Morgunblaðið - Sunnudagur - 22.07.2018, Síða 16
Í MYNDUM
16 MORGUNBLAÐIÐ SUNNUDAGUR 22.7. 2018
Það er ekki laust við að andi Sophiu Loren ogMarcello Mastroianni svífi yfir vötnum á lít-illi strönd í klettavík fyrir neðan þorpið Ta-
ormina á Sikiley. Ströndin Isola Bella er fræg fyrir
að vera leiksvið í einni af fjölmörgum kvikmyndum
sem þau léku saman í. Ungt par liggur á ströndinni,
þau láta vel hvort að öðru, aðrir busla í tærum sjón-
um. Hitinn rokkar frá 25 til 30 gráða en ferskur
vindur af hafi er góð kæling. Hæsta eldfjall Evrópu,
Etna, gnæfir yfir eyjunni, 3.329 metra hátt. Það
rýkur úr fjallinu. Fegurð eyjunnar er stórkostleg
og fólkið vingjarnlegt. Ein af frægari kvikmyndum
sögunnar Guðfaðirinn var tekin á Sikiley og lýsti lífi
mafíunnar. Að keyra um eyjuna er skemmtilegt, en
umferðin í stærri borgunum er eins og rússnesk
rúlletta þegar verst lætur og flestir bílar eru ann-
aðhvort beyglaðir eða rispaðir. Monreale er eins-
konar úthverfi Palermo uppi í fjallshlíð. Það er líf og
fjör á torginu, krakkar á hlaupum og gifting i
þorpskirkjunni. Bíllinn sem bíður brúðhjónanna er
eins og klipptur út úr Guðföðurnum, gamall hvítur
Bentley. Syracusa er falleg borg með skemmtilegu
torgi. Skammt frá torginu er lítil rakarastofa þar
sem gamall rakari snyrtir skegg viðskiptavinar með
rakhníf. Maður á verði fyrir utan, eða er hann bara
að slappa af? Það er ekki laust við að maður sé kom-
inn með smá mafíumynd á heilann. Bara skemmti-
legt en ég finn mafíósana hvergi. Götumúsík í Che-
falu er bara nokkuð flott. Það ljóma allir af fjöri.
Ströndin er stórkostleg í Chefalu og strætin falleg
með ítölskum sjarma. Gömlum manni á stól í Cat-
ania er heilsað með kossi og vingjarnlegu handa-
bandi, málin eru rædd og gamli maðurinn gefur góð
ráð. Þeir kveðja gamla manninn með faðmlagi og
kossi á báðar kinnar, það er sami svipurinn á hon-
um og Marlon Brando. Skyldi þetta vera Guðfað-
irinn? Mér finnst hann flottur.
Ströndin Isola Bella.
Perla í suðurhöfum
Fegurð Sikileyjar er
stórkostleg og fólkið vingjarn-
legt enda þótt umferðin minni
á rússneska rúllettu.
Texti og myndir: Ragnar Axelsson rax@mbl.is
Krakkar á hlaupum í Monreale.