Morgunblaðið - Sunnudagur - 22.07.2018, Síða 28

Hjónin Magnús A. Sigurðssonog Ragnheiður Valdimars-dóttir fóru nýverið til
Grikklands ásamt börnum sínum,
Guðrúnu Elenu og Sigurði Mar, og
dvöldu þar í tæpan mánuð. Þangað
hafa þau farið margoft enda segjast
þau afar hrifin af landi og þjóð og
upplifa eitthvað nýtt í hverri heim-
sókn. Faðir Magnúsar, Sigurður A.
Magnússon, starfaði sem fararstjóri
í Grikklandi um árabil og þar dvaldi
Magnús ásamt fjölskyldunni þegar
hann var barn.
„Pabbi var fararstjóri í Grikklandi
á sumrin og var svo að skrifa á vet-
urna. Við bjuggum í Vouliagmeni,
úthverfi Aþenu, í eitt og hálft ár þeg-
ar ég var lítill. Ég fór svo í háskóla
þarna úti í eitt ár þar sem ég lærði
grísku,“ segir Magnús sem er forn-
leifafræðingur að mennt.
Hvað er það við Grikkland sem
heillar?
„Veðurfarið er náttúrlega yndis-
legt,“ segir Magnús. „En það sem
heillar mig held ég mest eru Grikk-
irnir sjálfir. Þetta er svo einstaklega
gestrisið fólk. Manni er alls staðar
svo vel tekið. Og svo er auðvitað
bara gaman að ferðast þarna um.“
„Og maður er alltaf að sjá nýja
hluti,“ bætir Ragnheiður við. „Við
höfum aldrei farið til Grikklands án
þess að hafa séð eða upplifað eitt-
hvað nýtt eða öðruvísi. Og möguleik-
arnir eru endalausir og hægt að
finna eitthvað við allra hæfi. Gríski
maturinn er náttúrlega alveg
dásamlegur. Ferskleikinn er svo
mikill og eins gæðin. Svo eru Grikk-
irnir bara svo einstakir,“ segir
Ragnheiður.
Magnús og fjölskylda gistu hjá
grískum vinum sínum. „Við erum
auðvitað svo einstaklega heppin að
eiga þessa góðu vini, sem eru eig-
inlega bara fjölskyldan okkar, enda
hefur Magnús þekkt þau frá því
hann var lítill strákur,“ segir Ragn-
heiður. Fjölskyldan dvaldi meðal
annars í Vouliagmeni, sem Magnús
segir vera vinsælan dvalarstað
Grikkja á sumrin. „Þeir flýja hitann
og mengunina úr miðborg Aþenu og
dvelja þá þarna en svo tæmist stað-
urinn á veturna þegar fólk flytur aft-
ur inn í borgina,“ segir Magnús.
„Annars fórum við víða, skoðuðum
margt, fórum mikið á ströndina, í
útibíó og á hina ýmsu matsölustaði,“
segir Ragnheiður. Síðan fórum við
inn í Aþenu og fórum meðal annars á
Akrópólis.“ Ragnheiður segir það
alltaf vera jafn magnaða upplifun,
jafnvel þótt þau hafi komið oft áður á
Akrópólis.
„Svo fórum við til dæmis til Me-
teora, en þangað höfðum við ekki
komið áður. Við vorum búin að
heyra mikið um þennan stað en
þetta var til dæmis einn af uppá-
haldsstöðum pabba hans Magnúsar í
Grikklandi,“ segir Ragnheiður.
Þingvellir þeirra Grikkja
Fjölskyldan fór einnig til Delfí, sem
Magnús segir að sé einn frægasti
Ljósmyndir/Úr einkasafni
Magnús og Ragnheiður
ásamt börnum sínum,
Guðrúnu Elenu og Sig-
urði Mar, í Parthenon.
Sama hvar þú
stingur niður skóflu
Grikkland er eitt elsta menningarríki heims en þar hefur verið búseta í þús-
undir ára. Landið hefur upp á margt að bjóða fyrir ferðalanga, hvort sem
þeir eru áhugamenn um sögu, matgæðingar eða þyrstir í sól.
Guðrún Óla Jónsdóttir gudruno@mbl.is
Magnús og Ragnheiður hafa komið
margoft til Grikklands en segjast
upplifa eitthvað nýtt eða öðruvísi í
hverri heimsókn. Þau segja Grikk-
ina einstaklega gestrisna, matinn
dásamlegan og fjölbreytnina mikla.
Allir ættu því að geta fundið eitt-
hvað við sitt hæfi í Grikklandi.
FERÐALÖG Það er erfitt að spyrja Grikkina til vegar. Þeir segjanefnilega aldrei ég veit það ekki. Það er viss áhætta
sem þú tekur ef þú spyrð Grikki til vegar.
Leiðarlýsing er áhætta
28 MORGUNBLAÐIÐ SUNNUDAGUR 22.7. 2018
Daglegir hádegis-
tónleikar í Eldborg.
21. júní –6. ágúst.
harpa.is/rvkclassics
Tónlistar- og ráðstefnuhúsið í Reykjavík