Morgunblaðið - 19.04.2018, Síða 6

6 FRÉTTIRInnlent
MORGUNBLAÐIÐ FIMMTUDAGUR 19. APRÍL 2018
Tallinn & Pétursborg
sp
ör
eh
f.
Sumar 18
Í þessari glæsilegu ferð fléttast saman tveir einstaklega
áhugaverðir áfangastaðir,Tallinn höfuðborg Eistlands og
Pétursborg.Tallinn er ein best varðveitta miðaldaborg Norður-
Evrópu og Pétursborg er án nokkurs efa ein helsta miðstöð
menningar og lista, en margir telja borgina eina þá fallegustu
í heimi og er miðbærinn allur á heimsminjaskrá UNESCO.
23. - 29. ágúst
Fararstjóri: Pétur Óli Pétursson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 214.500 kr. á mann í tvíbýli.
Mjög mikið innifalið!
Erna Ýr Öldudóttir
ernayr@mbl.is
„Til þessa hefur ekki verið krotað á þessa veggi, þetta er
fyrsta krotið. Við höfum ekki fengið tilkynningu um hverj-
ir þetta voru og enginn hefur lýst ábyrgð á hendur sér, en
við þiggjum allar ábendingar,“ segir Jón Halldór Jónas-
son, upplýsingafulltrúi hjá Reykjavíkurborg, um veggja-
krot á grjótgarðinn meðfram Miklubraut við Klambratún.
Þar er nú búið að úða veggjakroti. Hann segir hreinsun á
krotinu vera verk á framkvæmdastigi, og að ekki sé víst
hvenær eða hvernig það verði gert en giskaði á háþrýsti-
þvott. Brugðist sé skjótt við kroti hjá borginni með há-
þrýstiþvotti, umhverfisvænum hreinsiefnum eða málað yf-
ir krotið. Særandi og rasísk ummæli gangi fyrir,
sérstaklega á skólabyggingum.
„Umsjónaraðili mannvirkisins ber ábyrgð á hreinsun-
inni og í þessu tilfelli eru það Reykjavíkurborg og Vega-
gerðin,“ segir Jón Halldór, en Miklabraut er stofnbraut.
Ekki sé fyrirséð hve mikið hreinsunin muni kosta, en
samkvæmt vef borgarinnar var kostnaður hennar vegna
veggjakrots tæpar 20 milljónir árið 2016.
Spurður hvað hægt sé að gera til að bæta ástandið
svarar Jón Halldór því að aldrei sé hægt að koma í veg fyr-
ir óvitaskap. Um sé að ræða skemmdarverk og umræða í
samfélaginu geti e.t.v. hjálpað en einnig vill Jón Halldór
benda fólki á að hafa augun opin og nota ábendingavef
Reykjavíkurborgar í tilfellum sem þessum.
Skemmdarverk á grjótgarði
 Hreinsa þarf hleðslu við Miklubraut með háþrýstiþvotti
Morgunblaðið/Hari
Veggjakrot á umdeildum vegg Einhver óprúttinn hefur ákveðið að valda spjöllum á grjótgarðinum við Miklubraut.
Þeistareykjastöð er komin í full-
an rekstur eftir að seinni véla-
samstæða hennar var tekin í
notkun. Afl stöðvarinnar er nú
alls 90 MW. PCC kaupir hluta
orkunnar.
Þeistareykjastöð var gangsett
í nóvember þegar fyrri véla-
samstæðan var ræst og tengd
við flutningskerfið. Framkvæmdir
við annan áfanga hafa gengið vel
og hefur vélasamstæðan verið í
tilraunarekstri síðustu vikur.
Framkvæmdum á Þeistareykja-
svæðinu lýkur í haust.
Gangsetning vélarinnar tryggir
enn betur afhendingu rafmagns
til viðskiptavina Landsvirkjunar
á Norðausturlandi, samkvæmt
upplýsingum Magnúsar Þórs
Gylfasonar, yfirmanns sam-
skiptasviðs, auk þess sem auð-
veldara verður að mæta aukn-
ingu í eftirspurn á Norð-
austurlandi og annars staðar á
landinu.
Aflstöðin í fullan rekstur
ÞEISTAREYKJAVIRKJUN
Helgi Bjarnason
helgi@mbl.is
Byrjað verður að hita fyrri ofn kís-
ilvers PCC á Bakka við Húsavík í
dag eða næstu daga. Ef uppkeyrsl-
an gengur að óskum skilar ofninn
fyrstu afurðunum eftir um það bil
tíu daga. „Þetta er gríðarlega stór
áfangi í verkefni sem lengi hefur
verið unnið að,“ segir Hafsteinn
Viktorsson, forstjóri PCC Bakki-
Silicon hf.
Fjöldi starfsmanna á vegum aðal-
verktaka kísilversins, þýska fyrir-
tækisins SMS Group, hefur unnið
að byggingu verksmiðjunnar.
Framkvæmdir hafa gengið vel að
undanförnu og nú er komið að því
að gangsetja fyrri ljósbogaofn þessa
áfanga en ofninn ber heitið Birta.
Ofn númer tvö sem tekinn verður í
notkun í kjölfarið hefur fengið heit-
ið Bogi.
Í gær var unnið að öryggisúttekt
á síðustu byggingunum en að þeim
koma slökkvilið, Vinnueftirlitið,
byggingafulltrúi og fleiri. Hafsteinn
sagði í gær að ef jákvæð niðurstaða
yrði af því myndi hitun Birtu hefj-
ast klukkan 10 í dag, fimmtudag.
Síðdegis í gær var ekki ljóst hvort
það tækist. Það gæti því dregist til
morguns eða næstu daga. Jafn-
framt var í gær verið að prófa síð-
asta kerfið, innmötunarkerfi hrá-
efna að ofninum.
Lykt innan lóðar
Byrjað verður á því að setja
straum á ofninn í stuttan tíma. Tím-
inn verður smám saman lengdur og
straumur aukinn. Tilgangurinn er
að baka fóðringu ofnsins. Eftir tvo
til þrjá daga, þegar fóðringin er
fullbökuð, verða hráefni sett inn og
eiginleg framleiðsla hefst um það
bil viku síðar þegar fyrstu afurð-
irnar skila sér úr ofninum.
PCC hefur lagt áherslu á að upp-
lýsa Húsvíkinga og aðra nágranna
kísilversins um stöðu mála og að
þeir verði fyrir sem minnstum
óþægindum vegna uppkeyrslu ofns-
ins. Hafsteinn segir að einhver lykt
verði af ofninum á meðan verið er
að baka fóðringuna en hann á ekki
von á að hún berist út fyrir lóð fyr-
irtækisins. Það er þó eitthvað háð
veðri og vindátt. Það hjálpar að
reykhreinsivirki verksmiðjunnar
verður tekið í notkun strax en áður
var búið að tilkynna að ekki væri
hægt að nota það við uppkeyrslu
ofnsins. Reykhreinsivirkið mun
draga úr áhrifum á umhverfið.
Seinustu handtökin drjúg
Áætlanir gerðu ráð fyrir að kísil-
verið yrði gangsett undir lok síðasta
árs. Framkvæmdir við virkjun og
háspennulínur miðuðust við það.
Framkvæmdum við verksmiðjuna
seinkaði hins vegar nokkuð. Haf-
steinn segir að nokkrar ástæður séu
fyrir því. Í fyrsta lagi hafi orðið taf-
ir í upphafi vegna þess að jarð-
vinnan á lóðinni á Bakka hafi tekið
meiri tíma en áætlað var og ekki
hafi tekist að vinna þá seinkun upp.
Þá hafi fyrirtækið tekið þá stefnu
að setja verksmiðjuna ekki í gang
fyrr en allt væri tilbúið og menn
öruggir um að gangsetning gengi
vel. Þá hafi síðustu handtökin verið
drjúg og tekið sinn tíma.
Þýski verktakinn, SMS Group,
sér um að byggja verksmiðjuna og
útvega allan tæknibúnað. Hafsteinn
segir að enn séu ýmis handtök eftir
en starfsfólki muni fækkað mikið á
næstunni. Þó verði menn frá fram-
leiðandanum á staðnum þar til loka-
afhending fer fram, væntanlega ein-
hvern tímann í sumar.
Afurðirnar uppseldar
Allar afurðir verksmiðjunnar
hafa verið seldar fyrirfram, með
langtíma sölusamningum. Kísillinn
er seldur til þriggja stórra kaup-
enda í Evrópu og mun fara til ál-
vera og í efnaiðnað. Hafsteinn segir
að gerð séu verðmæti úr öllum
aukaafurðum þannig að engu verði
fargað, nema lífrænum úrgangi. Í
dag verður síðasti samningurinn
undirritaður en hann er um sölu á
kísilrykinu sem til fellur við fram-
leiðsluna. Kísilrykið er meðal ann-
ars notað í steypu. Allar afurðirnar
eru fluttar út.
Byrjað að hita upp fyrri ofninn
 Framleiðsla hefst í kísilveri PCC á Bakka við Húsavík næstu daga  Gangsetning tafðist um 3-4
mánuði  Ekki búist við óþægindum fyrir nágranna  Allar afurðir verksmiðjunnar seldar fyrirfram
Morgunblaðið/Hafþór Hreiðarsson
Hráefni Verksmiðjan hefur safnað upp birgðum af hráefnum sem landað er í Húsavíkurhöfn. Við framleiðsluna er
notað kvars og kolefni, meðal annars kol og trjákurl. Tréð er flutt inn frá Finnlandi og bútað niður í verksmiðjunni.
Kísilver PCC
» Í fyrsta áfanga kísilvers PCC
á Bakka mun framleiðslan fara
fram í tveimur ljósbogaofnum.
Afurðirnar eru 32 þúsund tonn
af kísilmálmi á ári.
» Hvor ofn notar 24 MW afl
raforku. Heildaraflþörf verk-
smiðjunnar er 52 MW sem tvö-
faldast þegar verksmiðjan
verður fullbyggð. Raforkan
kemur frá Þeistareykjastöð
Landsvirkjunar.