Morgunblaðið - Sunnudagur - 15.07.2018, Blaðsíða 22
MATUR Rétturinn Nam Tok merkir foss á taílensku og dregur heiti sitt af því þegar
safarnir fossa þegar kjötið er eldað.
Safaríkur foss
22 MORGUNBLAÐIÐ SUNNUDAGUR 15.7. 2018
Í annasömu iðnaðarhverfinu við Smiðjuveg íKópavogi er að finna vinsæla veitingastað-inn Bangkok. Hann er í eigu hinnar bros-
mildu Emilíu Kanjanaporn sem segir að stað-
setningin sé mjög góð. „Hingað fáum við
fjölbreyttan hóp af gestum. Sumir keyra langt
til að koma til okkar en við fáum líka margt
starfsfólk sem vinnur hér í kring sem er dug-
legt að koma á hádegishlaðborðið okkar.“ Em-
ilía kom til Íslands fyrir um þrjátíu árum. Hún
vann í sextán ár á veitingastaðnum Menam á
Selfossi en keypti Bangkok fyrir fjórum árum.
„Starfsmenn okkar eru fjölskylda og vinir svo
hér þekkjast allir mjög vel.“
Emilía segir að réttirnir á staðnum hafi
þróast jafnt og þétt. „Ég bætti kannski við
smá kryddi hér eða breytti sósunni þar. Um
daginn fékk ég krydd frá Taílandi sem ég er
forvitin að sjá hvort sé eitthvað fyrir Íslend-
inga.“ Emilía segir að hún hafi reynt að finna
hvað í taílenskri matargerð henti íslenskum
bragðlaukum. „Ég hef lengi verið að prófa
hvað Íslendingum finnst gott að borða. Til
dæmis var fjölskylda mannsins míns ekki mik-
ið fyrir taílenskan mat í fyrstu svo ég þurfti að
fara hægt. „Viltu prófa þetta? Smakkaðu
þetta.“ Almennt séð þá borða Íslendingar ekki
mjög sterkan mat, en hér á Bangkok þykir
þeim gott að fá sér sterka rétti,“ segir Emilía,
en vinsælasti réttur staðarins, nam tok, á það
til að skilja nýgræðinga í taílenskri mat-
armenningu eftir í svitabaði.
Aðlagar
réttina að
Íslendingum
Emilía Kanjanaporn rekur taílenska veitingastaðinn
Bangkok. Hún hefur þróað réttina sína jafnt og
þétt til að henta Íslendingum.
Arnar Tómas Valgeirsson arnart@mbl.is
Petra og Emilía taka vel á
móti gestum á Bangkok.
Morgunblaðið/Arnþór Birkisson
fyrir tvo
250 g kjúklingur
250 g hrísgrjónanúðlur
2 msk. matarolía
1 dl padthai-sósa
1 egg
50 g púrrulaukur
50 g gulrætur
50 g hvítkál
100 g salthnetur
10 g hvítlaukur
1. Byrjið á því að setja hrísgrjónanúðlurnar í heitt vatn.
2. Matarolía sett á pönnu ásamt hvítlauki.
3. Skerið kjúklinginn í bita og bætið við.
4. Þegar kjúklingurinn er ágætlega tilbúinn bætið við egg-
inu, leyfið því að vera á pönnunni í ca. 15 sekúndur áð-
ur en þið hrærið það við kjúklinginn.
5. Bætið við núðlunum ásamt padthai-sósunni.
6. Hrærið vel í 2 mínútur.
7. Næst er það grænmetið.
8. Síðasta skrefið er hneturnar, best er að mylja þær.
9. Njóta.
Pad thai