Morgunblaðið - 30.01.2018, Síða 14

14 FRÉTTIRInnlent
MORGUNBLAÐIÐ ÞRIÐJUDAGUR 30. JANÚAR 2018
Veiðar á skötusel við landið hafa ver-
ið vottaðar af Marine Stewardship
Council (MSC) og mun þetta vera í
fyrsta skipti sem skötuselsveiðar fá
alþjóðlega vottun. Þá mun þetta vera
áttunda tegundin, sem ISF er fyrst
til að fá viðurkenningu á samkvæmt
stöðlum MSC.
Iceland Sustainable Fisheries
(ISF), sem eru samtök um sjálfbærar
veiðar við landið, sótti um umhverfis-
vottunina. Veiðar og vinnsla voru í
kjölfarið teknar út samkvæmt alþjóð-
legum staðli af vottunarstofunni Tún.
MSC er stærst alþjóðlegra vottunar-
kerfa og viðurkennt um allan heim.
Vottunin opnar fyrir sölu sjávaraf-
urða inn á markaði sem sérstaklega
krefjast MSC vottunar þar sem neyt-
endur kaupa síður eða ekki vörur án
umhverfismerkinga eins og MSC.
Um 90% alls afla með vottun
Samkvæmt upplýsingum frá MSC
eru allar uppsjávarveiðar Íslendinga
með MSC-vottun og í heildina eru um
90% af öllum lönduðum afla með
þessa vottun. Nú eru veiðar á 16 teg-
undum við Ísland MSC-vottaðar, en
vottun á grásleppu var nýlega aftur-
kölluð vegna meðafla. Fáar þjóðir eru
með svo hátt hlutfall umhverfis-
vottaðra veiða og vinnslu. MSC áætl-
ar að nálægt 17% af MSC vottuðum
veiðum í heiminum séu við Ísland,
Færeyjar og Grænland.
Skötuselsafli hefur farið minnk-
andi síðustu ár og er aflamarkið 835
tonn fyrir yfirstandandi fiskveiðiár. Í
ráðgjöf Hafrannsóknastofnunar fyrir
þetta ár segir meðal annars: Skötu-
selsafli hefur minnkað frá árinu 2009
þegar hann náði sögulegu hámarki.
Um helmingur aflans veiðist í net en
annað sem meðafli í botnvörpur og
dragnót. Helstu veiðisvæði skötusels
undanfarin tvö ár hafa verið í mynni
Ísafjarðardjúps.
Meira en helmingur af aflanum fer
ferskur á Bretlandsmarkað.
Veiðar á skötusel
fá MSC-vottun
 16 tegundir við Ísland MSC-vottaðar
Morgunblaðið/Sigurður Ægisson
Skötuselur Afli hefur farið minnk-
andi, og er aflamarkið 835 tonn í ár.
Baldur Arnarson
baldura@mbl.is
Skipulagsyfirvöld í Kópavogi hafa
auglýst breytt deiliskipulag við
Vatnsendablett 730-739. Breytingin
felur í sér fjölgun íbúða og lóða og til-
færslu á byggingarreitum.
Með breytingunni verður meðal
annars til ný húsagata, Gilsbakki,
með húsnúmerunum 2-12.
Byggingarsvæðið er milli Elliða-
hvamms og Elliðavatns.
Fram kemur í kynningu skipu-
lagsyfirvalda að samkvæmt gildandi
deiliskipulagi sé gert ráð fyrir einni
íbúð á þeim 10 lóðum sem liggja inn-
an skipulagssvæðisins. Breytingar-
tillagan geri hins vegar ráð fyrir 7
parhúsum, fjórbýlishúsi og fjölbýlis-
húsi með 5 íbúðum, alls 23 íbúðum.
Mega vera allt að
308 fermetrar
„Skilmálar nýbygginga breytast á
þann veg að grunnflötur hverrar
íbúðar í parhúsi má að hámarki vera
154 fermetrar og heildarbyggingar-
magn 308 fermetrar. Hámarksvegg-
hæð frá aðkomuhæð er 6,8 metrar og
hámarksþakhæð 7,5 metrar,“ segir
meðal annars í kynningunni.
Byggingarsvæðið er á vinstri hönd
þegar ekið er niður Elliðahvamms-
veg. Það er norðan við Eggja- og
kjúklingabúið Hvamm á Elliða-
hvammi. Svæðið er gróið. Reiðleið er
við Elliðahvamm og stutt í göngu-
leiðir í Heiðmörk. Svæðið er því eins
og sveit í borg.
Hleypur á hundruðum milljóna
Miðað við lóðarverð á höfuðborg-
arsvæðinu má ætla að lóðir undir 23
íbúðir á svo eftirsóttu svæði muni
ekki kosta undir 300 milljónum.
Frestur til að skila inn athuga-
semdum rennur út 12. mars.
Eftir efnahagshrunið 2008 var
nokkuð um hálfkláruð hús og
óbyggðar lóðir í Hvörfunum.
Nú er byggðin orðin þétt og skort-
ur á lóðum á svæðinu.
Vestan við þetta svæði áforma
skipulagsyfirvöld í Kópavogi nokkur
hundruð íbúða byggð á Vatnsenda-
hæð. Þar hafa verið hugmyndir um
hátt hlutfall sérbýlis. Jafnframt er
nú uppbygging í Þingahverfinu.
Kynna nýja íbúðabyggð við
Vatnsendablett í Kópavogi
 Bærinn kynnir deiliskipulag með 23 íbúðum við Elliðavatn
Morgunblaðið/Baldur
Vatnsendablettur Hér má sjá hluta svæðisins. Skúrinn á myndinni verður rifinn. Eggjabúið Hvammur er til hægri.
Vatnsendablettur
730-739
Elliðavatn
Kort: openstreetmap.org
Vatns-
enda-
hæð
HVÖRF
Vatnsendablettur
730-739
ÞING
Breiðholtsbra
ut
Va
tns
end
av
eg
ur
Sigtryggur Sigtryggsson
sisi@mbl.is
Umhverfis- og skipulagsráð Reykja-
víkur hefur hafnað hugmynd Reita
fasteignafélags hf. um að reisa 110
metra háan vita við Sæbraut, til
móts við Höfða. Hugmynd Reita var
að „búa til nýja upplifun í borg-
arrýminu þar sem sýning og upplýs-
ingarveita eru sameinuð í formi út-
sýnis- og fræðsluvita.“
Það var niðurstaða skipulagsfull-
trúa borgarinnar að hugmyndin
samræmdist ekki stefnu um skipulag
byggðar í næsta nágrenni við Höfða.
Eins og fram kom í frétt í
Morgunblaðinu s.l. laugardag hefur
borgarráð heimilað framkvæmdir
við nýjan innsiglingarvita Faxaflóa-
hafna við Sæbraut, fyrir framan
Höfða.
Reitir fasteignafélag hf. hafa lýst
áhuga á að taka þátt í ferlinu og
vinna með Reykjavíkurborg og
Faxaflóahöfnum að útvíkkun á hug-
taki vitans, eins og það er orðað.
Tillagan gekk út á að færa vitann
ofar og búa til nýja upplifun í borg-
arrýminu. Vitinn yrði engin smá-
smíði, eða 110 metrar yfir sjávar-
máli, en fyrirhugaður innsiglingar-
viti er aðeins 5 metra hár. Reitir
lýstu yfir áhuga á að reisa vitann í
samstarfi við Reykjavíkurborg og
Faxaflóahafnir og reka hann í 25-30
ár samkvæmt nánara samkomulagi.
Í umsögn skipulagsfulltrúa segir
m.a. að hugmynd að breyttri út-
færslu innsiglingarvitans til móts við
Höfða samkvæmt tillögu fyrirspyrj-
anda sé mannvirki sem taki mikið til
sín og hafi umtalsverð áhrif á ásýnd
og umhverfi borgarinnar sem nýtt
kennileiti í borgarmyndinni. Ljóst sé
að sú starfsemi sem gert er ráð fyrir
í mannvirkinu komi til með að draga
að sér umtalsverða umferð sem gera
þyrfti ráð fyrir í nærumhverfinu svo
sem bílastæði, rútur, aðkomu ofl.
Höfði mikilvægt kennileiti
„Höfði er mikilvægt kennileiti í
borginni og við alla fyrri skipulags-
gerð hefur þess verið gætt að húsið
fái að njóta sín og mannvirki í næsta
nágrenni taki tillit til þess og ákveðin
fjarlægð sé tryggð. Það á einnig við
um fyrirliggjandi útfærslu að inn-
siglingarvitanum við Höfða sem nú
er kominn á framkvæmdastig. Um-
rædd hugmynd að Veðurvita sam-
ræmist því ekki meginstefnu um
skipulag byggðar í næsta nágrenni
við Höfða,“ segir skipulagsfulltrúin
og tekur neikvætt í fyrirspurnina.
Sæbrautin Þessi tölvumynd fylgdi tillögu Reita um hinn 110 metra háa veð-
urvita sem fyrirtækið vildi reisa. Hann átti að vera beint fyrir neðan Höfða.
Hugmynd um 110
metra háan vita við
Sæbraut hafnað
 Byggingar skyggi ekki á Höfða