Morgunblaðið - 06.03.2018, Page 29

DÆGRADVÖL 29
MORGUNBLAÐIÐ ÞRIÐJUDAGUR 6. MARS 2018
Stjörnuspá
21. mars - 19. apríl 
Hrútur Þú ættir að gera eitthvað fyrir sjálfan
þig, ekkert stórt, en það má margt gera án
mikillar fyrirhafnar eða kostnaðar. Taktu þér
tíma til að tala frá hjartanu við einhvern í dag.
20. apríl - 20. maí 
Naut Hafðu varann á í samningaviðræðum
og viðskiptum. Samstarfsfélagar virða það
sem þú segir. Þú mátt ekki missa móðinn
þótt eitthvað blási á móti.
21. maí - 20. júní 
Tvíburar Morgunninn er kannski eilítið
óreiðukenndur, en þá er mikilvægt að muna
að láta ekki smáatriði slá sig út af laginu.
Leitaðu ráða varðandi málið hjá ábyggilegum
aðilum.
21. júní - 22. júlí 
Krabbi Þú lætur aðgerðir annarra fara í taug-
arnar á þér og þarft að hafa hugfast að aðrir
verða að ráða sínum málum. Einbeittu þér að
eigin málum og láttu aðra eiga sig um hríð.
23. júlí - 22. ágúst 
Ljón Efasemdir um mann sjálfan eru alger
tímasóun og þú mátt engan tíma missa í dag.
Sýndu að þú sért til í að breytast ef það verð-
ur til þess að halda ástinni lifandi.
23. ágúst - 22. sept. 
Meyja Gefðu þér tíma til að stofna til nýrra
kynna sem og að rækta samböndin við gömlu
félagana. Hlustaðu á þá sem þarfnast hjálpar
en vísaðu þeim burt sem vilja bara athygli.
23. sept. - 22. okt. 
Vog Þér er óhætt að fara eftir hugboði þínu í
því máli sem þú og vinir þínir bera mest fyrir
brjósti. Og hver veit nema einhver þeirra eigi
eftir að opna þér dyr.
23. okt. - 21. nóv.
Sporðdreki Sjálfsagt er að sýna skoðunum
annarra virðingu, þótt þær fari ekki saman
við okkar eigið álit. Þú ert ánægð/ur með þig
þessa dagana og mátt það vel.
22. nóv. - 21. des.

Bogmaður Það þarf lag til að stefna öllum
þáttum þannig að þeir beri að þeim brunni
sem þú vilt. Oft var þörf en nú er nauðsyn að
halda sig á mottunni hvað fjárútlát varðar.
22. des. - 19. janúar 
Steingeit Það gæti legið illa á fjölskyldu-
meðlimum vegna óleystra ágreiningsefna
heimafyrir. Alveg eins og líkami þinn þarfnast
líkamlegrar næringar gerir andi þinn það líka.
20. jan. - 18. febr. 
Vatnsberi Það er að mörgu að hyggja þegar
samningar eru gerðir. Láttu kíkja á þig ef van-
líðan hefur verið að angra þig, eða losaðu þig
við neikvæðar venjur sem spilla heilsunni.
19. feb. - 20. mars

Fiskar Það kæmi sér betur fyrir þig að leyfa
öðrum að ráða ferðinni um tíma. Litlu skrefin
sem þú tekur til þess að bæta starfsaðstöð-
una leiða til stórfelldra breytinga.
Þegar guðirnir brosa niður til Vík-verja gefa þeir honum tíma til að
undirbúa alvörusunnudagsmáltíð
fyrir fjölskylduna. Jafnvel stórfjöl-
skylduna ef því er að skipta. Á þess-
um árstíma felur það í sér að upp úr
hádegi hefst undirbúningur og hann
felst í niðurskurði á grænmeti og
fleiru sem fær að malla í steypu-
járnspotti með vænum kjötbita fram
á kvöld.
x x x
Á stundum sem þessum gefst Vík-verja færi á að láta hugann
reika. Það er ekki endilega ávísun á
merkilega hluti en að þessu sinni
varð honum hugsað til þeirra ótrú-
legu breytinga sem hér hafa orðið
síðustu ár. Oft er erfitt að átta sig á
breytingum meðan þær eru að verða
en þær breytingar sem íslenskt þjóð-
félag er að fara í gegnum fara ekki
fram hjá neinum. Þetta ber auðvitað
fyrst að fremst að þakka auknum
ferðamannastraumi en þessir gestir
okkar hafa fært ófáar krónurnar í
baukinn.
x x x
Jói á bolnum og Víkverji njóta góðsaf þessu góðæri. Nýjar bygg-
ingar spretta upp í miðbænum,
spennandi veitingastaðir eru á
hverju horni og miklu meira líf yfir
öllu en áður var. Vissulega fylgja
þessu vaxtarverkir en þau vandamál
sem upp koma eru smávægileg í
stóra samhenginu. Nú er meira að
segja hægt orðið að fara í sund aftur
á kvöldin eins og ættu að teljast sjálf-
sögð mannréttindi hér á landi. Það
gæti reyndar tengst því eitthvað að
fyrir höndum eru sveitarstjórn-
arkosningar.
x x x
Víkverji reyndi að sinna sjónvarps-áhorfi meðfram áðurnefndum
verkum. Best bar í veiði á Netflix þar
sem kokkurinn David Chang fjallaði
um menningarfyrirbærið pítsu í
fyrsta hluta þáttaraðarinnar Ugly
Delicious. Þvílíkt gæðaefni. Síðasta
verk helgarinnar var að fylgjast með
ævintýrum lögreglumannsins Banks
sem var á dagskrá DR1. Getur ein-
hver frætt Víkverja um af hverju það
eru alltaf bresk sakamál á dagskrá
DR1? vikverji@mbl.is
Víkverji
En öllum þeim sem tóku við honum
gaf hann rétt til að verða Guðs börn,
þeim sem trúa á nafn hans.
(Jóh: 1.12)
Viðarhöfða 1, 110 Reykjavík | Sími 566 7878 | rein.is
silestone.com
Bakteríuvörn
Kvarts steinn frá Silestone er fáanlegur í fjölbreyttum áferðum og litum.
Silestone bjóða einir upp á borðplötur með varanlegri
bakteríu- og sveppavörn.
Gefðu heimilinu ferskleika og líf á þínum forsendummeð Silestone.
Blettaþolið Sýruþolið
Högg- og
rispuþolið
Kvarts steinn
í eldhúsið
Hér er fallegt „síðvetrarljóð“sem Ólafur Stefánsson hefur
skráð í Leirinn:
Ég hélt um stund það væri’ að koma vor,
vindinn lægði, máðust klakaspor.
Sólin skein á skafl sem tórði enn,
og skíðabrekkan rann hér út í for.
En það er breytt og þræsingsvind ég finn,
„þorraveður“ ríkir enn um sinn.
Bjartsýnn laukur leggur saman blöð,
sér leika inni viðkvæm krakkaskinn.
Víst að lokum verður betri tíð,
þá veltast lömb og börn í grænni hlíð.
Göngumaður grípur staf og mal,
við gneypa tinda heyr sitt einkastríð.
Ármann Þorgrímsson yrkir líka
fallega um vorið og kallar „Tíð-
arfarið“:
Fellur hvít til foldar mjöllin
fannir hylja móður jörð
aldurhnigin tárast tröllin
tæta vindar fjalla skörð.
En það er bráðum von á vori
veður hlýna og sólin skín
Lífið mun þá spretta úr spori
og spóinn vella kvæðin sín
Því skal reyna að þreyja góu
þorri talsvert betri var.
Þó að kannski muni mjóu
mun ég standa í lappirnar.
„Góa hálfnuð,“ segir Sigmundur
Benediktsson um tíðarfarið.
„Hættulegt mun vera að fara með
hól að henni þó stillt sé sunnan
heiða, því enn dustar hún pilsin
fyrir norðan og viðsjál er hún, en
kannski fer hún að láta undan síga.
Lægðaskriðan liðin hjá
lífs ófriðinn tefur.
Góða hliðin góu á
gæðasniðið vefur.
Allur er varinn góður. Gunnar J.
Straumland yrkir á Boðnarmiði:
Ef hún nú kemur sú ylvolga tíð
opna ég líklega dyrnar.
Á meðan ég varfærinn, vongóður bíð,
vökva ég frostrósirnar.
Fimbulvetrarfrostsins rós
fegrar glerjaljóra.
Hjúpar frerans hreisturljós
hrímsins blómaflóra.
Gjósta var einn af gæðingum Ein-
ars E. Sæmundsen. Hann orti:
Vel hefur sóst á vinarmót,
vín er í brjósti inni.
Yfir hrjóstur hrauna’ og grjót
hleypti’ eg Gjóstu minni.
Halldór Blöndal
halldorblondal@simnet.is
Vísnahorn
Enn er skafl
og þó vor í lofti
„MIG LANGAR TIL AÐ SJÁ ÞIG AÐ
MINNSTA KOSTI EINU SINNI Í VIKU.
GÆTIRÐU REDDAÐ MÉR ÁRSMIÐUM?“
„VIÐ KLÁRUÐUM VÍNGLÖSIN OKKAR. ÞIÐ
ÞURFIÐ AÐ SITJA NÆR HVORT ÖÐRU.“
Ferdinand
Hrólfur hræðilegi
Grettir
... vitandi að þú ert
alltaf á bak við mig.
GERUM EKKERT Í
DAG
JÆJA ÞÁ… SVO LENGI SEM ÉG FÆ
TÍMA TIL ÞESS AÐ LÁTA
EINS OG ASNI
ÉG VEIT AÐ ÉG HEF VERIÐ
GAGNRÝNINN UPP Á SÍÐKASTIÐ…
EN ÞÚ HLÝTUR AÐ FARA AÐ GERA
EITTHVAÐ SEM ÉG GET
FLOTTUR VINSTRI KRÓKUR!!
Í klípu eftir Mike Baldwin eftir Jim UngerHermann