Morgunblaðið - Sunnudagur - 08.04.2018, Blaðsíða 24
Mjúkur lófi í mínum og leiðir mig í gegnum
lífið. Svo hjartanlega og innilega velkomið
er þetta handaband – svo fullt af trausti.
Sterk tengsl móður og sonar.
Ísblá augun horfa á heiminn á annan hátt
er mér sagt. Snerting hans sé á einhvern
hátt næmari. Heyrnin bjartari. Hugsun
hans og skilningur tær og óreiðukenndur á
víxl. Hláturmildur elskar hann tónlist,
Andrés Önd og fólkið sitt. Hefur svo mikið
að gefa af sér, þó hann sé ekki alltaf í stuði
fyrir það.
Sem ung móðir trúði ég engu öðru en að
börnin mín yrðu fullkomin. Í einfeldni minni
fannst mér það eðlileg krafa. Þess vegna
var erfitt að sættast við að einhverfa yrði
partur af minni „fullkomnu“ fjölskyldu.
Þrátt fyrir að vera vel að mér í uppeldis- og
sálfræði áður, þá var ég með fullt af rang-
hugmyndum um einhverfa. Að horfast í
augu við eigin fordóma er ekki alltaf þokka-
fullur lærdómur og enn er langt í að ég
verði fullnuma.
Þegar barn fær í vöggugjöf veglegri pakka
af áskorunum en gengur og gerist, þá er
maður stöðugt á varðbergi. Vakandi yfir því
hvort eitthvað slæmt sé í aðsigi, stöðugt að
lesa í aðstæður eða viðbrögð, tilbúin til að
bregðast við næsta áfanga í þroskaferli
barnsins. Það getur tekið á. Vissulega.
Hinu segja fáir frá; hve gefandi það er að
þekkja og þykja vænt um einstakling sem
skynjar heiminn á annan hátt. Hve sigrarnir
eru sætir. Hve botnlaust stoltið getur orðið
og hve hjartað stækkar við þessi kynni.
Þakklát held ég í þennan lófa og læt hann
leiða mig áfram í gegnum lífið. Hann leiðir
og ég fylgi. Treysti mjúkum og hlýjum lóf-
anum – veit að handabandið er fullkomið
þó við tvö séum það ekki.
Hönd í hönd
Út fyrir rammann
Agnes Ósk Sigmundardóttir
agnesosk@gmail.com
HEILSA Talið er að kryddaður matur sem inniheldur chili eða cayenne-piparauki endorfínmagn líkamans. Aukið endorfín kemur af stað vellíð-
unartilfinningu. Fáðu þér indverskan mat um helgina og njóttu!
Kryddað endorfín
24 MORGUNBLAÐIÐ SUNNUDAGUR 8.4. 2018
Run, Forrest! Run!“ kallaðihin fagra Jenny til ForrestGumps þegar hann var lítill
drengur með spelkur á fótum. Og
Gump hljóp!
Síðar í lífinu hljóp hann þvert yf-
ir Bandaríkin, „af engri sérstakri
ástæðu“.
Forrest Gump, ein eftirminni-
legasta persóna kvikmyndasög-
unnar, var leikinn af Tom Hanks í
samnefndri kvikmynd frá 1994.
Nú hefur maraþonhlauparinn
breski Rob Pope gert nákvæmlega
eins og Gump; hlaupið þvert yfir
Bandaríkin nokkrum sinnum.
Hann lagði af stað í september
2016 og lýkur ferð sinni nú í lok
aprílmánaðar. Pope hóf ferðina
stutthærður og skegglaus, í köfl-
óttri skyrtu eins og Gump klæddist
í kvikmyndinni. Síðar óx hár og
skegg og skartaði Pope síðu skeggi
og rauðri „Bubba Gump“ hafna-
boltahúfu. Allt í anda Gumps.
Með hárbeittan húmor
Í myndinni hleypur Gump yfir
Bandaríkin, fram og til baka, þar til
hann hefur farið fimm sinnum land-
ið þvert og endilangt. Það hefur
Pope nú leikið eftir en á ferð sinni
hefur Pope lent í alls kyns veðrum
og ýmsum ævintýrum sem hann
hefur skrásett á Instagram-síðu
sinni, run.robla.run.
Það var fólkið sem varð á vegi
hans sem gert hefur ferðina eftir-
minnilega að sögn Pope sem þurfti
að reiða sig á hjálp og fjárstuðning
frá fólki sem vildi styðja för hans.
„Ég bankaði hjá einum í Tennes-
see og spurði manninn hvort ég
mætti tjalda í bakgarðinum hjá
honum. Þegar hann spurði mig
hvort ég væri með einhver vopn á
mér sagðist ég bara vera með minn
flugbeitta breska húmor. Hann
svaraði því til að hann ætti nóg af
vopnum og dró fram hníf. En í stað
þess að beita honum bauð hann
mér inn og eldaði fyrir mig chili og
leyfði mér að gista í húsbíl sínum,“
segir Pope í viðtali við Today.com.
Skrapp í maraþon í leiðinni
Pope fylgdi söguþræði mynd-
arinnar vel eftir og hóf hlaupið í
Alabama, þar sem persónan Gump
fæddist og bjó í æsku. Þaðan hljóp
hann til Kaliforníu, Nýju-Mexíkó,
Texas, Tennessee og Washington
D.C. Þá lá leiðin meðfram austur-
ströndinni þar sem hann tók þátt í
Boston-maraþoni og endaði á
2:58:46 með dós af Bud Light-bjór
í hendi hluta leiðarinnar.
Nú hefur hann lagt að baki 22
þúsund kílómetra og er Pope orð-
inn ansi þreyttur. Hann stefnir á
að ljúka þessari vegferð í lok apríl
við „Forrest Gump Point í Monu-
ment Valley“, sem er fallegur stað-
ur í Utah.
Heim í fæðingu dóttur
Pope er nú staddur í smá fríi í
heimaborg sinni Liverpool og var
viðstaddur fæðingu dóttur sinnar
sem kom í heiminn í lok mars. Þær
mæðgur munu svo fylgja honum til
Utah til þess að fylgjast með lok-
um hlaupsins. Fyrst ætlar hann
samt að skella sér í Lundúnam-
araþonið sem haldið er 23. apríl.
Í Bandaríkjunum á hann eftir
320 kílómetra til þess að komast í
„mark“.
Pope hætti í vinnu sinni til þess
að leggja í þessa ævintýraferð og
hafði dreymt um það í fimmtán ár.
Fram að því hafði aðeins einn mað-
ur hlaupið þessa leið einu sinni, en
enginn hafði leikið það eftir að
hlaupa eins og Forrest Gump;
fram og til baka, jafn langa vega-
lengd.
Hljóp 64 kílómetra á dag
Á hverjum degi hljóp hann um 64
kílómetra og innibyrti sex þúsund
kalóríur. Hann ýtti á undan sér
kerru með nauðsynjum.
„Landslagið hefur verið stór-
kostlegt en fólkið er það sem ég
man best. Það hjálpaði líka að vera
að feta í fótspor Forrest Gump.“
Margir hafa hlaupið með honum
hluta úr leið, eins og í myndinni, en
enginn hefur fylgt honum eftir í
heilan dag.
„Það hafa verið skemmtilegustu
dagarnir, þegar fólk hljóp með
mér.“
Á leið sinni hefur hann safnað
30.000 $ sem hann hyggst gefa í
góðgerðarstofnanirnar Peace Di-
rect og World Wildlife Fund.
Ekkert heyrst frá Hanks
Fjöldi fólks hefur fylgst með ferða-
lagi Popes á samfélagsmiðlum og
hafa sumir „taggað“ Tom Hanks í
athugasemdum sínum í von um að
heyra frá leikaranum vegna uppá-
tækisins. Pope segist þó ekkert
hafa heyrt frá leikaranum fræga
ennþá. Hann viðurkennir að það
væri draumi líkast ef Hanks myndi
mæta þegar hann hættir hlaupinu
nú í lok mánaðar og að hann myndi
segja „Now what are we supposed
to do?“, eða „hvað eigum við nú að
gera?“ en það sögðu samhlauparar
Gump í myndinni þegar hann stað-
næmdist skyndilega og sagðist
hættur.
Pope er næstum kominn á
leiðarenda eftir að hafa hlaupið eitt
og hálft maraþon á dag í eitt og
hálft ár. Kærkomin hvíld er
kannski næst á dagskrá hjá Pope.
Pope skrapp um daginn heim til Liverpool til þess að vera viðstaddur fæðingu
dóttur sinnar. Hann ætlar svo að skella sér í Lundúnamaraþon í leiðinni.
instagram.com/run.robla.run
Í fótspor Forrest Gump
Breski maraþonhlauparinn Rob Pope ákvað að feta í fótspor kvikmyndapersónunnar frægu Forrest
Gump fara á tveimur jafnfljótum yfir Bandaríkin. Hlaupið er senn á enda og 22.000 kílómetrar að baki.
Ásdís Ásgeirsdóttir asdis@mbl.is
Rob Pope lét gamlan draum rætast og fetaði í fótspor Forrest Gump. Hann hóf ferðalagið stuttklipptur og skegglaus og í
eins fötum og kvikmyndapersónan fræga. Hann hljóp sömu leið og sömu vegalengd og vinur hans Gump og þegar líða
fór á hlaupið óx bæði skegg og hár. Pope mun ná markmiði sínu í lok apríl og vonast hann til að Tom Hanks mæti.