Morgunblaðið - 19.04.2018, Qupperneq 40

40 FRÉTTIRErlent
MORGUNBLAÐIÐ FIMMTUDAGUR 19. APRÍL 2018
Bogi Þór Arason
bogi@mbl.is
Donald Trump Bandaríkjaforseti
staðfesti í gær að forstjóri banda-
rísku leyniþjónustunnar CIA hefði
rætt við leiðtoga einræðisstjórnar
Norður-Kóreu, Kim Jong-un, í leyni-
legri heimsókn til landsins. Mark-
miðið með viðræðunum var að undir-
búa væntanlegan fund Kims og
Trumps sem verður líklega haldinn í
byrjun júní eða í lok maí. Trump
kvaðst einnig hafa lagt blessun sína
yfir fyrirhugaðar viðræður leiðtoga
Kóreuríkjanna um friðarsamning.
Forsetinn sagði að „frábært tæki-
færi“ hefði gefist til að binda form-
lega enda á Kóreustríðið sem geisaði
á árunum 1950 til 1953 og lauk með
vopnahléssamningi sem embættis-
menn Sameinuðu þjóðanna, Kína og
Norður-Kóreu undirrituðu. Kóreu-
ríkin hafa þó ekki undirritað friðar-
samning sem bindur formlega enda
á stríðið.
Fengu blessun Trumps
Ráðgert er að Moon Jae-in, forseti
Suður-Kóreu, ræði við Kim Jong-un
í næstu viku. Þetta verður þriðji
leiðtogafundur Kóreuríkjanna
tveggja frá því að vopnahléssamn-
ingurinn var undirritaður fyrir 65
árum. Samið hefur verið um að sjón-
varpað verði í beinni útsendingu frá
upphafi fundarins þegar leiðtogarnir
heilsast.
Suðurkóreskir embættismenn
segjast vera að leita leiða til að
tryggja friðarsamning milli Kóreu-
ríkjanna. „Við stefnum að því að nú-
gildandi vopnahléssamkomulagi
verði breytt í friðarsamning,“ hafði
fréttaveitan AFP eftir embættis-
manni í Bláa húsinu, bústað og skrif-
stofu forseta Suður-Kóreu.
„Fólk áttar sig ekki á að Kóreu-
stríðinu er ekki enn lokið … og þeir
eru að ræða um að binda enda á
stríðið,“ sagði Trump og bætti við að
hann hefði lagt blessun sína yfir við-
ræður um friðarsamning.
„Góð tengsl mynduðust“
Embættismenn í Hvíta húsinu í
Washington sögðu að Trump hefði
ekki rætt við Kim Jong-un í síma.
Dagblaðið The Washington Post
skýrði fyrst fjölmiðla frá því að Mike
Pompeo, forstjóri CIA, hefði rætt
við Kim Jong-un í leynilegri heim-
sókn til Norður-Kóreu. Trump stað-
festi það í tísti á Twitter í gær.
„Fundurinn gekk mjög vel og góð
tengsl mynduðust,“ sagði hann.
„Kjarnorkuafvopnun er af hinu góða
fyrir heimsbyggðina, en líka fyrir
Norður-Kóreu!“
Pompeo er sagður hafa farið til
Norður-Kóreu fyrstu helgina í apríl,
rúmum tveimur vikum eftir að
Trump tilnefndi hann utanríkis-
ráðherra í stað Rex Tillerson sem
forsetinn vék úr embætti. Búist er
við að öldungadeild Bandaríkjaþings
staðfesti tilnefninguna á næstu vik-
um.
Pompeo er hæst setti bandaríski
embættismaðurinn sem hefur farið í
heimsókn til Norður-Kóreu í tæpa
tvo áratugi, eða frá því að Madeleine
Albright, þáverandi utanríkis-
ráðherra Bandaríkjanna, fór þangað
til að ræða við Kim Jong-il, föður nú-
verandi leiðtoga Norður-Kóreu.
Embættismenn í Washington
segja að bandarísk stjórnvöld hafi
rætt fyrirhugaðan leiðtogafund fyrir
milligöngu leyniþjónustunnar. Ráða-
mennirnir í Norður-Kóreu hafi sagt
bandarískum embættismönnum eft-
ir heimsókn Pompeo að Kim vildi
ræða kjarnorkuafvopnun á Kóreu-
skaganum á leiðtogafundinum.
Fimm mögulegir fundarstaðir
Trump kvaðst búast við því að
fundurinn yrði haldinn í byrjun júní
eða fyrr ef undirbúningurinn gengi
vel. Hann sagði að fulltrúar land-
anna tveggja væru að ræða fimm
mögulega fundarstaði og ekki væri
gert ráð fyrir því að leiðtogafundur-
inn yrði haldinn í Bandaríkjunum.
Að sögn AFP er m.a. rætt um að
fundurinn verði í Kína, öðru Kóreu-
ríkjanna eða í þorpinu Panmunjom á
herlausa landamærabeltinu þar sem
vopnahléssamningurinn var undir-
ritaður árið 1953. Leiðtogafundur
Kóreuríkjanna á að fara fram þar á
föstudaginn í næstu viku. Frétta-
skýrendur hafa einnig leitt getum að
því að fundurinn verði haldinn ein-
hvers staðar í öðru Asíuríki, í Evr-
ópu eða um borð í skipi á alþjóðlegu
hafsvæði, að sögn fréttavefjar BBC.
Verði af leiðtogafundinum verður
þetta í fyrsta skipti sem sitjandi for-
seti Bandaríkjanna ræðir við leið-
toga Norður-Kóreu.
Blekking til að losna
við refsiaðgerðir?
Trump ræddi undirbúning leið-
togafundarins á blaðamannafundi í
bústað sínum á Flórída með Shinzo
Abe, forsætisráðherra Japans. Abe
sagði að stjórnvöld í Bandaríkjunum
og Japan væru „mjög einhuga“ í
Norður-Kóreumálinu. Hann bætti
við að Japanar hefðu orðið varir við
„mikla breytingu á framgöngu
Norður-Kóreumanna“ frá því að
Vetrarólympíuleikarnir voru haldnir
í Suður-Kóreu og sagði að Trump
hefði knúið þá breytingu fram með
því að beita Norður-Kóreumenn
„hámarksþrýstingi“. „Afstaða þín
gerði það mögulegt að þessi breyt-
ing varð,“ sagði Abe við Trump.
Stjórnmálaskýrendur í Suður-
Kóreu telja þó að mjög erfitt verði
að ná fram samningi um frið og
kjarnorkuafvopnun á Kóreuskaga.
Einn þeirra, Yoo Dong-ryul, segir
friðarumleitanir Norður-Kóreu-
manna vera brellu til að losna við
refsiaðgerðir Sameinuðu þjóðanna.
„Norður-Kóreustjórn hefur aldrei
staðið við neina samninga sem hún
hefur undirritað,“ segir hann.
Gullið tækifæri eða blekking?
 Trump segir „frábært tækifæri“ hafa gefist til að ná fram friðarsamningi milli Kóreuríkjanna
 Talið er að Norður-Kóreumenn setji skilyrði fyrir kjarnorkuafvopnun  Hafa ekki virt samninga
Kim Jong-un, leiðtogi Norður-Kóreu
September 2010 Desember 2011 Desember 2012 Febrúar 2017Desember 2013
Júlí 2017 September 2017 Febrúar 2018 26. mars 20188. mars 2018
Mikilvægir atburðir í leiðtogatíð einræðisherrans
Kim fór til Peking og ræddi við kínverska
ráðamenn í fyrstu utanlandsferð sinni
eftir að hann varð leiðtogi N-Kóreu
Forseti Kína, Xi Jinping (t.h.), heilsar
Kim Jong-un á mynd sem var birt
28. mars 2018
Kim tók við völdunum eftir
að faðir hans, Kim Jong-il,
lést. Nýi leiðtoginn var þá
nálægt þrítugu
Kim Jong-un með félögum sínum í
miðstjórn einræðisflokksins
á mynd sem birt var
30. september 2010 Eldflaug skotið á loft í
tilraunaskyni í Norður-Kóreu
12 desember 2012
Kim Jong-nam í Macau,
4. júní 2010
Kim Jong-un,
24. des. 2011
Mynd á sjónvarpsskjá
af Jang Song-thaek,
13. desember 2013
Mynd af eldflaugar-
skotum 4. júlí
og 28. júlí
N-Kóreumenn skutu
langdrægum flaugum
í tilraunaskyni
Ljósmyndir: AFP Photo/KCNA og KNS/Saul Loeb/
Woohae Cho/Planet/Joongang Ilbo Files/CCTV
Kim gerður að fjögurra stjarna hers-
höfðingja og forystumanni í flokknum
Ríkisfjölmiðlar landsins birtu í fyrsta
skipti myndir af honum á fullorðinsaldri
Kim fyrirskipaði að langdrægri
eldflaug yrði skotið á loft
Árið eftir fyrirskipaði hann
þriðju kjarnorkutilraun N-Kóreu
Hálfbróðir einræðisherrans,
Kim Jong-nam, myrtur með
bönnuðu taugaeitri, VX,
í Kuala Lumpur
Eiginmaður föðursystur Kims,
Jang Song-thaek, tekinn af
lífi eftir að hafa verið dæmdur
fyrir landráð og spillingu
N-Kóreumenn sprengja
kjarnorkusprengju í sjötta sinn,
þá öflugustu til þessa
Kim sendi systur sína, KimYo-jong,
til að fylgjast með Vetrarólympíu-
leikunum í Suður-Kóreu
Forseti Suður-Kóreu, Moon Jae-in,
heilsar KimYo-jong,
10. febrúar 2018
Stjórnvöld í Suður-Kóreu tilkynntu að
Kim hefði boðist til að eiga fund með
forseta Bandaríkjanna, Donald Trump
Kim Jong-un og Donald Trump forseti
PJONGYANG
SEOUL
SUÐUR-
KÓREA
Miguel Díaz-
Canel, varafor-
seti Kúbu, verður
einn í framboði
þegar þing lands-
ins kýs eftirmann
Raúls Castro í
embætti forseta í
dag, að sögn
þingmanna í gær.
Talið var nánast öruggt að Díaz-
Canel næði kjöri. Búist er við að
Raúl Castro verði mjög áhrifamikill
þótt hann láti af embættinu og nær
60 ára valdatíma Castro-bræðranna
ljúki þar með formlega. Raúl tók
við völdunum af bróður sínum, Fi-
del, vegna veikinda hans árið 2006.
Díaz-Canel fæddist í apríl 1960,
rúmu ári eftir að kommúnistar und-
ir forystu Fidels komust til valda.
Hann varð varaforseti árið 2013 og
hefur verið hægri hönd Raúls.
KÚBA
Díaz-Canel á að taka
við af Raúl Castro
lækka upphitunarkostnað
Rafstjórn tekur út og þjónustar
kæli- og loftræstikerfi
Varmadælur
Stangarhyl 1A • 110 Reykjavík • Sími 587 8890 • rafstjorn.is
Verð frá kr.
181.890 m/vsk
PON Pétur O. Nikulásson ehf.
Melabraut 21, 220 Hafnarfjörður | Sími: 580 0110 | pon.is
skotbómulyftara
AG línan frá Manitou býður meðal
annars upp á nýtt ökumannshús
með góðu aðgengi og útsýni.
HANNAÐUR TIL AÐ
VINNA VERKIN
NÝ KYNSLÓÐ
• DSB stjórntakkar
• JSM stýripinni í fjaðrandi armi
• Stýrð stjórnun og hraði á
öllum glussahreyfingum
• Virk dempun á bómu