Morgunblaðið - 05.05.2018, Page 33

UMRÆÐAN 33
MORGUNBLAÐIÐ LAUGARDAGUR 5. MAÍ 2018
Það verður seint
sagt um Samfylk-
inguna, að hún sé
sósíaldemókratískur
flokkur á við Alþýðu-
flokkinn sáluga, enda
ber hún öll merki
þess, sem gamlir Al-
þýðuflokksmenn vör-
uðu svo sterklega við
fyrr á árum, þegar
rætt var um samruna
vinstri flokkana, að
þar yrði allt á forsendum sósíal-
ista og þeir yrðu foringjarnir í
þeim flokki. Það sést best á yf-
irstjórn flokksins bæði hjá ríki og
bæ, eins einræðisleg og hún er.
Sjáum bara þá einræðisstjórn,
sem við Reykvíkingar höfum þurft
að búa við síðastliðin tvö til þrjú
kjörtímabil, – einræðisstjórn, sem
malar og þvælir sífellt um lýðræð-
is-þetta og lýðræðis-hitt, en þegar
til kastanna kemur hlustar hún
ekkert á okkur borgarbúa, hvað
þá að hún gefi sér tíma til að ansa
mótmælum eða öðrum erindum,
sem frá okkur kemur, einu orði,
nema kannske skætingi, ef eitt-
hvað er, af því að þeir eru svo
uppteknir í sínu Legolandi við að
byggja upp skýjaborgir sínar og
skemmta borgurunum með eilífum
glærusýningum með húsnæði, sem
stendur til að reisa, – enginn veit
hvenær eða hvar. Gott ef þeir vita
það sjálfir! Kortér fyrir kosningar
dettur þeim svo í hug að koma
fram með enn eina glærusýn-
inguna í von um, að unga fólkið
falli fyrir þeirri útópíu eins og
öðrum skýjaborgum og draumum,
sem þeir keppast við að kynna
fyrir háttvirtum kjósendum núna.
Svo er það spurningin, hversu
margir kjósa að trúa því drauma-
vingli, þegar sýnt verður, að þetta
mun varla rísa fyrr en í fyrsta lagi
í kringum 2030. Þeim er alveg
sama. Þeir hafa svo gaman af
þessu líkt og borgarlínubullinu, og
halda, að þetta muni ganga í fólkið
til hins endalausa, sem flest er
orðið svo dauðþreytt á þessu rugli
í þeim, að það er farið að flýja
borgina umvörpum í önnur sveita-
félög, sem bjóða upp
á betri þjónustu, því
að í þessum glæru-
sýningum og útópíum
þeirra gleyma þeir al-
veg að gera ráð fyrir
þjónustunni fyrir
fólkið, eins og t.d.
leikskólum, hvað þá,
að nokkur kæri sig
um að vinna þar. Fyr-
ir hverja eru þessar
draumaborgir þeirra
aðra en fólk? Spyr sá,
sem skilur ekki, hvað
þeir eru að hugsa
með þessu.
Það versta er samt, að sam-
kvæmt skoðanakönnunum, hversu
mikið sem er að marka þær, virð-
ist fólk vilja þetta ófremdarástand
áfram. Raunar hef ég ekki mikla
trú á skoðanakönnunum Fé-
lagsvísindastofnunar, og raunar
alls enga, þar sem Samfylkingin
er alltaf svo ofarlega og oftast
nær næstefst á lista, ef ekki efst,
Baldri Þórhallssyni prófessor og
hans liði til mestu ánægju, hlýtur
að vera, því að náttúrulega vill
hann ekki sjá aðra við stjórn í ríki
og bæ en flokkinn sinn, Samfylk-
inguna, og Dag svo í borgar-
stjórasætinu til sjötugs, jafnvel
lengur, ef hægt væri, hvað sem al-
mennilegum borgarbúum finnst
um það. Ég furða mig líka á því,
að VG skuli ekki skora hærra en
raun ber vitni um í þeim skoð-
anakönnunum, sem hafa verið að
birtast um fylgið hér í Reykjavík,
þar sem flokkurinn er í ríkisstjórn
og stendur sig að mörgu leyti vel
miðað við allt og allt með for-
manninn í forsætisráðuneytinu, og
fyrrverandi formann í forsæti Al-
þingis. Maður skyldi halda, að sá
stuðningur, sem hefur birst í öðr-
um skoðanakönnunum á landsvísu,
mundi skila sér inn í sveitastjórn-
arkannanirnar. Þrátt fyrir einræð-
ið í Reykjavík með Dag í borgar-
stjórastólnum sem kynnir lítið
annað en einhverjar útópíur, sem
er út úr öllu korti, þá virðist hann
enn hafa slíkt persónufylgi, að
flestir gapa yfir því, og fólk skuli
ekki vera búið að fá sig fullsatt og
það fyrir lifandis löngu af þessum
vitleysisgangi og draumórum sem
koma frá honum og hans liði, svo
að sé nú ekki minnst á framkomu
hans gagnvart borgarbúum, og
ástandið í borginni almennt, sem
fær algert núll í einkunn hjá okk-
ur, en hann og hans fólk vill helst
ekki vita af. Samt vilja að sögn
flestir hafa hann áfram í borg-
arstjórastólnum! Þetta er óskilj-
anlegt öllu venjulegu fólki.
Nei, ég ætla rétt að vona, að
fólk láti nú skynsemina ráða á
kjördag og kjósi eitthvert visku-
legra fólk en þetta í komandi
kosningum, og við sjáum glænýja,
ferska og glaðvakandi borg-
arstjórn með vitið meira taka við
völdum að kosningum loknum. Ég
vona líka, að Eyþór Arnalds og
hans fólk fari að brýna vel raust-
ina og taki þetta fólk ærlega í
karphúsið með vel völdum orðum
fyrir allt ruglið og slóðaskapinn,
sem búið er að viðgangast alltof
lengi og gerir stærsta hluta borg-
arbúa dauðþreytta á vitleysunni
og þvælunni, sem úr ráðhúsinu
kemur. Það er líka ljóst, að að-
albardaginn verður milli Samfylk-
ingarinnar og Sjálfstæðisflokksins.
Það sést þó á þeim skoðanakönn-
unum, sem hafa birst til þessa. Ég
vona bara, að reykvískir kjós-
endur fari að vakna upp af værum
blundi sínum og hrindi þessari
einræðisstjórn með sínar útópíur
og dagdrauma úr sessi 26. maí
nk., og láti heldur ekki misvísandi
skoðanakannanir hafa alltof mikil
áhrif á val sitt, enda meira en
kominn tími til að fá vitibornara
fólk til að stjórna þessari borg, og
það þótt fyrr hefði verið.
Einræðisstjórnin í Reykjavík
Eftir Guðbjörgu
Snót Jónsdóttur »Ég vona bara að
reykvískir kjós-
endur fari að vakna upp
af værum blundi sínum
og hrindi þessari ein-
ræðisstjórn með sínar
útópíur og dagdrauma
úr sessi.
Guðbjörg Snót
Jónsdóttir
Höfundur er guðfræðingur og fræði-
maður.
Síðustu níu árin
hafa fimm manns
beðið bana í umferð-
arslysum á Reykja-
nesbrautinni sem er
einn fjölfarnasti veg-
ur landsins. Sig-
urður Ingi Jóhanns-
son samgöngu-
ráðherra skal frekar
bregðast við þessu
vandamáli í stað
þess að gefa óstjórn-
inni í Reykjavík fögur loforð um
borgarlínuruglið fyrir 44 milljarða
króna sem staurblönk sveitarfélög
á höfuðborgarsvæðinu með slæma
fjárhagsstöðu geta aldrei ein og
sér fjármagnað. Tvö dauðaslys á
Grindavíkurveginum og eitt á
Reykjanesbrautinni sem komust í
fréttirnar fyrstu vikurnar á síð-
asta ári vekja spurningar um
hvort óhjákvæmilegt sé að af-
skrifa endanlega borgarlínuna og
járnbrautarbullið milli BSÍ og
Leifsstöðvar sem skoðanabræð-
urnir Dagur B., Hjálmar Sveins-
son og Runólfur Ágústsson kynna
á fölskum forsendum til að
blekkja kjósendur sína.
Ekki verður betur séð en að
þessir þrír andstæðingar flugvall-
arinns í Vatnsmýri taki tilefn-
islausar árásir á flugsamgöng-
urnar og sjúkraflugmenn Mýflugs
fram yfir versnandi ástand
Grindavíkurvegar og Reykjanes-
brautar, sem er óþolandi og til há-
borinnar skammar. Á þessu
vandamáli skal ríkisstjórnin taka
þó að stuðningmönnum borgarlín-
unnar sé það þvert um geð. Þeir
hafa gert með sér samstarfssamn-
ing sem hefur tapað gildi sínu til
að réttlæta þetta borgarlínurugl á
kostnað Grindavíkurvegar undir
því yfirskini að þá verði fljótlegra
fyrir alla Suðurnesjamenn og
borgarbúa að komast í vinnu án
einkabílsins árið um kring, og aft-
ur heim á örfáum mínútum.
Á síðasta ári talaði Jón Gunn-
arsson, þáverandi samgöngu-
ráðherra, gegn þessu borgar-
línurugli, sem óvinir Reykjavíkur-
flugvallar tefla gegn versnandi
ástandi í samgöngumálum Suður-
nesja og höfuðborgarsvæðisins.
Hér eiga margir fyrrverandi og
núverandi þingmenn Suðurnesja
mörgum spurningum ósvarað sem
er ólíðandi. Nú skulu allar bæjar-
stjórnirnar á Suðurnesjum og
Reykjavíkursvæðinu og borgar-
stjórnarmeirihlutinn snúa sér
frekar að stórhættulegu ástandi
sem hefur kostað nokkur mannslíf
á þessum fjölförnustu leiðum í
stað þess að halda til streitu kröf-
unni um borgarlínuna og járn-
brautarbullið í þessu fámenna
landi með 339 þúsund íbúa. Nógu
illa standa öll sveitarfélögin á höf-
uðborgarsvæðinu og Suðurnesjum
til að þeim sé óhætt að afskrifa
endanlega allar fjárfestingar í
þessum rándýru mannvirkjum
sem þau ráða aldrei við
og allra síst Reykjavík.
Best væri fyrir Sig-
urð Inga Jóhannsson
samgönguráðherra að
svara afdráttarlaust
þeirri spurningu hvort
það þurfi meira en 400
dauðaslys í viðbót til
að koma vandamálum
Grindavíkurvegar í við-
unandi ástand í eitt
skipti fyrir öll.
Milli Keflavíkur og
Reykjavíkur stór-
versnar ástandið þegar höfð eru í
huga djúp hjólför eftir þungaflutn-
ingana sem eru alltof miklir á
Reykjanesbrautinni. Þar hefur
meðalumferð ökutækja farið í 40-
50 þúsund bíla á sólarhring. Bæj-
arstjórnin í Grindavík og allir
þingmenn Suðurnesja skulu svara
því strax, hvort þeir láti sig það
engu varða ef meðalumferðin á
Grindavíkurveginum fer yfir þenn-
an heildarfjölda á einum degi.
Verra er að fyrrverandi og núver-
andi bæjarfulltrúar í Grindavík
skuli aldrei kynna sér vandlega
hvað lagfæringarnar þessum vegi
kosti þegar vitað er að heild-
arkostnaðurinn við gerð Vaðla-
heiðarganga, getur stefnt í 20
milljarða króna. Bæjarstjórnir
Grindavíkur og Keflavíkur skulu
kynna sér vandlega hvort lítið
brot af þessari heildarupphæð
dugi til að koma vandamálum
Reykjanesbrautar og Grindavík-
urvegar í viðunandi ástand.
Skömmin fylgi skoðanabræðrum
borgarstjóra sem halda uppi til-
efnislausum árásum á samgöngu-
mál Suðurnesja og höfuðborg-
arsvæðisins, í þeim tilgangi að
afskræma allar staðreyndir með
ósönnum fullyrðingum um dauða-
slysin á Grindavíkurveginum og
Reykjanesbrautinni. Þar geta djúp
hjólför í malbikinu á þessum leið-
um fljótlega kostað mörg mannslíf
á sama tíma og andstæðingar
Reykjavíkurflugvallar halda til
streitu kröfunni um járnbraut-
arbullið og borgarlínuna til að
hrekja fólk á höfuðborgarsvæðinu
og Suðurnesjum út úr einkabíln-
um. Fyrir löngu hefðu bæjar-
stjórnir Grindavíkur, fyrrverandi
ráðherrar samgöngumála og allir
þingmenn Reykjaneskjördæmis
átt að berjast fyrir tvöföldun
Grindavíkurvegar í samgöngu-
nefnd Alþingis sem talsmenn
vinstri flokkanna í Reykjavík þola
illa. Flýtum tvöföldun Grindavík-
urvegar. Afskrifum borg-
arlínuruglið sem sveitarfélögin
geta aldrei fjármagnað.
Borgarlínurugl
á kostnað Grinda-
víkurvegar
Eftir Guðmund
Karl Jónsson
Guðmundur Karl
Jónsson
» Flýtum tvöföldun
Grindavíkurvegar.
Afskrifum borgarlínu-
ruglið.
Höfundur er farandverkamaður.
HEYRNARSTÖ‹INKringlunni • Sími 568 7777 • heyra.is
exton™ heyrnartækin opna nýjar leiðir í samskiptum
g auka lífsgæðin. Komdu í ókeypis heyrnarmælingu
g fáðu heyrnartæki lánuð til reynslu.
Við hjálpum þér
að bæta lífsgæðin
R
o
o
Atvinnublað alla laugardaga
mbl.is
ER ATVINNUAUGLÝSINGIN
ÞÍN Á BESTA STAÐ?