Morgunblaðið - Sunnudagur - 15.07.2018, Blaðsíða 35

15.7. 2018 MORGUNBLAÐIÐ SUNNUDAGUR 35
BÓKSALA 4.-10. JÚLÍ
Listinn er tekinn saman af Eymundsson
1 Vegahandbókin 2018Ýmsir höfundar
2
Sumar í litla bakaríinu
við Strandgötu
Jenny Colgan
3 OfurhetjuvíddinÆvar Þór Benediktsson
4 UppgjörLee Child
5 Independent PeopleHalldór Laxness
6 Mínus átján gráðurStefan Ahnhem
7
Litla bakaríið
við Strandgötu
Jenny Colgan
8
Uglan drepur bara á
nóttunni
Samuel Björk
9 NicelandKristján Ingi Einarsson
10 Leyndarmál systrannaDiane Chamberlain
1 OfurhetjuvíddinÆvar Þór Benediktsson
2 Tinna trítlimúsAðalsteinn Stefánsson
3
Risasyrpa – Sniðugar
uppfinningar
Walt Disney
4
Snuðra og Tuðra í sveitaferð
Iðunn Steinsdóttir / Lóa Hlín
Hjálmtýsdóttir
5 Handbók fyrir ofurhetjur 2Elias/Agnes Vahlund
6 Hin Ótrúlegu þrautabókWalt Disney
7 Ísland á HMGunnar Helgason
8
Stóra bókin um
Hvolpasveitina
Mary Tillworth
9 Hvolpasveitin – litabók
10 Fánar – límmiðabók
Allar bækur
Barnabækur
Ég hef verið að lesa sömu bókina
frá því í apríl. Byrjaði að lesa hana
þegar ég var að vinna lokaverk-
efnið mitt, en náði ekki að klára
hana, en núna er ég að klára. Hún
heitir Just Mercy og er eftir Bryan
Stevenson. Þetta er saga hans af
því að vinna án þóknunar með fólki
á dauðadeildum í Bandaríkjunum.
Meginuppistaða bókarinnar er
fyrsta málið sem hann vinnur, en í
því var karlmaður dæmdur til
dauða fyrir morð á ungri hvítri
konu þó hann hefði
verið mjög aug-
ljóslega saklaus og
margir gætu vitnað
um það. Þrátt fyrir
það var hann kom-
inn mjög nærri því
að vera tekinn af lífi.
Bryan Stevenson er mjög mikill
baráttumaður fyrir réttindum
svartra og þá sérstaklega innan
fangelsiskerfisins og hann er líka
maðurinn á bak við minnisvarða
sem var afhjúpaður nýlega í Ala-
bama í Bandaríkjunum um aftökur
án dóms og laga og hann vinnur að
því að koma í veg fyrir að fólk sé
tekið af lífi að ósekju eða fyrir litlar
sakir með dómi og lögum. Hann
skrifar rosalega vel og bókin er til-
finningarússíbani og gefur manni
góða innsýn í þessi mál.
ÉG ER AÐ LESA
Anna
Marsibil
Clausen
Anna Marsibil Clausen er blaða-
maður og nemi.
„Einhverju sinni afréð danska ríkið að láta reisa
fjall á Avedøre-hólmanum. Byggingin stóð yfir í
200 ár. Þegar byggingu fjallsins lauk var það
3.500 metra hátt, 55 kílómetrar að ummáli og
590 ferkílómetrar að heildarflatarmáli.“
Svo hefst skáldsagan Fjallið í Kaupmannahöfn
eftir Kaspar Colling-Nielsen sem Salka hefur
gefið út í íslenskri þýðingu Höllu Sverrisdóttur.
Fjallið, Hafnarhnúkur, gjörbreytir loftslagi
landsins og dönsku samfélagi eins og það leggur
sig. Sautján frásagnir bókarinnar segja frá ýmsu
undarlegu sem á sér stað á og við fjallið.
Ístré heitir ljóðabók eftir Stefán Sigurðsson.
Þetta er önnur ljóðabók Stefáns, en árið 2016
kom út bókin Haugabrim. Ístré hefur að geyma
27 ljóð sem fjalla meðal annars um firringu nú-
tímamannsins í síbreytilegum heimi, gagnrýni á
íslenskt samfélag og þá spillingu sem Stefáni
finnst viðgangast hér á landi. Stefán hefur einnig
birt ljóð í tímaritum, þar á meðal í tímaritinu
Stínu. Bókaforlagið Orðastaður, sem er forlag
Stefáns, gefur bókina út, en það hefur einnig
gefið út þýðingar hans á bókum Hermans Bang
og Susanne Staun.
Kristján Jón Guðnason hefur gefið
út allmarga ritlinga á síðustu árum.
Krista heitir ný bók hans sem Óþurft
gefur út líkt og fyrri verk. Höfundur
lýsir bókinni svo að hún fjalli um það ef
Krista væri kona úr Fellahverfinu. „Á
vorum dögum eru annars ekki margar
madonnur í Fellahverfinu og þyrfti
ekki að smíða krossinn sem Krista er krossfest á. Og eru ekki
margir saklausir krossfestir eða drepnir á vorum dögum? Þetta
litla kver er til minnis um þá.“
NÝJAR BÆKUR
Skáldsagan Okkar á milli, eftir Sally Rooney, hefstþar sem Frances segir frá því er hún og Bobbavinkona hennar hitta Melissu eftir þátttöku í
ljóðaslammi þar sem þær Frances og Bobba fluttu ljóð
eftir Frances. Þær taka tal saman og þegar það fer að
rigna býður Melisa þeim heim í drykk. Þar er fyrir mað-
urinn hennar Melissu, Nick, leikari sem er á leið til Car-
diff í tökur.
„Ég hafði einstakan áhuga á að koma inn á ný heimili,
sérstaklega hjá fólki sem var pínu frægt,“ segir Frances
í bókinni og þó að Okkar á milli snúist aðallega um sam-
bönd og samskipti, snýst hún einnig um togstreitu á milli
stétta og menningarkima. Frances laðast að Nick, enda
er hann „pínu frægur“, fjáður og myndarlegur og leið
hennar frá miðstéttaruppruna sínum inn í annan heim.
Bókin fjallar líka um stjórnmál og kynferði:
Félagsleg afstaða getur ekki verið hlutlaus, sagði
Rooney á upplestri í Manchester og þegar hún var spurð
að því hvernig það væri að vera rithöfundur og kona
svaraði hún svo: „Mér finnst það forvitnilegt að karlar
tilheyra líka kyngervi sem þeir eru aldrei spurðir um.“
Rooney er írsk og ólst upp á menningarheimili. Hún
byrjaði snemma að skrifa og lauk við fyrstu skáldsögu
sína fimmtán ára gömul. Sú skáldsaga hefur þó ekki enn
komið út og kemur væntanlega aldrei – Rooney segir að
hún hafi verið „algjört drasl“.
Í menntaskóla tók Rooney þátt í ræðukeppnum, til
þess að eignast vini, eins og hún lýsir því. Ræðukeppn-
irnar, eða réttara sagt það að ná árangri í ræðukeppn-
um, verða Evrópumeistari í mælskulist, kenndi henni að-
allega það að það að vera vinsæll er einskis vert að
hennar sögn, eða eins og hún lýsti því í grein sem hún
skrifaði fyrir bókmenntatímaritið The Dublin Review,
þar sem hún segist meðal annars ekki trúa því að hún
muni nokkurn tímann sækjast svo ákaft eftir einhverju
jafn tilgangslausu. Að vísu hafi hún lært sitthvað af því
að keppa í ræðumennsku, en „[þ]átttaka í keppni, hvaða
keppni sem er, gefur þér nýjar leiðir til að sjá aðra. Sigur
gefur manni aðeins nýjar leiðir til að sjá sjálfan sig.“
Meðfram náminu og ræðuhöldum orti Rooney ljóð og
skrifaði smásögur, en eiginleg ritstörf hóf hún 2014, þeg-
ar hún áttaði sig á því að hana langaði ekki til að vera
lengur í skóla. Á næstu árum skrifaði hún nokkuð af
smásögum, var meðal annars tilnefnd til smásagnaverð-
launa fyrir eina slíka skömmu áður en Okkar á milli kom
út, en hún hefur lýst bókinni sem smásögu sem varð of
löng – sagan sem hún vildi segja þurfti sitt pláss.
Okkar á milli vakti mikla athygli þegar hún kom út og
bókin og höfundur hennar hafa verið tilnefnd til fjölda
verðlauna. Svo mikill var áhuginn að sjö bresk bóka-
forlög slógust um útgáfuréttinn og það sem samdi við
hana á endanum, Faber & Faber, hefur lýst henni sem
J.D. Salinger Snapchat-kynslóðarinnar. Alls hefur bókin
komið út á þrettán tungumálum.
Bókaútgáfan Benedikt gefur Okkar á milli út í bóka-
klúbbnum Sólinni, en einnig er hægt að fá bókina í bóka-
verslunum. Bjarni Jónsson þýddi.
Sambönd og samskipti
Írski rithöfundurinn Sally Rooney vakti mikla athygli fyrir fyrstu skáldsögu
sína, en í bókinni, sem komin er út á íslensku, fjallar hún um sambönd og
samskipti og eins um togstreitu á milli stétta og menningarkima.
Árni Matthíasson arnim@mbl.is
Írski rithöfundurinn og rökræðumeistarinn Sally Rooney.