Morgunblaðið - Sunnudagur - 08.04.2018, Blaðsíða 37

8.4. 2018 MORGUNBLAÐIÐ SUNNUDAGUR 37
SJÓNVARP Ný heimildarmynd frá HBO um tónlistar-
mógúlana Dr. Dre og Jimmy Iovine hefur fallið í frjóa
jörð. Þannig heldur sjónvarpsrýnir breska blaðsins The
Guardian ekki vatni yfir þáttunum sem eru fjórir að
tölu og hafa yfirskriftina The Defiant Ones. Gefur þeim
fullt hús, fimm stjörnur. Meðan flestar heimildarmyndir
um tónlist hverfist um tónlistarblaðamenn sem ausi
hver í kapp við annan úr brunnum visku sinnar fyrir
framan bólgin plötusöfn sín þá komi The Defiant Ones
sér beint að efninu. Áherslan sé á viðfangsefnin sjálf,
sem dragi ekkert undan, auk þess sem ýmsir málsmet-
andi listamenn leggi hönd á plóginn, svo sem Ice Cube,
MC Ren og DJ Yella, Bruce Springsteen, Patti Smith,
Stevie Nicks, Tom Petty, Gwen Stefani og Eminem.
Bersöglir listamenn
Dr. Dre talar
enga tæpitungu.
TÍSKA Danska fyrirsætan og ljósmyndarinn
Helena Christensen er með munninn fyrir
neðan nefið að vanda í skemmtilegu viðtali
við breska blaðið The Telegraph. Spurð
hvernig henni finnist að eldast svarar Christ-
ensen, sem er 49 ára, um hæl: „Spurðu mig
þegar ég verð níræð!“ Christensen hefur átt
óvenju langan og glæsilegan feril sem módel
en viðurkennir í viðtalinu að hún hafi aðeins
hellt sér út í fyrirsætustörf vegna áhuga síns
á ljósmyndun. Í seinni tíð er hún meira fyrir
aftan myndavélina en framan, auk þess sem
hún þykir liðtækur fatahönnuður. Hún býr
bæði í Kaupmannahöfn og New York.
Spurðu mig þegar ég verð níræð!
Helenu Christensen þykir 49 ekki hár aldur.
Reuters
Hann vissi að byssukúla myndi verða honum að fjörtjóni. Það læs varhann á umhverfi sitt og hafði fengið það margar morðhótanir gegn-um tíðina. Hann vissi bara ekki frá hverjum, hvenær eða hvaðan
kúlan myndi koma.
Heimildarmyndin Ég MLK yngri, sem RÚV sýndi á fimmtíu ára ártíð dr.
Martins Luthers Kings á miðvikudaginn, var um margt mögnuð. Ekki síst
kaflinn undir lokin þegar rýnt var í augnaráð hans, andlitsdrætti og líkams-
tjáningu á opnum fjöldafundi rétt áður en hann féll fyrir hendi morðingja í
Memphis. Um leið og King kvaðst hafa séð fyrirheitna landið og vera sann-
færður um að fylgjendur hans myndu komast þangað, enda þótt það yrði
mögulega án hans sjálfs, fylgdist hann grannt með mannhafinu fyrir framan
sig. Eins og hann ætti allt eins von á kúlunni á hverri stundu.
Þetta hefur verið þungur kross að bera og ugglaust hefðu margir verið
löngu búnir að draga sig í hlé. Við
munum að King var giftur maður
með lítil börn. Ekki fertugur.
Samt marseraði hann áfram fyrir
málstað sem hann brann fyrir.
Meira en lífið sjálft. Og eflaust
vissi hann allan tímann að písl-
ardauði hans myndi vonandi
greiða götu annarra.
Það er heldur ekki eins og kröf-
ur Martins Luthers Kings hafi
verið ósanngjarnar. Hann krafð-
ist einfaldlega sömu mannrétt-
inda og aðrir þegnar búa við í
Bandaríkjunum. Vildi hvorki
meira né minna. Við erum að tala
um að fá að kjósa, pissa í sömu
skál og hvítir menn og ganga í
sömu skóla og þeir. Í nálgun sinni
hafnaði hann öllu ofbeldi. Fá dæmi eru um slíka persónutöfra, slíka mælsku-
snilld á síðari tímum. Enn í dag er auðvelt að hrífast með, hvað þá fyrir þá
sem hlýddu á mál hans á sjöunda áratugnum. King snerti líf ótrúlega margra
og gerir enn.
Maður hefur séð mest af fréttamyndunum áður sem sýndar voru í heimild-
armyndinni. Þær eru alveg jafn óskiljanlegar nú og þær voru þegar atburð-
irnir áttu sér stað eða þegar maður sá þær fyrst sjálfur, líklega á barns- eða
unglingsaldri. Kampakátt fólk að hengja annað fólk án dóms og laga, bara af
því það var öðruvísi á litinn. Og stjórnlausir lögreglumenn í Suðurríkjunum
að berja liggjandi fólk með gúmmíkylfum og sprauta á það úr brunaslöngum
svo skinn skildi við bein. Allt sem þetta fólk var biðja um voru og eru sjálf-
sögð mannréttindi. Og mótmælin friðsamleg.
Í myndinni var rætt við mann sem heyrir til níundu kynslóð Bandaríkja-
manna en er eigi að síður sá fyrsti í sinni fjölskyldu sem nýtur fullra réttinda
á við hvítt fólk. Það er með algjörum ólíkindum. Baráttunni var hvergi nærri
lokið þegar King féll frá og hann er ennþá að vinna sigra, smærri og stærri,
hálfri öld síðar, eins og séra Jesse Jackson benti á í myndinni. Og það fyrir
hönd fólks sem kom ekki sjálfviljugt til Bandaríkjanna, heldur var flutt þang-
að nauðugt yfir hafið – í hlekkjum.
Hálf öld var í vikunni
liðin frá morðinu á dr.
Martin Luther King.
Kingikraftur!
Á skjánum
Orri Páll Ormarsson or-
ri@mbl.is
’Við munum að King vargiftur maður með lítilbörn. Ekki fertugur. Samtmarseraði hann áfram fyrir
málstað sem hann brann fyr-
ir. Meira en lífið sjálft. Og ef-
laust vissi hann allan tímann
að píslardauði hans myndi
vonandi greiða götu annarra.
Bróðir trymbilsins Stevens Ad-
lers vandar fyrrverandi félögum
hans í bandaríska málmbandinu
Guns N’ Roses ekki kveðjurnar en
sem kunnugt er var Adler ekki
boðið að taka þátt í endurfundum
W. Axls Rose, Slash, Duffs
McKagans og félaga fyrir
skemmstu. Adler var upp-
runalega rekinn úr bandinu vegna
óreglu árið 1990.
„Þetta er maður sem getur
borið höfuðið hátt. Hann sökk í
dýpstu myrkur heljar en komst
lifandi til baka. Þegar flestir hefðu
dáið lifði hann. Saga bróður míns
er saga um upprisu,“ segir Jamie
Adler á aðdáendasíðu Guns
N’ Roses á Facebook.
Jamie segir bróður
sinn gull af manni og
svalasta trymbil sem
hann þekki. „Bara að
Slash, Axl og Duff hefðu
10% af hjartanu hans,
þá væri hann ef til
vill að túra með
GNR núna. Hefðu
þessir menn
gramm af sóma-
kennd, hlýju, ást,
umhyggju, að ekki sé talað um
hæfni til að fyrirgefa, þá hefðu
þeir ef til vill leyft bróður
mínum að spila fleiri lög
en eitt í Argentínu eftir
að hafa flogið með
hann alla þessa leið.
Þetta er algjört grín;
ég meina: Eitt hel-
vítis lag! Ég er
ekki í nokkrum
vafa um að
aðdáendur
bandsins vilja
sjá Adler aft-
ur við
trommusettið enda vita allir að
hann hefur sagt skilið við áfengi
og fíkniefni. Hann var lengur að
keyra niður heimreiðina að hús-
inu sínu en hann var á sviðinu í
Argentínu. Hvaða ómenni gera
svona lagað? Aðeins gráðugt fólk
og sjálfselskt.“
Eftir þessa dembu getur Guns
N’ Roses huggað sig við það að
lag bandsins, Welcome to the
Jungle, var á dögunum valið besta
lagið til að hlusta á í ræktinni í
Bandaríkjunum árið 2018. Jamie
Adler hefur líklega ekki tekið þátt
í þeirri kosningu.
BER ER HVER AÐ BAKI …
Hvaða ómenni gera svona?
Steven Adler
hefur marga
fjöruna sopið.
Adler ásamt Duff McKagan, Slash og W. Axl Rose í þá
gömlu góðu daga. Nú er vík milli vina, segir bróðirinn.
Útsölustaðir: Öll apótek, heilsuverslanir og heilsuhillur stórmarkaðanna.
Góð og öflug vörn fyrir
meltingarveginn
Bio-Kult Candéa inniheldur góðgerla,
hvítlauk og greipkjarnaþykkni.
Öflug blanda sem eflir mótstöðuafl líkamans
l Styrkir meltinguna
l Vinnur á Candida sveppnum
l Kemur jafnvægi á
meltingaflóruna
l Bestu gæði góðgerla
Öll sykurlöngun hefur minnkað
Í mörg ár fann ég fyrir óþægindum í maga. Ég upplifði það yfirleitt þegar líða
tók á daginn, varð útblásin og leið ekki vel. Ég taldi það líklegt að um óþol væri
að ræða. Fyrir rúmum þremur árum var mér bent á Bio Kult Candéa hylkin og
hef tekið staðfastlega tvö hylki á dag með stærstu máltíðum dagsins.
Öll sykurlöngun hefur minnkað, en áður fyrr drakk ég mikið sykraða gosdrykki.
Ég hef náð að halda mér í kjörþyngd og þakka ég það daglegri inntöku Bio-Kult,
sem fær að ferðast meðmér hvert sem ég fer.
Kolbrún