 244.222 241.385 226.488 1,2% 7,8%
Fjöldi koma á dagdeildir 94.051 89.028 75.088 5,6% 25,3%
Fjöldi lega/innlagna 26.792 26.252 25.227 2,1% 6,2%
Skurðaðgerðir 21.730 20.945 17.712 3,7% 22,7%
Fæðingar 2.986 2.939 3.037 1,6% -1,7%
Rannsóknir á rannsóknarsviði 2.433.997 2.266.755 1.906.030 7,4% 27,7%
Heimild: Landspítali
Mikil fjölgun sjúklinga og
aðgerða á Landspítalanum
„Spítalinn aldrei verið öflugri,“ segir Páll Matthíasson
Helgi Bjarnason
helgi@mbl.is
VesturVerk ehf. sem stendur að
undirbúningi virkjunar Hvalár á
Vestfjörðum áformar að byggja
gestastofu í Ófeigsfirði. Hrepps-
nefnd Árneshrepps kemur saman til
fundar í dag til að afgreiða breyt-
ingar á aðalskipulagi og deiliskipu-
lag vegna Hvalárvirkjunar. Einnig
verður lokið umfjöllun um tillögu
kaupsýslumanns
um athugun á
kostum þjóð-
garðs á svæðinu í
stað virkjunar.
Eva Sigur-
björnsdóttir, odd-
viti hreppsnefnd-
ar Árneshrepps,
segir að breyt-
ingar á skipulagi
snúi eingöngu að
þremur til fjórum
atriðum, það er að segja vinnuveg-
um, efnistökustöðum og staðsetn-
ingu vinnubúða. Þá standi til að taka
íbúðir út af skipulaginu.
Hreppsnefndin fékk fjölda um-
sagna og athugasemda þegar hún
kynnti tillögur að aðalskipulagi og
deiliskipulagi. Fjallað verður um
þær á fundinum og afstaða tekin til
þeirra.
Til sérstakrar umfjöllunar er er-
indi frá Sigurði Gísla Pálmasyni,
stjórnarformanni IKEA, um að farið
verði í kostagreiningu á stofnun
þjóðgarðs við Hvalá og hinkrað með
áform um virkjun. Hann lýsir yfir
vilja til að ábyrgjast kostnað við þá
vinnu.
Kynna samfélagsverkefni
Vesturverk hefur kynnt hug-
myndir að nokkrum samfélagsleg-
um verkefnum sem fyrirtækið mun
ráðast í, í samvinnu við hrepps-
nefnd, verði af virkjun.
Fyrirtækið hefur listað upp þessi
verkefni í nýju erindi til hrepps-
nefndarinnar. Þar er um að ræða
tengingu þriggja fasa rafmagns frá
Hvalárvirkjun í Norðurfjörð, ljós-
leiðara sömu leið, hitaveitu frá
Krossnesi í Norðurfjörð, lagfæring-
ar á bryggjusvæði í Norðurfirði,
endurnýjun klæðningar á skólahús-
inu í Trékyllisvík, uppsetningu án-
ingarstaða fyrir ferðafólk og gesta-
stofu við Hvalá.
Landvernd gagnrýndi í athuga-
semdum sínum klæðningu skóla-
hússins og taldi að með því væri fyr-
irtækið að bera fé á hreppsnefndina
við umfjöllun um virkjun.
Í gestastofunni er meðal annars
gert ráð fyrir sýningar- og veitinga-
sal, eldhúsi, fundarsal og átta gisti-
herbergjum. Einnig verður tjald-
stæði við bygginguna.
Gestastofan mun samkvæmt upp-
lýsingum VesturVerks nýtast
starfsmönnum fyrirtækisins á með-
an á byggingu virkjunarinnar stend-
ur. Eftir það mun hún sameina að-
stöðu fyrir starfsmenn við
viðhaldsvinnu og aðstöðu fyrir gesti
og gangandi.
Tilgangur gestastofunnar er að
veita upplýsingar um Hvalárvirkjun
og almennt um endurnýjanlega
orkunýtingu auk miðlunar upplýs-
inga um Árneshrepp og ferðaþjón-
ustu. Fram kemur í erindi Vestur-
Verks að áformað er að bjóða
rekstur gestastofunnar út, helst til
áhugasamra heimamanna.
Eva oddviti segir að hugmynd að
gestastofu sé ný af nálinni og segir
að sér lítist vel á hana. Málið sé
hinsvegar órætt í hreppsnefnd. Hún
segir að stutt sé til kosninga og telur
líklegt að beðið verði með umfjöllun
um samfélagsverkefnin þar til eftir
kosningar.
„Víða þar sem stór áform eru í
gangi hefur verið farið í samfélags-
leg verkefni. Því skyldi það ekki
gerast hér?“ segir Eva Sigurbjörns-
dóttir þegar hún er spurð að því
hvort eðlilegt sé að fyrirtækið ráðist
í þessi verkefni.
Reisa gestastofu við Hvalá
Hreppsnefnd Árneshrepps afgreiðir tillögur að skipulagi Hvalárvirkjunar
Reiknað með að umfjöllun um samfélagsverkefni bíði nýrrar hreppsnefndar
Eva
Sigurbjörnsdóttir
Morgunblaðið/RAX
Hvalárfoss Virkjun Hvalár í Ófeigsfirði er umdeild framkvæmd. Skipulagsmál svæðisins ættu að skýrast í dag.
Vegagerðin hafnaði því að opna
veginn norður í Árneshrepp, að
sögn Evu Sigurbjörnsdóttur
oddvita, en þess var óskað til að
auðvelda fólki að komast á fund
hreppsnefndar. Sjálf þarf Eva að
fara á vélsleða úr Djúpavík um
ófærur og fjöll, norður í Norður-
fjörð þar sem fundurinn verður
haldinn í dag, á skrifstofu
hreppsins. Eva segir að ráð-
gjafar hreppsnefndarinnar í
skipulagsmálum komi með
flugi.
Vegurinn
ekki opnaður
MIKILVÆGUR FUNDUR
Skipulagðri leit að Ríkharði Pét-
urssyni á Selfossi sem saknað hefur
verið frá því á þriðjudag í sl. viku
hefur verið hætt. Þaulleitað var
innanbæjar á Selfossi og í næsta ná-
grenni um helgina og nú bendir
flest til þess að Ríkharður hafi farið
í Ölfusá, enda fundu leitarhundar
slóð hans liggja að bökkum árinnar.
Leit þar er erfið þessa dagana,
enda eru bakkar hennar ísilagðir
og klakahröngl í árstraumnum eins
og oft er á þessum tíma árs.
Engar vísbendingar eru, að sögn
lögreglu, um refsiverða háttsemi
tengda hvarfi Ríkharðs sem var
fæddur árið 1969 og var búsettur á
Selfossi. sbs@mbl.is
Skipulagðri leit að Ríkharði er hætt
Til skoðunar er hjá Lyfjastofnun
hvernig mögulegt sé að takmarka
aðgengi að ópíóíðum, samkvæmt
skriflegu svari heilbrigðisráðuneyt-
isins við fyrirspurn mbl.is.
Tilefni fyrirspurnarinnar voru
ummæli Ólafs B. Einarssonar, sér-
fræðings í lyfjateymi embættis land-
læknis um að meginvandi vegna
ávanabindandi lyfja á Íslandi yrði
ekki leystur nema settar yrðu meiri
skorður við aðgengi einstaklinga að
ávísunum og önnur úrræði efld.
Í svari heilbrigðisráðuneytisins
kemur fram að í apríl muni taka gildi
reglugerð um afgreiðslu og afhend-
ingu lyfja, sem þrengi að ávísunum
ópíóíða. Þá hefur verið stofnaður
starfshópur innan ráðuneytisins sem
hefur það hlutverkt að móta tillögur
um hvernig megi draga úr mis- og
ofnotkun geð- og verkjalyfja.
Tæplega þriðjungur þjóðarinnar
fær ávísuð ávanabindandi lyf á
hverju ári frá rúmlega tvö þúsund
læknum. Flestir fá aðeins lítilræði af
lyfjum en þeir sem fá óhóflega ávís-
að af ópíóíðum skipta þó hundr-
uðum.
Fram hefur komið í máli Ólafs B.
Einarssonar að sá hópur lækna sem
ávísi óhóflega af ávanabindandi lyfj-
um til sjúklinga sinna sé lítill.
AFP
Lyf Unnið er að leiðum til að
minnka misnotkun löglegra lyfja.
Þörf á að
takmarka
aðgengi
Lyfjastofnun skoð-
ar ópíóíðaneyslu