Fréttablaðið - 07.07.2018, Blaðsíða 32

Starri Freyr
Jónsson
starri@frettabladid.is
Tónlist hefur alla tíð skipað stóran sess í lífi Huldu G. Geirsdóttur, dagskrárgerðar-
konu hjá Rás 2 og RÚV. Í æsku
voru það fyrst og fremst vinir og
ættingjar sem höfðu áhrif á tón-
listarsmekk hennar en foreldrar
hennar kynntu hana m.a. fyrir
Bítlunum, Villa Vill og Bergþóru
Árnadóttur svo eitthvað sé nefnt.
„Eldri frændsystkini mín kynntu
mig svo fyrir ýmsu skemmtilegu,
t.d. KISS og Queen, Bravo-blöðin
voru málið fyrir tíma internetsins
og svo hlustaði maður stíft á John
Peel hjá BBC. En það er enn fyrst
og fremst þannig að við vinirnir
og vinnufélagarnir, sem deilum
tónlistaráhuganum, skiptumst
á ábendingum. Svo uppgötva ég
mjög margt í vinnunni á Rás 2 en
þangað berst auðvitað gríðarlegt
magn nýrrar tónlistar auk þess sem
Spotify hefur líka opnað margar
forvitnilegar dyr í seinni tíð.“
Hulda var búin að skipuleggja
margt spennandi í sumar, t.d. tón-
leika með Pearl Jam í júní í London.
„Þetta hefur verið langþráður
draumur en ég sá þá síðast fyrir
aldarfjórðungi og hef elskað þessa
sveit alla tíð síðan, ekki síst Eddie
Vedder. Því voru það gríðarleg
vonbrigði þegar þurfti að fresta
tónleikunum þar sem Eddie hafði
misst röddina kvöldið áður. Nú
hafa þeir sett tónleikana á að nýju
og ég ætla að gera mér aðra ferð til
London og sjá þá 17. júlí og get ekki
beðið.“
Hún segir gaman að því hvað
tónlistarlífið á Íslandi er fjölbreytt
og margt sé í boði og vísar þar m.a.
til Secret Solstice í síðasta mánuði
og fleiri viðburða. „Svo verður
gaman að sjá Guns N' Roses hér á
heimavelli og í haust á ég miða á
U2 í Kaupmannahöfn. Það væri
líka gaman að fara á Eistnaflug en
þangað hef ég aldrei komið og þarf
nauðsynlega að bæta úr. Ég ætla
að sjá Skálmöld og Sinfó í Hörpu
í ágúst og svo er ýmislegt fleira
áhugavert í boði og ég á pottþétt
eftir að sjá margt fleira hér heima
enda dugleg að fara á tónleika.“
Hvaða lag fær þig
til að hugsa um fyrsta
barnið?
Þegar ég gekk með
son minn hlustaði ég
stanslaust á þriðju
plötu Travis, The
Invisible Band, og ég
var eiginlega sann-
færð um að barnið
myndi þekkja öll
lögin af henni, sér-
staklega lögin Sing
og Side sem eru enn
í uppáhaldi hjá mér
eins og öll platan.
Þrátt fyrir þetta
hefur Travis aldrei
ratað á fóninn hjá drengnum.
Hvað lag minnir þig á frábæra
tónleika?
Ég var svo heppin að komast á 30
ára afmælistónleika plötunnar The
Joshua Tree með U2 á heimavelli
þeirra í Dublin á Írlandi í fyrra.
Hvert einasta lag sem þar var flutt
er eins og greypt í heilann á mér
enda var þetta ógleymanlegt kvöld
þar sem allt spilaði með; veðrið,
gleði og eftirvænting áhorfenda,
hljómgæði og flutningur. Toppur-
inn var þegar sveitin flutti Where
the streets have no name og þrjár
herþotur flugu yfir leikvanginn og
spúðu írsku fánalitunum í reyk á
eftir sér. Algerlega ógleymanleg
stund.
Hvaða plata tengist helst
unglingsárum þínum?
Þær eru ótal margar og eigin-
lega efni í heila bók. Ein plata er
þó sérstök í minningunni af því að
hún er kannski ekki hefðbundin
unglingaplata en það er tónleika-
platan Bring on the Night með
Sting. Ég heillaðist algerlega af
flutningi þessara frábæru tón-
listarmanna sem voru með Sting á
plötunni. Eitt sumarið hjólaði ég
mikið og alltaf með þessa plötu í
eyrunum og Walkman í vasanum.
Þegar ég heyri lög af plötunni í dag
finn ég Suðurnesjalognið leika um
andlitið og hjartslátturinn eykst í
takt við hjólið.
Hvaða lög minna þig á frábær
sveitaböll unglingsáranna?
Þau eru nú nokkur sveitaböllin
í minningunni og oftast voru það
Todmobile eða Stjórnin sem trylltu
lýðinn. Oft var tekið vel undir í Eitt
lag enn með Stjórninni í Njálsbúð
og þau voru ófá böllin í KK í Kefla-
vík (svona næstum því sveitaböll)
þar sem maður heyrði raddir með
Todmobile.
Hvað lag fær þig til að hugsa um
ástina?
Einhverra hluta vegna hef ég
alltaf heillast meira af lögum sem
tengjast ástarsorg frekar en ást
enda meira drama og tilfinningar
í þeim. Eitt ástarlag er þó í miklu
uppáhaldi og mér finnst textinn
dásamlegur. Það heitir For your
lover give some time og er að finna
á plötunni Truelove’s Gutter með
Richard Hawley sem er dásamleg
plata og allir ættu að kynna sér.
Hvaða tónlist minnir þig á góða
vini og minningar tengdar þeim?
David Bowie minnir mig alltaf á
æskuvinkonu mína, Gerði Péturs-
dóttur, sem elskar Bowie og R.E.M.
Smiths og Smithereens minna
mig alltaf á Hauk Ástvaldsson,
vin minn, sem kynnti mig fyrir
ótal mörgu frábæru í tónlist þegar
við vorum saman á heimavist í
menntaskóla. Annars væri hægt að
telja endalaust upp hér því svo ótal
margar minningar af vinum koma
upp í gegnum tónlistina.
Tengist eitthvert lag sorglegum
atburðum í lífi þínu?
Mamma mín varð bráðkvödd
á aðfangadagskvöld árið 2006, þá
55 ára gömul. Það var gríðarlegt
áfall og eðlilega eru dagarnir á
eftir í hálfgerðri þoku. Ég man lítið
eftir jarðarförinni, nema öllum
Deilir tónlistinni með vinum
Dagskrárgerðarkonan Hulda G. Geirsdóttir ólst upp í Keflavík þar sem tónlist var stór hluti af
uppeldi hennar. Hér rifjar hún upp nokkur minningabrot úr lífi sínu sem tengjast tónlist.
„Þegar ég gekk
með son minn
hlustaði ég
stanslaust á
þriðju plötu
Travis, The In-
visible Band, og
ég var eiginlega
sannfærð um að
barnið myndi
þekkja öll lögin
af henni,“ segir
Hulda G. Geirs-
dóttir, dagskrár-
gerðarkona hjá
Rás 2 og RÚV.
MYND/STEFÁN
þeim fjölda fólks sem kom og
sýndi okkur ómetanlega hlut-
tekningu og svo KK sem flutti
lag sitt When I think of angels
við athöfnina. Ég vissi að hann
samdi lagið eftir að hafa misst
systur sína og ég fann fyrir mikilli
samkennd með honum vitandi
af missi hans. KK felldi tár við
flutninginn og það snerti mig mjög
djúpt. Við KK áttum síðar eftir að
verða vinnufélagar og vinir og mér
þykir alltaf extra vænt um hann
vegna þessa og lagið þykir mér líka
vænt um þó að tengingin sé sorgleg
og kalli enn fram tár.
Hvaða lag fær þig til að vilja
stökkva inn í tímavél og fara aftur í
tímann?
Það er Smells like teen spirit með
Nirvana sem kom út 1991. Grunge-
rokkið skall á af fullum krafti þegar
ég var við háskólanám í Banda-
ríkjunum og ég man nákvæmlega
hvar ég var stödd þegar ég heyrði
þetta lag í fyrsta skipti og þau áhrif
sem það hafði á mig. Þetta var
æðislegur tími og ég væri alveg til
í að skella mér í köflótta skyrtu og
stökkva aftur til háskólaáranna í
Bandaríkjunum.
Hvaða tónlist minnir þig á hall-
ærislegan tíma í lífi þínu?
Það var margt á eitís tímabilinu
sem mér fannst svaðalega flott þá
en brosi yfir í dag, t.d. herðapúð-
arnir og hárgreiðslurnar. En á sama
tíma var margt frábært að gerast í
tónlist og þrátt fyrir hallærislega
tísku, á nútíma mælikvarða, áttu
margar sveitir frábær lög á þessum
tíma. Þar gæti ég t.d. nefnt fyrstu
plötu Duran Duran og Pax Vobis
hér heima. Eðalstöff, en tískan
maður!
Tónlistin í lífi mínu
Frábær hóptilboð
Sjáðu öll tilboðin okkar á
www.kinahofid.is
Opið alla daga
vikunnar frá
kl. 11:00 - 22:00
Kínahofið veitingahús l Nýbýlavegi 20 l 200 Kópavogi
www.kinahofid.is l Sími 554 5022
TILBOÐ
4 réttir + súpa dagsins
aðeins 1.690 kr.*
SVÍNAKJÖT MEÐ TOFANSÓSU
KJÚKLINGUR MEÐ SATAYSÓSU
NÚÐLUR MEÐ GRÆNMET
DJÚPSTEIKTAR RÆKJUR MEÐ SÚR/SÆTRI SÓSU
*tekið með heim – 1.990 kr. ef borðað er á staðnum.
4 KYNNINGARBLAÐ FÓLK 7 . j Ú L í 2 0 1 8 L AU G A R DAG U R
0
7
-0
7
-2
0
1
8

0
4
:1
8
F
B
0
8
8
s
_
P
0
7
2
K
.p
1
.p
d
f
F
B
0
8
8
s
_
P
0
5
7
K
.p
1
.p
d
f
F
B
0
8
8
s
_
P
0
1
7
K
.p
1
.p
d
f
F
B
0
8
8
s
_
P
0
3
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
0
5
5
-F
9
6
C
2
0
5
5
-F
8
3
0
2
0
5
5
-F
6
F
4
2
0
5
5
-F
5
B
8
2
7
5
X
4
0
0
.0
0
1
2
A

F
B
0
8
8
s
_
6
_
7
_
2
0
1
8
C
M
Y
K