Morgunblaðið - Sunnudagur - 22.07.2018, Blaðsíða 36

Nýlega hélt starfslið Game ofThrones stjörnum prýttlokahóf í Belfast til að
fagna lokatökum á áttundu og síð-
ustu seríu þáttanna, sem fer í loftið á
næsta ári. Þættirnir hófu göngu sína
fyrir um átta árum og urðu fljótt
mjög vinsælir, en margbrotin vélráð
í stjórnmálalandslagi lénsskipulags-
ins í bland við tölvugerða dreka og
grófar kynlífssenur eru skotheld
uppskrift að góðu sjónvarpi. Í dag
bíða tugir milljóna spenntir eftir
lokaseríunni, en þættirnir munu
skilja eftir stórt skarð í sjónvarps-
dagskránni.
Umgjörð á kostnað
innihalds
Þegar þættirnir hófu göngu sína á
sjónvarpsstöðinni HBO árið 2011
kostaði hver þáttur um sex milljónir
Bandaríkjadala, sem var metn-
aðarfullt enda voru þeir með dýrari
þáttum sem framleiddir höfðu verið.
Í dag er framleiðslukostnaður hvers
þáttar um fimmtán milljónir Banda-
ríkjadala, sem setur þættina í sér-
flokk hvað varðar framleiðslukostn-
að.
Þrátt fyrir að lénsdramað sé nú
vinsælla og dýrara en nokkru sinni
hafa dómar gagnrýnenda og áhorf-
enda orðið harðari í síðustu tveimur
seríum. Helsta gagnrýnin er á hand-
rit þáttanna, sem er ekki talið jafn-
gott og áður. Það er kannski ekki
skrítið, þar sem ekki er lengur hægt
að sækja efniviðinn í bækurnar sem
þættirnir byggja á. George R.R.
Martin, höfundur bókanna, hóf að
skrifa söguna fyrir um þrjátíu árum
en hann hefur ekki gefið út nýja bók
í röðinni síðan þættirnir hófu göngu
sína. Sumir telja hann búinn að
skrifa sig út í horn þar sem bæk-
urnar eru mjög flóknar, en aðrir
telja hann hafa misst áhuga á sög-
unni. Þættirnir áttu í upphafi að
vera aðlögun bókanna að sjónvarpi
og áttu höfundar þeirra ekki von á
því að þurfa að skrifa eða móta sögu
þeirra sjálfir þó að Martin hafi sagt
þeim í grófum dráttum hvernig sög-
unni hans ljúki. Í síðustu tveimur
seríum tóku þættirnir fram úr bók-
unum sökum afkastaleysis Martin
og er ljóst að þættirnir munu ljúka
sögunni áður en hann fær tækifæri
til þess. Margir lesendur eru svart-
sýnir á að Martin hafi tíma eða
áhuga á að ljúka verkinu, en hann
verður sjötugur á árinu.
Út í geim
Aðdáendur stólaleiksins þurfa þó
ekki að syrgja strax, því að tökur á
nýjum þáttum sem eiga sér stað í
sama sagnaheimi hefjast í haust.
Nýja þáttaröðin verður forleikur og
sögusviðið verður þúsundum ára
fyrir sögu Game of Thrones. Þætt-
irnir munu byggja á bókum Martins
en ekki er víst hversu mikla aðkomu
hann mun hafa að þeim.
Einnig er von á meira sjónvarpi úr
smiðju Martins, en þáttaröðin
Nightflyers er vísindaskáldskapur
sem kemur út síðar á árinu og er
byggð á sögu Martins frá 1980.
Það á síðan eftir að koma í ljós
hvort áhorfendur eru tilbúnir að
klæða sig úr brynjunni og í geim-
búninginn.
Bráðum kemur í
ljós hver endar á
Járnsætinu.
Krúnuleikar klárast
Tökum er lokið á sjónvarpsþáttunum Game of Thrones sem hófu göngu sína fyrir sjö árum. Þættirnir
eru þeir dýrustu í sögu sjónvarps en nú þegar er verið að undirbúa efni til að fylla í skarðið.
Arnar Tómas Valgeirsson arnart@mbl.is
Sansa Stark er leikin af Sophie Turner, sem hefur líkt og aðrir barnaleikarar
þáttanna hækkað talsvert í loftinu síðan fyrsta sería hófst.
36 MORGUNBLAÐIÐ SUNNUDAGUR 22.7. 2018
LESBÓK
SJÓNVARP Aðdáendur Breaking Bad gætu átt von á
að sjá tvíeykið Walter White og Jesse Pinkman á skján-
um á ný í fjórðu seríu af Better Call Saul. Þættirnir eru
afsprengi Breaking Bad en í væntanlegri seríu munu
tímalínur þáttanna skarast í fyrsta skipti. Höfundur
þáttanna tveggja, Vince Gilligan, hefur áður sagt að
sig langi að finna leið til að fá Bryan Cranston og Aar-
on Paul til að endurtaka hlutverk sín sem White og
Pinkman og kann þetta að vera lausnin. Fimm ár eru
liðin síðan Breaking Bad luku margverðlaunaðri
göngu sinni, en Better Call Saul hafa síðan 2015 forðað
aðdáendum frá verstu fráhvarfseinkennunum. Þeir
segja frá lögfræðingnum Saul Goodman sem kom
ásamt fleiri persónum þáttanna fyrir í Breaking Bad. Bryan Cranston lék Walter White.
Valtar White aftur á skjáinn?
KVIKMYNDIR Galdramaðurinn Albus
Dumbledore er samkynhneigður þótt kyn-
hneigð hans verði ekki í brennidepli í Fantastic
Beasts: The Crimes of Grindelwald. Þetta segir
Jude Law sem fer með hlutverk skólameist-
arans í Hogwarts-skóla á sínum yngri árum í
myndinni sem gerist í Harry Potter-heiminum.
JK Rowling, höfundur Harry Potter-bókanna,
sagði árið 2007 að Dumbledore væri samkyn-
hneigður. Fyrr á árinu olli leikstjóri mynd-
arinnar fjaðrafoki hjá Harry Potter-aðdáend-
um þegar hann sagði að Dumbledore yrði ekki
opinberlega samkynhneigður í myndinni, en
Law hefur nú skýrt málið nánar.
Kynhneigðin aukaatriði
Jude Law leikur ungan Albus Dumbledore.
Breska leikkonan Kate Winslet.
Kyrrt hjarta
KVIKMYNDIR Roger Mitchell
mun leikstýra bandarískri end-
urgerð af dönsku kvikmyndinni
Stille hjerte. Endurgerðin ber
heitið Blackbird og mun skarta
stórum stjörnum á borð við Diane
Keaton og Óskarsverðlaunahafann
Kate Winslet. Upprunalega mynd-
in, í leikstjórn Bille August,
fjallaði um móður sem sækist eftir
stuðningi fjölskyldu sinnar til líkn-
ardráps sökum ólæknandi sjúk-
dóms sem hún glímir við.
FÓTBOLTI Axel
Tuanzebe, leik-
maður Man-
chester United,
komst nýlega í
heimsmetabók
Guinness. Afrek-
ið tengist þó
ekki fótbolta, en
hann kláraði
leik af borðspilinu Hungry
Hungry Hippos á rúmlega sautján
sekúndum og setti þar með heims-
met. Metið setti hann í Banda-
ríkjaferð félagsins en Tuanzebe er
sérfræðingur í spilinu sem felst í
að gefa glorsoltnum flóðhesti spil-
arans eins mikið af kúlum að éta
og unnt er.
Flóðhestamet
Axel Tuanzebe
TÓNLIST Guns N’ Roses er fyrsta
hljómsveitin til að fá yfir milljarð
áhorfa á Youtube á tónlistar-
myndband frá tuttugustu öldinni.
Lagið sem um ræðir er sígildi slag-
arinn November Rain sem á þó
langt í land með að ná nýlegri dæg-
ursmellum á borð við Despacito og
Gangnam Style sem fengið hafa
fleiri milljarða áhorf.
Guns N’Roses svalir að vanda.
Sígild rigning