Morgunblaðið - 19.04.2018, Síða 22

22 FRÉTTIRInnlent
MORGUNBLAÐIÐ FIMMTUDAGUR 19. APRÍL 2018
SVIÐSLJÓS
Ágúst Ingi Jónsson
aij@mbl.is
Nýliðun og gróska hefur einkennt
starf Skóræktarfélags Reykjavíkur í
tvennum skilningi síðustu misseri. Í
fyrsta lagi voru fleiri plöntur gróð-
ursettar á vegum félagsins í fyrra
heldur en um langt árabil. Í öðru lagi
hefur fjölgað verulega í félaginu og
er þar að stórum hluta á ferð ungt
fólk sem hefur áhuga á starfinu og
að leggja félaginu lið, að sögn Helga
Gíslasonar, framkvæmdastjóra
Skógræktarfélags Reykjavíkur SR.
Heiðmörk er stærsta útivistar-
svæðið á höfuðborgarsvæðinu og á
hverju ári sækir yfir hálf milljón
gesta þangað. SR fer með umsjón
svæðisins, en landeigendur eru
Reykjavíkurborg, Orkuveita
Reykjavíkur og Garðabær. Í fyrra
gróðursetti félagið 117 þúsund
plöntur í Heiðmörk og er það mesta
gróðursetning í áratug.
50-80 ára ungskógur
Alls gróðursetti félagið 205 þús-
und plöntur í fyrra og áætlar Helgi
að það sé hátt í 10% af því sem var
gróðursett í landinu öllu. Félagið sé
því stórt í þessu starfi þar sem Skóg-
ræktin, Landgræðslan, um 50 skóg-
ræktarfélög og um 700 skógar-
bændur komi að skógrækt.
Mikið var gróðursett í Heiðmörk á
árunum frá um 1950 og fram undir
1980. Að sögn Helga hafa trén spjar-
að sig vel og þessi árin er vöxturinn
svo kröftugur að Heiðmörkin tvö-
faldar rúmmál sitt að sumri á fimm
ára fresti og kolefnisbinding er því
öflug. Tré geta orðið 3-600 ára, t.d.
sitkagreni sem er áberandi í Heið-
mörk, og því er rétt að flokka skóg-
inn í Heiðmörk sem ungskóg, að
sögn Helga.
Auk Heiðmerkur er Skógræktar-
félagið með starfsemi víðar, t.d. á
tveimur jörðum í Esjuhlíðum, Mó-
gilsá og Kollafirði. Félagið á Múla-
staði í Flókadal sem er um 650 hekt-
ara jörð og hefur umsjón með
skógræktarsvæði á prestsetrinu
Reynivöllum í Kjós.
Í Mýrdalshreppi leigði SR jarð-
irnar Fell, Álftagróf og Keldudal ár-
ið 1989, en keypti þær fyrir skömmu.
Alls er svæðið í Mýrdalnum um
1.000 hektarar og var landið nefnt
Fellsmörk. Almenningi var boðið að
fá eins hektara spildur á svæðinu til
ræktunar. Gegn því að annast skóg-
rækt á svæðinu og greiða leigu hafa
landnemar rétt til byggingar sum-
arbústaða á sínum skikum og eru nú
um 15 bústaðir á svæðinu.
Helgi segir að almenningur sé
mjög hliðhollur skógrækt og bendir í
því sambandi á niðurstöður skoð-
anakönnunar sem Gallup gerði í síð-
asta mánuði fyrir hagsmunaaðila í
skógrækt. Í niðurstöðunum kemur
fram að langflestir landsmenn eru
mjög jákvæðir fyrir skógrækt og
þeim fjölgar sem telja að auka beri
skógrækt til að binda koltvísýring
og hamla gegn loftslagsbreytingum.
Jákvæðastir mælast ungir Íslend-
ingar, háskólamenntaðir og íbúar
nágrannasveitarfélaga Reykjavíkur.
Finna fyrir jákvæðni
„Við finnum fyrir þessari já-
kvæðni í Skógræktarfélagi Reykja-
víkur og ungt fólk er mjög móttæki-
legt fyrir starfseminni,“ segir Helgi.
„Síðari hluta árs 2015 byrjaði nýtt
fólk að ganga í félagið svo um mun-
aði. Á hálfu þriðja ári hefur fjölgað
hjá okkur um 600 manns og fjöldinn
farið úr um þúsund í um 1.600 fé-
laga.
Margir hafa komið til okkar í jóla-
skóginn og á jólamarkaðinn og notað
tækifærið til að ganga í félagið.
Þetta er ekki endilega fólk sem ætl-
ar út í skóg að gróðursetja heldur
vill styðja það sem við erum að gera
og er ánægt með það.“
Mörg verkefni eru framundan, en
þó svo að sumardagurinn fyrsti sé í
dag er sumarstarfið ekki komið í
gang og aðeins þrír fastir starfs-
menn í höfuðstöðvum félagsins í
gamla Elliðavatnsbænum plús einn
verkefnaráðinn og einn starfsnemi.
Verulega fjölgar í hópnum í sumar
og þar munar mest um öflugan hóp
frá Landsvirkjun. Fyrirtækið hefur í
um 20 ár lagt starfi Skógræktar-
félagsins lið.
„Án þessa stuðnings held ég að við
gætum ekki sinnt nauðsynlegum
verkefnum við stíga og gróðursetn-
ingu,“ segir Helgi.
Stígakerfið 50 kílómetrar
Undanfarið hefur SR rætt við
landeigendur um endurnýjun á skilt-
um í Heiðmörk, sem eru alls hátt í
250 talsins enda er svæðið stórt.
Helgi bendir á að flatarmál Heið-
merkur sé nánast jafn stórt og allt
byggðasvæði Reykjavíkur og stíga-
kerfið sé nálægt 50 kílómetrum að
lengd.
Búið er að kostnaðargreina verk-
efnið og áætlar Verkfræðistofan
Efla að endurnýjun allra skiltanna
kosti um 21 milljón. Tillögur og
hugmyndir hafa verið lagðar fyrir
eigendur að Heiðmörk og vonast
Helgi til að hægt verði að skipta
hluta skiltanna út í ár og ljúka verk-
efninu á næsta ári. Hann segir að
mörg skiltanna séu einfaldlega orð-
in gömul, en tjón hafi verið unnið á
öðrum. Þannig hafi verið ekið utan í
stærri skilti næst vegum, en einnig
kastað í þau grjóti og jafnvel skotið
á þau.
„Sum skiltanna eru orðin svo lé-
leg að við starfsmennirnir erum
farnir að villast,“ segir Helgi.
Kimmo Virtanen hefur hannað
nýju skiltin, en hann er verkefna-
ráðinn finnskur hönnuður hjá félag-
inu. Helgi segir að hann gangi í öll
störf; hanni skiltin, kynni þau á
fundum með eigendum, smíði þau
og „svo tekur hann skóflu og haka,
gengur út í skóg og klárar málið,“
segir Helgi.
Á aðalfundi Skógræktarfélags
Reykjavíkur fyrir fjórum vikum lét
Þröstur Ólafsson af formennsku í
félaginu. Hann hafði setið í stjórn
félagsins í 14 ár, þar af 11 sem for-
maður. Ný stjórn hefur ekki skipt
með sér verkum.
Nýliðun og gróska í Heiðmörk
 Mesta gróðursetning Skógræktarfélags Reykjavíkur í áratug  Fjölgaði um 600 manns í félaginu
á 30 mánuðum  Þörf á að endurnýja upplýsingaskilti í Heiðmörk  Kostnaður um 21 milljón króna
Morgunblaðið/RAX
Skiltagerð Helgi Gíslason, framkvæmdastjóri Skógræktarfélags Reykjavíkur, og Kimmo Virtanen þúsundþjalasmiður með planka sem notaður verður til
að bera eitt af 250 skiltum í Heiðmörk, en þörf er komin á endurnýjun þeirra. Vænn hluti skiltanna verður unninn úr efnivið úr skóginum í Heiðmörk.
Skógræktarfélag Reykjavíkur fékk
nýverið tvo styrki úr Fram-
kvæmdasjóði ferðamannastaða.
Báðir lúta þeir að verkefnum í
Esjuhlíðum, en félagið er með jarð-
irnar Mógilsá og Kollafjörð á leigu
frá ríkinu.
9,1 milljón verður varið til að
bæta aðgengi ferðamanna og við-
bragðsaðila að nýjum skipulögð-
um útivistarsvæðum á austurhluta
Esjuhlíða í Kollafirði. Aðkoman
verður lagfærð og byggður nýr án-
ingarstaður/bílastæði.
Rúmlega sjö milljóna styrkur fer
í endurbætur á göngustígum í
Esjuhlíðum. Um er að ræða efstu
hluta stígsins sem liggur vestan
og austan við Mógilsá upp að
Steini. Einkum er það kafli fyrir of-
an sem þarfnast lagfæringar en
þar eru skriður og klappir þar sem
austur- og vesturstígurinn tengj-
ast.
Styrkir fara í endurbætur
MEÐ ESJUHLÍÐAR Á LEIGU