Morgunblaðið - 19.04.2018, Side 81

MENNING 81
MORGUNBLAÐIÐ FIMMTUDAGUR 19. APRÍL 2018
Adam er önnur mynd leik-stjórans Maríu Sólrúnar.Hún er menntaður leik-stjóri sem hefur um langa
hríð einblínt á handritaskrif og -ráð-
gjöf en sest nú aftur í leikstjórastól-
inn. María hefur lengi dvalið í
Þýskalandi og myndin gerist þar í
landi og er á þýsku.
Myndin fjallar um Adam, ungan
heyrnarlausan mann sem býr í Berl-
ín. Móðir hans, sem var tilrauna-
kenndur tónlistarmaður, er vistuð á
heimili fyrir geðsjúka og Adam býr
því einn. Amma Adams var einnig
veik á geði og móðir hans óttaðist að
það gæti farið eins fyrir henni. Hún
tók því loforð af Adam að ef hún
væri lögð inn og yrði ósjálfbjarga
myndi hann hjálpa henni að deyja.
Dag einn kemur starfsmaður frá
félagsyfirvöldum heim til Adams og
tilkynnir honum að móðir hans sé
heilabiluð vegna ofneyslu áfengis og
fíkniefna. Sjúkdómurinn er ólækn-
andi og hún mun því dvelja varan-
lega inni á stofnun. Félagsráðgjafinn
segir Adam að vegna þessa muni
hann missa íbúðina innan þriggja
mánaða og þurfi að bjarga sér sjálf-
ur.
Adam fer í kjölfarið að íhuga af al-
vöru hvort hann eigi að láta verða af
líknardrápinu. Meðan á þessu stend-
ur er fer hann reglulega á stefnumót
með óléttri konu sem hann kynntist
á Tinder og ástin tekur að blómstra.
Myndræn hlið Adams er áhuga-
verð. Gömlum heimamyndböndum
er blandað saman við myndefnið til
þess að sýna liðna tíma, þegar Adam
var lítill drengur og móðir hans söng
og dansaði í eldhúsinu. Þar að auki
birtast reglulega draumkennd brot
úr náttúrulífsþáttum um sjávardýr.
Þessi neðansjávarmyndskeið virka
eins og myndlíking fyrir heyrnar-
skerðingu Adams og kallast líka
skemmtilega á við tíðar sundferðir
hans.
Í kvikmyndatöku er mikið um
nærmyndir og handheldar tökur
með mikilli hreyfingu. Þessi hrái stíll
er svo ýktur enn frekar með því að
notast við tíðar stökkklippingar.
Þetta er sniðug leið til þess að fara
þar sem myndin er sjálfstæð fram-
leiðsla, gerð fyrir lítið fjármagn, og
líklega ekki völ á dýrum tökubúnaði.
Þarna nær kvikmyndagerðarfólkið
að láta takmarkaða möguleika í
kvikmyndatöku vinna sér í hag.
Magnús Maríuson, sonur leik-
stjórans, leikur titilhlutverkið. Hann
er nýútskrifaður leikari og sýnir hér
prýðilega frammistöðu og ljóst að
hann á framtíðina fyrir sér.
Það er margt spennandi á seyði í
myndinni, t.d. hvað varðar tökustíl,
tónlist og leik. Söguþráðurinn er
engu að síður nokkuð gallaður og því
er myndin ekki nógu kraftmikil á
heildina litið. Líkt og fram kom
liggja hér undir gríðarstór vanda-
mál, eins og hvernig Adam á að geta
séð fyrir sér einn og óstuddur, auk
þess sem myndin tæklar einhverja
stærstu siðferðislegu spurningu sem
fyrirfinnst: hvort og hvenær það sé
er réttlætanlegt að fremja líknar-
dráp. Þetta er á köflum fullmikið,
það er ekki einblínt með nógu mark-
vissum hætti á hvert mál fyrir sig og
því eru úrlausnir stundum nokkuð
losaralegar.
Endrum og sinnum er myndin líka
ekki í takt við sitt innra samhengi,
það er til dæmis ekki sannfærandi
hvað Adam er furðulega afslappaður
þegar honum er tilkynnt að það eigi
að vísa honum úr íbúðinni sinni.
Maður gæti gert sér í hugarlund að
það sé vegna þess að Adam skilji
ekki fyllilega hversu alvarleg staða
hans er en það getur varla verið þar
sem það er gert ljóst að hann er alls
ekki vitlaus, þvert á móti er hann
reglulega klár og úrræðagóður.
Það er ýmislegt í Adam sem lofar
góðu og hún er dæmi um mynd sem
virkar sem „showcase“-mynd, þarna
er augljóslega hæfileikafólk að störf-
um þótt myndin sjálf sé alls ekki
hnökralaus. En það er næsta víst að
hún mun opna dyr fyrir þá sem eiga
hlut að máli og ég trúi ekki öðru en
að framtíðin sé björt, sérstaklega
hjá mæðginunum Maríu og Magn-
úsi.
Ekki lengi í paradís
Prýðisleikur Magnús Maríuson, sonur leikstjórans, leikur titilhlutverkið í Adam og sýnir prýðilega frammistöðu.
Bíó Paradís
Adam bbbnn
Leikstjórn: María Sólrún. Kvikmynda-
taka: Joanna Piechotta. Klipping: Valer-
ie Anex. Tónlist: Magnea. Aðalhlutverk:
Magnús Maríuson, Eszter Tompa, Flo-
riane Daniel, Hans Brückner. 72 mín. Ís-
land og Þýskaland, 2018.
BRYNJA
HJÁLMSDÓTTIR
KVIKMYNDIR
Jazzhátíð Garðabæjar hefst í dag
og stendur til og með 21. apríl. Há-
tíðin er nú haldin í þrettánda sinn
og er á vegum menningar- og
safnanefndar Garðabæjar en list-
rænn stjórnandi hátíðarinnar hefur
frá upphafi verið Sigurður Flosa-
son tónlistarmaður.
Líkt og á fyrri hátíðum kemur
fram fjölbreyttur hópur íslenskra
djasstónlistarmanna á hátíðinni í ár
og af ólíkum kynslóðum og verður
boðið upp á ólík stílbrigði djass-
tónlistar við allra hæfi, eins og seg-
ir í tilkynningu.
Í kvöld kl. 20.30 kemur ASA-tríó
fram í Kirkjuhvoli, safnaðarheimili
Vídalínskirkju, ásamt saxófónleik-
aranum Jóel Pálssyni og annað
kvöld verður blásið til Latíndjass-
veislu á sama stað. Á laugardaginn
verður djassað fram á kvöld en
fyrstu tónleikarnir hefjast kl. 14 í
félagsmiðstöðinni Jónshúsi í Sjá-
landi þar sem fram kemur söng-
konan Ragnheiður Gröndal og flyt-
ur, ásamt valinkunnum hljóðfæra-
leikurum, vel valda djassstandarda.
Kl. 16 verða ungmennatónleikar í
Kirkjuhvoli, þar koma fram fimm
hljómsveitir úr Tónlistarskóla
Garðabæjar og hátíðinni lýkur svo
með tónleikum trompetleikarans
Ara Braga Kárasonar og hljóm-
sveitar.
Söngkonan Ragnheiður Gröndal.
Ólík stílbrigði
djasstónlistar
Þegar Sara Danius tilkynnti fyrir
viku að hún myndi hætta störfum
sem ritari Sænsku akademíunnar
(SA) og jafnframt draga sig út úr
störfum SA klæddist hún eins og oft
áður blússu með áföstum borða sem
hægt er að hnýta í slaufu. Fljótlega
fóru að berast inn á samfélagsmiðl-
ana myndir undir myllumerkinu
#knytblusen af þekktu fólki í sam-
bærilegum klæðnaði sem vildi sýna
Danius samstöðu, en meðal þeirra
var Alice Bah Kuhnke, mennta-
málaráðherra Svíþjóðar. Afbrota-
fræðingurinn Nina Rung hefur í
samvinnu við fleiri skipulagt mót-
mælastöðu fyrir framan Börshuset
í Stokkhólmi í dag, þar sem SA
fundar vikulega,
og hafa þúsundir
boðað komu sína
og hyggjast
klæðast blússu í
anda Danius.
Samkvæmt frétt
Sænska útvarps-
ins hafa verið
boðaðar sam-
bærilegar mót-
mælastöður í Gautaborg, Malmö og
víðar. „Þetta snýst um að sýna að
konur hafi rödd og völd. Rödd sem
við getum notað og herrarnir í SA
og aðrir karlar hafa ekki skilið enn,
þrátt fyrir metoo-byltinguna,“ seg-
ir Rung.
Sýna Söru Danius samstöðu í verki
Sara Danius
Tónlistarsystkinin Bara Heiða og
Danimal halda útgáfutónleika á
Húrra á morgun vegna breiðskífu
sinnar Danimal – Says Hi. Bara
Heiða – So Do I sem kom út nýver-
ið. Lög Danimal hljóma á fyrri
helmingi plötunnar og lög Bara
Heiðu á þeim seinni.
Bara Heiða, réttu nafni Heiða
Dóra Jónsdóttir, hefur átt lög
reglulega á vinsældalistum út-
varpsstöðva og Danimal, þ.e. Daní-
el Jón Jónsson, stofnaði hljómsveit-
ina Hide Your Kids og hefur komið
fram með henni auk þess að gefa út
smáskífur og tónlistarmyndbönd.
Tónleikarnir hefjast kl. 21 og fer
miðasala fram á tix.is og við inn-
ganginn.
Tónlistarsystkin Daníel Jón og Heiða
Dóra eða Danimal og Bara Heiða.
Bara Heiða og
Danimal halda
útgáfutónleika
ICQC 2018-20
ÍSLANDSMÓTIÐ
íPepsí-deild karla og kvenna í knattspyrnu
sumarið 2018
PÖNTUN AUGLÝSINGA:
Fyrir mánudaginn 23. apríl.
NÁNARI UPPLÝSINGAR: Katrín Theódórsdóttir
kata@mbl.is | Sími: 569 1105
–– Meira fyrir lesendur
27. apríl gefurMorgunblaðið út glæsilegt sérblað um
SÉRBLAÐ