Morgunblaðið - 04.07.2018, Side 18

18
MORGUNBLAÐIÐ MIÐVIKUDAGUR 4. JÚLÍ 2018
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Borgarráðsamþykktifyrir helgi
að kaupa eignir á
tveimur stöðum í
Breiðholti. Fyrir
eignirnar borgar
Reykjavíkurborg rúmar 752
milljónir króna. Eins og fram
kemur í Morgunblaðinu í fyrra-
dag er ætlunin að eignirnar
verði seldar innan árs og fyrir
árslok ef vel gangi. Verður hús-
næðið lagað og snyrt á meðan
reynt verður að koma því í
verð.
Það er spurning hvers vegna
borgin ákveður að grípa inn í
með fasteignakaupum þegar
húsnæði er að drabbast niður.
Í frétt á vef borgarinnar seg-
ir að borgin hyggist „þróa
þessa reiti þannig að hægt verði
að auka byggingarheimildir á
þeim“ og verði þá „auglýst eftir
uppbyggingar- og rekstrar-
aðilum sem geta gert nýja og
spennandi hluti í hverfinu“.
Eyþór Arnalds, oddviti Sjálf-
stæðisflokks í borgarstjórn,
hittir naglann á höfuðið í gagn-
rýni sinni á þessa ráðstöfun í
frétt Morgunblaðsins um málið.
Hann bendir á að það sé ekki
hlutverk borgarinnar kaupa
fasteignir og gera þær upp.
„Það væri miklu nær að veita
heimildir til uppbyggingar á
svæðinu,“ segir Eyþór. „Ef það
væri gert er ég viss um að það
væru ýmis fasteignafélög
spennt fyrir því að taka við
boltanum. Borgin velur aðra að-
ferð; í stað þess að
rýmka byggingar-
heimildir strax
kaupir hún hús-
næðið og ætlar svo
að rýmka heim-
ildir.“
Í frétt Morgunblaðsins kem-
ur fram að ekki hafi sérstaklega
verið tekið lán fyrir kaupunum,
en vegna þeirra hafi verið beðið
um heimild til að auka við láns-
fjáráætlun ársins.
Eyþór segir að þessi kaup
hefðu ekki átt að fara í forgang
hjá borginni þar sem hún eigi
fullt í fangi með sín verkefni og
ætti ekki að fara sjálf út í að
sinna þróunarverkefnum.
Það er mikið til í þessari
gagnrýni. Borgin mætti leggja
áherslu á að klára fram-
kvæmdir, sem standa yfir, í
stað þess að sanka að sér nýjum
verkefnum. Til marks um það
er að brátt hafa Framnesvegur
og Vesturvallagata verið lokuð í
þrjú ár vegna smíði viðbygg-
ingar við Vesturbæjarskóla.
Þegar framkvæmdir hófust átti
að taka bygginguna í notkun ár-
ið 2017. Enn er þeim ekki lokið
og enn er lokað fyrir umferð um
Framnesveg og Vesturvalla-
götu.
Slæm fjárhagsstaða borgar-
innar er illskiljanleg á þessum
uppgangstímum. Það er óþarfi
að leggja almannafé undir í
þróunarverkefni á borð við
þetta, ekki síst í þeirri óreiðu
sem nú ríkir í fjármálum borg-
arinnar.
Fasteignakaup borg-
arinnar í Breiðholti
bera undarlegri for-
gangsröð vitni}
Óþarft inngrip
ESB er á ný kom-ið í hjólförin
sem það spólaði svo
lengi í eftir að evran
missti allan trúnað
og hver þjóðin af
annarri hafnaði þátttöku í henni.
Þó fór engin kosning fram því
stjórnmálamenn í viðkomandi
löndum, sem höfðu flestir gengið
í einn ESB-flokk þótt þeir ættu
enn máða flokksskírteinið sitt í
kommóðunni, þorðu ekki í þær
fyrir sitt litla líf. Áður mændu
þessir landlausu ESB-sinnar til
forystunnar í Þýskalandi. En
ekki lengur því þar er enga for-
ystu að finna. Ríkisstjórnin í
Berlín nýtur æ minni stuðnings
og „óskeikulu“ leiðtogarnir falln-
ir á öllum prófum. Kanslari
Þýskalands reyndi úr sér gengna
trikkið að ná tökum innanlands
með því að þykjast koma heim
með evrópska sátt, sem svefn-
lausum og ringluðum leiðtogum
var sagt að þeir hefðu náð
skömmu fyrir morgunmat. Þetta
var aðferðin á 20 leiðtogafundum
í röð þegar evran var komin í
uppnám. En nú, eins og þá, töldu
leiðtogarnir, þegar
þeir voru vaktir aft-
ur upp úr hádeginu,
sig ekki hafa gert
það samkomulag
sem þeim var svefn-
drukknum kennt um. Þýska lög-
reglan, sem gerir ekki uppreisn
að gamni sínu, lýsir efasemdum
um niðurstöðuna þar sem þar sé
ekkert nýtt að finna og það segja
líka leiðtogar Austurríkis og Ítal-
íu. Schulz, fyrrverandi leiðtogi
jafnaðarmanna, fordæmir gjörn-
inginn. Og eftirmaður hans sér
nýjustu skoðanakönnunina sem
sýnir að þýsku stjórnar-
flokkunum, sem fyrir réttu ári
mældust með 62% atkvæða og
hrundu svo sameiginlega niður í
52% í kosningunum tveimur
mánuðum síðar, hefur tekist að
lækka enn og nú niður í 48%
fylgi. AfD, Nýr kostur fyrir
Þýskaland, mældist fyrir ári með
9% fylgi. Fékk 12,6% fylgi í kosn-
ingunum, sem kallað var ógnar-
tíðindi, og mælist nú með 16,5%
fylgi! Hvílíkt ógnarklúður hvert
sem litið er. Hvernig var þetta
hægt?
Af hverju þessi ofur-
trú á afurðum svefn-
lausra manna?}
Höfundarnir hafa aldrei séð
niðurstöðurnar áður
Í
gær var fundur velferðarnefndar vegna
uppsagna ljósmæðra og hvaða aðgerða
sé verið að grípa til til þess að koma í
veg fyrir að skaði verði af. Landspítal-
inn sendi frá sér yfirlýsingu þar sem
gert var ráð fyrir röskun á framköllun fæðinga,
mögulegum flutningum keisaraaðgerða á Akra-
nes og Akureyri og verðandi mæðrum beint á
heilsugæslu eða læknavaktina.
Fyrir fundinn undirbjó ég nokkrar spurn-
ingar fyrir ráðherra. Spurningar um kaupmátt-
araukningu ljósmæðra á undanförnum árum
miðað við aðrar stéttir. Hver kaupmáttar-
aukning ljósmæðra yrði með tillögum ríkissátt-
arsemjara. Hvert samstarf ríkisstjórnarinnar
hefur verið með aðilum vinnumarkaðarins út af
kjaradeilu ljósmæðra og aðrar almennar
spurningar um hver bæri ábyrgð á lausn mála í
þessari kjaradeilu og hvort einhver aukinn kostnaður fæl-
ist í þessu fyrir foreldra.
Í undirbúningi fundarins komu fram áhugaverð sjónar-
mið. Ekki um kjaradeilu ljósmæðra heldur hlutverk þings-
ins og nefnda þess. Þar voru spurningar um nauðsyn þess
að halda nefndarfund en það flokkast ekki sem nauðsyn ef
fundur nefndarinnar hefur engin áhrif eða breytir engu
um stöðu mála. Þar kom fram það álit að þótt staða mála á
LSH væri alvarleg þá myndi fundur velferðarnefndar ekki
breyta neinu. Þetta er áhugavert af því að í þingskapa-
lögum stendur að í sumarhléi þingsins skuli ekki boða til
nefndafunda á þeim tíma nema brýn nauðsyn krefji. Í
þessu tilviki töldu allir nefndarmenn vera til-
efni til fundar. Markmið fundarins var beinlín-
is að fá upplýsingar frá LSH og ráðherra og
ræða svo í kjölfarið hvað nefndin gæti gert.
Aftur að fundi velferðarnefndar í gær.
Helstu atriði sem komu fram á fundinum voru
að staðan í málinu er mjög alvarleg. Það á þá
auðvitað helst við um stöðu foreldra og ný-
fæddra barna. Sem stendur eru 60% af lág-
marksmönnun í ákveðinni þjónustu. Þegar
hafa nokkrir foreldrar þurft að fara til Akra-
ness og Akureyrar til þess að klára fæðingu.
Það er þó ekkert nýmæli þar sem foreldrar á
landsbyggðinni þurfa ítrekað að bregða undir
sig betri fætinum og fæða fjarri heimahögum.
Að sögn landlæknis er þar um að ræða
ákveðna þróun frekar en stefnu stjórnvalda
þar sem erfitt hefur reynst að fá þá sérfræð-
inga sem þarf til þess að halda ákveðnum öryggisstaðli.
Það kemur í ljós á næstu vikum hvað gerist. Þegar yfir-
vinnubannið tekur gildi um miðjan mánuðinn verður
ástandið alls staðar mjög erfitt. Það sem var mjög merki-
legt er að á undanförnum árum hafa svipuð vandamál ver-
ið leyst, vandamál sem skapast af miklu álagi vegna vakta-
vinnu og launamisræmis. Einhvern veginn hafa ákveðnar
stéttir sem eru aðallega skipaðar konum hins vegar lent
neðarlega í þeirri leiðréttingarröð.
Björn Leví
Gunnarsson
Pistill
Fundur velferðarnefndar
Höfundur er þingmaður Pírata.
bjornlevi@gmail.com
STOFNAÐ 1913
Útgáfufélag: Árvakur hf., Reykjavík.
Ritstjóri:
Davíð Oddsson
Aðstoðarritstjóri:
Karl Blöndal
Ritstjóri og framkvæmdastjóri:
Haraldur Johannessen
SVIÐSLJÓS
Veronika S. Magnúsdóttir
veronika@mbl.is
Þetta er mjög spennandi ogóljóst hvernig baráttanfer,“ segir Gunnar Björns-son, forseti Skáksambands
Íslands. Nýr forseti alþjóðaskák-
sambandsins, FIDE, verður kosinn í
október.
Frambjóðendurnir eru þrír tals-
ins: Georgios Makropoulos, Nigel
Short og Arkady Dvorkovich. Ný-
lega dró fráfarandi forseti FIDE,
Kirsan Ilyumzhinov, framboð sitt til
baka.
Georgios Makropoulos frá
Grikklandi hefur lengi starfað innan
FIDE sem varaforseti Kirsans.
„Hann er úr gamla FIDE-teyminu
sem hefur starfað í umboði Kirsans,“
segir Gunnar. „Það sem styrkir
stöðu hans mjög mikið er að hafa
Englendinginn Malcolm Pein sem
varaforsetaefni.“ Pein er aðal-
skipuleggjandi skákmótsins London
Classic sem er eitt þekktasta opna
skákmót sem haldið er að staðaldri á
Englandi. „Hann er með gott orð-
spor og skemmir fyrir framboði Nig-
els Shorts. Englendingarnir eru
klofnir,“ segir Gunnar.
Enski stórmeistarinn Nigel
Short hyggst einnig bjóða sig fram
til FIDE-forsetaembættisins. Short
hefur farið mikinn í skákheiminum,
hefur sterkar skoðanir og er virkur á
samfélagsmiðlum, einkum Twitter.
Hann var fyrsti Englendingurinn til
að taka þátt í heimsmeistaraeinvígi
og beið ósigur gegn Garry Kasparov
árið 1983. Ljóst er að Short nýtur
mikillar virðingar meðal skákmanna
en Gunnar segir umdeildar skoðanir
hans geta aftrað honum í framboð-
inu. Morgunblaðið náði tali af Nigel
Short sem segir mörg vandamál
liggja á borði FIDE: „Trúverðugleiki
FIDE er sáralítill. Sambandinu hef-
ur verið stýrt í áratugi af manni sem
hefur á sér slæmt orðspor og er
tengdur við spillta einræðisherra.“
Short segir lykilatriðið vera að
breyta stjórnunarháttum innan
FIDE. „Farsæl íþróttasambönd geta
laðað að sér styrktaraðila svo hægt
sé að dreifa styrktarfénu og styðja
við íþróttina.“ Þá segir hann að stór-
fyrirtæki hiki við að styrkja skákmót
vegna slæms orðspors alþjóðaskák-
sambandsins. Short talar fyrir bættu
orðspori FIDE og lagabreytingum
sem myndu sporna við spillingu.
Meðal stefnumála Nigels Shorts er
einnig að takmarka setu á forseta-
stóli: „Við ættum aldrei aftur að vera
í þeim aðstæðum að sami forsetinn
hafi setið í 23 ár.“
Þriðji frambjóðandinn er hinn
rússneski Arkady Dvorkovich, fyrr-
verandi aðstoðarforsætisráðherra
Rússlands. Þá var hann jafnframt
formaður undirbúningsnefndar fyrir
HM í Rússlandi. „Hann er sterkur
frambjóðandi og greinilega á vegum
Pútíns.“ Gunnar segir að það að
svona sterkur Rússi bjóði sig fram
þýði að hann fái sjálfkrafa tugi at-
kvæða sem fylgja Rússlandi. Kirsan,
fráfarandi forseti FIDE, hefur lýst
yfir stuðningi við framboð Dvorko-
vich.
Skáksamband Norðurlanda hef-
ur boðað til fundar hinn 28. júlí á
Helsingjaeyri í Danmörku vegna
kosningabaráttunnar. Frambjóð-
endum hefur verið boðið þangað til
að kynna sig og stefnumál sín.
Gunnar segir alla frambjóð-
endurna nema Arcady
Dvorkovich hafa staðfest
komu sína þangað. Á stjórn-
arfundi Skáksambands Ís-
lands var ákveðið að skák-
sambandið lýsti ekki yfir
stuðningi við neinn frambjóð-
anda fyrr en í fyrsta lagi eftir
fundinn í Danmörku.
Hart verður barist
um forystu FIDE
Fráfarandi forseti FIDE, Kirsan
Ilyumzhinov, hefur gegnt for-
setaembættinu síðan 1995.
Hann hugðist bjóða sig fram
til endurkjörs en dró til baka
framboð sitt 29. júní sl. Nú
hefur hann lýst yfir stuðningi
við framboð Arkadys Dvorko-
vich.
Ekki var allt með felldu á
framboðslista fráfarandi for-
setans. Í ljós kom að Glen
Stark, sem var skráður aðalrit-
ari hans, reyndist vera skálduð
persóna. Kirsan hefur lengi
verið harðlega gagnrýndur
og orðaður við spillingu í
forsetatíð sinni. Þá hef-
ur það vakið athygli að
hann telur sig eitt
sinn hafa verið num-
inn á brott af geim-
verum.
Kirsan býður
sig ekki fram
FORSETI FIDE Í 23 ÁR
Kirsan
Ilyumzhinov
Morgunblaðið/Ómar
Baráttuíþrótt Reykjavíkurskákmótið fór fram í mars sl. í Hörpu. Hart er
barist í skákheiminum um þessar mundir, á skákborðinu og utan þess.