Morgunblaðið - 04.07.2018, Page 1

Mót Fjölmenni sækir Landsmót
hestamanna í Víðidal þessa dagana.
Aðdráttarafl íslenska hestsins nær
langt út fyrir landsteinana. Talið er
að fjórðungur gesta á Landsmóti
hestamanna í Víðidal í ár sé erlendur
og einnig eru komnir um 40 erlendir
blaðamenn til að fjalla um mótið,
flestir frá Evrópu en einhverjir frá
Norður-Ameríku. Íslenski hesturinn
á sérstökum vinsældum að fagna á
Norðurlöndunum og í Þýskalandi.
Sem dæmi eru skráð 39 þúsund ís-
lensk hross í Danmörku og 31 þús-
und í Svíþjóð. Líklegt er að ein-
hverjir hestar verði seldir úr landi
eftir mótið. »11
Fjórðungur gesta á
landsmótinu útlendur
Stofnað 1913  155. tölublað  106. árgangur 
M I Ð V I K U D A G U R 4. J Ú L Í 2 0 1 8
ÉG NÆLDI Í
HANN MEÐ
ÞRJÓSKUNNI
YFIR 130
VERK Á
HÁTÍÐINNI
VARÐ AÐ DEILA
HÖRPU MEÐ
FLEIRUM
FRINGE FESTIVAL 33 TÓNLISTARAKADEMÍA 30SJÓNARSPILIÐ 12
Morgunblaðið/Halldór Kolbeins
Ferðaþjónusta Útlendingar vilja heim-
sækja náttúrustaði þótt áhætta fylgi því.
 Svo virðist sem fjöldi ferðamanna
hér á landi leiti eftir hættulegum
aðstæðum og áhættuupplifun.
Þetta kemur fram í meistararitgerð
Þórhildar Heimisdóttur sem út-
skrifaðist frá Háskóla Íslands á
dögunum. Þar kemur fram að
ferðamenn sæki einna helst í
óáþreifanlega hættu. „Það hefur
verið vinsælt að halda í gönguferðir
nálægt virkum eldfjöllum. Þar finn-
ur fólk fyrir öllum kröftunum en er
í raun ekki í hættu,“ segir Þórhild-
ur.
Starfsfólk á Hótel Leirubakka í
grennd við eldfjallið Heklu hefur
orðið vart við áhættusækni ferða-
manna. Í samtali við Morgunblaðið
segir rekstrarstjóri hótelsins að svo
virðist sem viðvaranir sérfræðinga
hafi lítil áhrif á hegðun ferða-
manna. »14
Ferðamenn fylgja
ekki viðvörunum
Baldur Arnarson
baldura@mbl.is
Halldór Benjamín Þorbergsson,
framkvæmdastjóri Samtaka at-
vinnulífsins, segir að heildarvinnu-
tími verði snar þáttur í komandi
kjarasamningum. Endurskoða þurfi
hátt hlutfall yfirvinnu af launum.
„Slíkar breytingar hefðu í för með
sér að starfsfólk gæti hafið og lokið
störfum á mismunandi tíma dagsins
án þess að til yfirvinnugreiðslna
kæmi. Starfsfólk gæti unnið lengur
suma daga og skemur aðra ef það
hentaði því eða vinnuveitendum
þess,“ segir Halldór Benjamín.
Tilefnið er kröfur ljósmæðra um
hækkun grunnlauna og að dregið
verði úr vægi yfirvinnu. Sömu sjón-
armið eru uppi hjá fulltrúum geisla-
fræðinga og þroskaþjálfa.
Gylfi Dalmann Aðalsteinsson,
vinnumarkaðsfræðingur og dósent
við viðskiptafræðideild Háskóla Ís-
lands, segir það geta reynst farsælla
í erfiðum og löngum kjaraviðræðum
að semja til skamms tíma og nota svo
tímann til að gera kerfisbreytingar.
Þá til dæmis að stytta yfirvinnutíma.
Fjöldi samninga losnar í vor.
Samtök atvinnulífsins
vilja draga úr yfirvinnu
 Leggja áherslu á breyttan vinnutíma í næstu samningum
MStyttri vinnutími … »10
 Forsvarsmenn smásölurisans
Haga hafa lýst sig reiðubúna til að
selja tvær verslanir fyrirtækisins á
höfuðborgarsvæðinu, ef það megi
verða til þess að greiða fyrir sam-
runa fyrirtækisins við Olís. Sam-
keppniseftirlitið hefur lýst því yfir í
frummati sínu að of mikil sam-
þjöppun yrði með samrunanum að
öllu óbreyttu. Í mars síðastliðnum
höfðu Hagar sent Samkeppniseft-
irlitinu tillögur um hvernig draga
mætti úr neikvæðum áhrifum sam-
runans. Stofnunin taldi þær tillögur
ekki duga til og varð það til þess að
fyrirtækið hefur nú sent inn nýjar
og uppfærðar tillögur. »16
Hagar reiðubúnir að
selja tvær verslanir
Byggingarkranar í borginni endurspegla þær
miklu framkvæmdir sem í gangi eru. Þeir
hafa ekki verið fleiri í sex ár. Í júnímánuði í
ár skoðaði Vinnueftirlitið 47 byggingarkrana
Nú hafa verið skoðaðir 169 byggingar-
kranar það sem af er ári. Haldi þróunin áfram
eru líkur á því að skoðaðir byggingarkranar í
ár verði 328 talsins.
en 17 á sama tíma í fyrra. Þá virðast bygging-
arkranar sem skoðaðir eru á ári á góðri leið
með að ná sama fjölda og þegar mest lét árið
2007.
Byggingarkranar áberandi í borginni
Morgunblaðið/Hari
Guðmundur Magnússon
Erna Ýr Öldudóttir
Í gær barst 48 forstöðumönnum ríkisstofnana
bréf frá kjararáði þar sem þeim er tilkynnt um
úrskurð ráðsins um laun þeirra og starfskjör.
Úrskurðurinn, sem dagsettur er 14. júní, var
jafnframt birtur á vefsíðu kjararáðs í gær, en
engin fréttatilkynning var send út um málið. Lög
um ráðið voru felld úr gildi á Alþingi fyrir
nokkrum dögum og hætti það starfsemi nú um
mánaðamótin. Úrskurðurinn er því síðasta verk
kjararáðs.
Ákvörðun kjararáðs tekur til beiðna um launa-
hækkanir sem bárust frá forstöðumönnum ríkis-
stofnana á árunum 2016 og 2017 og tveimur fyrir
þann tíma. Kveðið er á um mánaðarlaun og ein-
ingar fyrir störfin í úrskurðinum. Hann leiðir til
þess að laun forstöðumannanna breytast mis-
mikið, en vegin meðaltalshækkun er um það bil
10,8%. Hækkunin gildir frá 1. desember í fyrra.
Þrettán forstöðumannanna eru með meira en
eina milljón króna í föst mánaðarlaun eftir úr-
skurðinn. Hæstu launin fær forstjóri Landspít-
alans, 1.294.693 krónur, en næsthæstu rektor
Háskóla Íslands, 1.251.843 krónur. Til viðbótar
við hin föstu laun ákvarðaði kjararáð forstöðu-
mönnunum mismunandi fjölda eininga á mánuði
fyrir alla yfirvinnu sem störfunum fylgja. Ein-
ingarnar eru á bilinu 15 til 50.
Morgunblaðið reyndi í gærkvöldi að ná sam-
bandi við þá sem sátu í kjararáði áður en það var
lagt niður en ekki náðist í neinn þeirra.
Fengu um 10,8% hækkun
 Kjararáð birti í gær úrskurð um launahækkanir 48 forstöðumanna ríkisstofnana