Morgunblaðið - 16.06.2018, Blaðsíða 4

Í MOSKVU
Skapti Hallgrímsson
skapti@mbl.is
Gærdagurinn verður án efa ógleym-
anlegur þeim sem staddir voru í
miðborg Moskvu. Rauða torgið var
að vísu lokað og einhverjir urðu súr-
ir vegna þess, en þeir hafa tækifæri
til að skoða torgið bara næst. Í gær
snerist allt í miðborg Moskvu um
HM í fótbolta og allra þjóða
kvikindi skemmtu sér í sátt og
samlyndi.
Slæmt orð fer stundum
af áhugamönnum
um íþróttina og
því miður með
rentu, en í gær
voru allir glaðir. Ís-
lendingar voru hér og
þar í litlum hópum, gang-
andi um torg og stræti
eða inni á veitingahúsum að
svala þorstanum í góða veðr-
inu.
Rauðir, gulir, grænir og bláir
flokkar stuðningsmanna fjöl-
margra landsliða voru á svæðinu,
sumir sungu og trölluðu eða köll-
uðu nafn þjóðarinnar, en einn
hópur skar sig rækilega úr vegna
mikillar og einlægrar gleði,
stanslauss söngs og spila-
mennsku. Argentínumenn hrein-
lega tóku miðborgina yfir með ótrú-
lega skemmtilegri framkomu. Þeir
fóru mörg hundruð saman, sungu
mikið, hátt og lengi við undirspil
lúðra og tromma.
Enginn hafði roð við Argentínu-
mönnunum, enda reyndi enginn af
neinni alvöru. Það hefði ekkert þýtt.
Margir tóku hins vegar þátt í
gleðinni með þeim, meðal annars Ís-
lendingar; ekki hvarflaði að neinum
að bjóða upp á annað en bros og fal-
lega kveðju, svolítinn samsöng eða
faðmlag. Dásamlegt var að fylgjast
með stemningunni.
„Velkominn! Syngjum saman í
dag, en svo vinnum við ykkur á
morgun!“ sagði einn hina argent-
ínsku þar sem ég tróð mér með
myndavélina í átt að hljóðfæraleik-
urunum í miðju mannhafinu. Ekki
vildi ég skemma stemninguna með
því að draga úr væntingum hans.
Kinkaði bara kolli. Sjáum svo til.
Dagurinn sem nú er runninn upp
verður mörgum ógleymanlegur,
ekki síður en gærdagurinn. Íslensk-
ir stuðningsmenn landsliðsins hér í
Moskvu upplifa nokkuð í dag sem
enginn þeirra hefur áður gert; Ís-
land spilar í lokakeppni heimsmeist-
aramóts. Og ræðst ekki á garðinn
þar sem hann er lægstur. Hvernig
sem fer verður laugardagurinn 16.
júní 2018 skráður með feitu letri í
sögu Íslands héðan í frá.
Gleðilega hátíð og þjóðhátíð!
Morgunblaðið/Skapti Hallgrímsson
Mögnuð stemning Nokkrir Íslendingar komnir inn í innsta hring stórs hóps argentínskra stuðningsmanna síðdegis í gær. Stemningin í hópi Argentínumannanna var stórkostleg og gleðin einlæg.
Einlæg hátíðargleði í miðborg Moskvu
 Áberandi vinsemd
milli áhangenda
hinna ýmsu liða
Gleði Birkir Örn Einarsson, 10 ára,
með Argentínumönnum.
Áfram Ísland! Marina Zolotariova og Evgeny Golitsyn, lengst til hægri, sem
búsett eru á Íslandi, eru mætt til Moskvu og styðja Ísland heilshugar.
Gaman Feðgarnir Gylfi Við-
ar Guðmundsson og Ingi
Gunnar Gylfason með stuðn-
ingsmanni Kólumbíu.
4
MORGUNBLAÐIÐ LAUGARDAGUR 16. JÚNÍ 2018
Höskuldur Daði Magnússon
hdm@mbl.is
„Þetta sýnir bara betur en margt
annað hvers lags stemning er að
myndast fyrir þessum atburði. Það
þarf mikið til að fyrirtæki í fullum
rekstri loki. Menn gera sér grein
fyrir því að það verður enginn bis-
ness á meðan leiknum stendur,“
segir Andrés Magnússon, fram-
kvæmdastjóri Samtaka verslunar
og þjónustu.
Þónokkuð virðist vera um það að
fyrirtæki og verslanir loki meðan
leikur Íslands og Argentínu á HM í
Rússlandi fer fram í dag. Leikurinn
hefst klukkan 13 og stendur í um
tvo klukkutíma.
Toyota reið á vaðið með heilsíðu-
auglýsingu í Morgunblaðinu í gær
þar sem tilkynnt var að lokað yrði
hjá öllum söluaðilum bílaumboðs-
ins. Síðan hafa fleiri fyrirtæki bæst
í hópinn. Verslunin Epal verður að-
eins opin til klukkan 13 í dag en
opnar á móti fyrr, eða klukkan 10.
Þá verður franska sælkeraversl-
unin Hyalin á Hverfisgötu lokuð á
meðan leikjum Íslands stendur.
Brikk – brauð & eldhús í Hafn-
arfirði verður aðeins opið til klukk-
an 12.30 í dag af þessu tilefni og
Adrenalíngarðurinn á Nesjavöllum
verður lokaður meðan á leiknum
stendur. Svo dæmi séu tekin.
Andrés Magnússon segir að HM í
knattspyrnu muni þó frekar auka
sölu hjá verslunum heldur en hitt.
„Mótið hefur á allan máta mjög já-
kvæð áhrif á viðskipti. Fólk verslar
mikið í matvöruverslunum og
örugglega ekki síður drykkjar-
vörubúðum.“
Loka vegna leiksins í dag
 Fyrirtæki og verslanir loka vegna leiks Íslands og Arg-
entínu í dag  „Enginn bisness meðan á leiknum stendur“
Morgunblaðið/Eggert
Stuðningsmenn Búast má við að
þjóðfélagið verði hálflamað í dag.
Með sjálfbærni að leiðarljósi
Finnsk innanhússhönnun
02.03–02.09.2018 www.norraenahusid.is
Innblásið af Aalto