Morgunblaðið - 02.08.2018, Side 14

14 MORGUNBLAÐIÐ FIMMTUDAGUR 2. ÁGÚST 2018FÓLK
SPROTAR
Orf líftækni Hildur Friðriksdóttir hefur tekið við starfi
verkefnastjóra í textagerð og prófarkalestri hjá Orf líf-
tækni og dótturfélaginu Bioeffect. Hún mun sjá um mót-
un á textastefnu Bioeffect auk þess sem hún hefur um-
sjón með textagerð fyrir Bioeffect-húðvörur á hinum
ýmsu miðlum sem og fyrir umbúðir, bæklinga, auglýs-
ingar og fleira. Hildur starfaði áður sem blaðakona á tímaritinu Vikunni.
Hún er með BA-gráðu í ensku og viðbótardiplóma í kennslufræði frá
Háskóla Íslands auk MA í blaðamennsku og fjölmiðlafræði frá Univers-
ity of Sussex.
Margrét Guðmundsdóttir hefur hafið störf sem hönn-
uður hjá fyrirtækinu, en meðal helstu verkefna hennar
eru hönnun og umbrot á umbúðum og markaðsefni fyrir
Bioeffect ásamt öðrum hönnunartengdum verkefnum.
Margrét útskrifaðist sem grafískur hönnuður frá Listahá-
skóla Íslands árið 2014 og að námi loknu starfaði hún í
útgáfudeild Birtíngs við umbrot á tímaritum útgáfufélagsins.
Ragnheiður Sylvía Kjartansdóttir hefur tekið við starfi
sölu- og þjónustufulltrúa. Hún mun halda utan um er-
lendar pantanir og vöruflæðisstjórnun auk ýmissa ann-
arra verkefna á vissum erlendum mörkuðum. Ragnheið-
ur Sylvía starfaði áður hjá Íslandsstofu sem
verkefnastjóri á sviði ferðaþjónustu og skapandi greina
sem aðaltengiliður við Bretland og Norðurlöndin. Ragnheiður Sylvía er
með MS-gráðu í Hagnýtri menningarmiðlun frá Háskóla Íslands og BA-
gráðu í HHS, heimspeki, hagfræði og stjórnmálafræði, frá Háskólanum
á Bifröst.
Yara Polana hefur verið ráðin til starfa sem vefhönn-
uður. Hún hefur yfirumsjón með hönnun og þróun vef-
síðna fyrirtækisins og annarra tengdra verkefna. Yara
hefur ríflega tíu ára reynslu í framendaforritun og vöru-
hönnun. Hún hefur starfað á Íslandi í fimm ár, hjá fyr-
irtækjum á borð við Netgíró, Aktiva og Bland.
Nýtt starfsfólk til Orf líftækni og Bioeffect
VISTASKIPTI
Óhætt er að kalla Albert Colls stórhuga því
hann dreymir um að umbylta fjarskiptamark-
aðinum. Fyrirtæki hans UnifyMe, tekur þátt í
Startup Reykjavík í sumar og segir Albert að
Ísland hafi orðið fyrir valinu því hann sá fyrir
sér að hér gæti hann fundið ágætis brú frá
heimalandi sínu Spáni inn á Bandaríkjamarkað.
Albert segist hafa rekið sig á að spænskir fjár-
festar séu hikandi við að taka þá áhættu sem
þarf: „Þeir segjast vilja styðja við bakið á fyr-
irtækjum sem munu snúa markaðinum á haus,
en þegar á hólminn er komið vilja þeir samt
fyrst fá að sjá einhvern sem hefur náð árangri
með því að gera nákvæmlega það sama. En það
er jú vandinn við það að vilja umbylta mark-
aðinum að eðli málsins samkvæmt eru ekki önn-
ur fyrirtæki að gera það sama.“
Í stuttu máli má lýsa lausn UnifyMe
(www.unifyme.io) sem einni allsherjar sam-
skiptagátt. UnifyMe er ætlað smáum og með-
alstórum fyrirtækjum og sameinar á einum stað
ólíka samskiptamáta, s.s. hefðbundin símtöl,
myndsímtöl og skeyti. Albert segir það ein-
kenna samskipti fólks í dag að þau fara fram á
mörgum stöðum, og samtöl færast jafnvel á
milli ólíkra miðla: t.d. frá símtali yfir í spjall-
forrit, og þaðan yfir í tölvupóst. „UnifyMe er
n.k. svissneskur vasahnífur fyrir samskipti þar
sem notandinn hefur eina gátt með mörgum tól-
um fyrir öll sín samtöl og getur haldið betur ut-
an um þau,“ útskýrir Albert og bætir við að í
framtíðinni muni UnifyMe í m.a. veita að gang
að samskiptaforritum eins og Facebook Mes-
senger, Slack og Whatsapp samhliða því að
leyfa notendum að hringja símtöl hvert á land
sem er.
Fyrirtæki þurfa að geta notað alla sam-
skiptamáta enda eru viðskiptavinirnir ekki
bundnir við síma og tölvupóst. Albert bendir á
að þær breytingar sem orðið hafa á samskiptum
fólks sjáist hvað skýrast á unga fólkinu sem er
oft tamara að nota forrit eins og Whatsapp en
hefðbundinn landlínusíma. „Fyrir ungt fólk af
þúsaldarkynslóðinni er það framandi tilhugsun
að hringja í gegnum venjulegan plastsíma, sem
tengdur er við snúru, frekar en að opna forrit í
snjallsímanum sínum og hringja þannig í vini
eða senda skeyti.“
Að sögn Alberts hafa ýmis fyrirtæki reynt að
bjóða upp á heildstæða samskiptalausn en ekki
átt erindi sem erfiði. „Ég setti á sínum tíma á
laggirnar mitt eigið fjarskiptafyrirtæki Nectar
(www.nectarcompany.com) til að mæta fjar-
skiptaþörfum fyrirtækja á Spáni og spratt sá
rekstur upp úr því að hafa m.a. verið umboðs-
aðili fyrir samskiptalausn Microsoft, eftir að
hafa þurft að sitja undir því í eitt ár að taka við
kvörtunum óánægðra notenda.“
Fá bara eitt tækifæri
í Bandaríkjunum
UnifyMe er þegar komið nokkuð vel á veg.
Að baki sprotanum er sjö manna hópur og hefur
Albert raðað í kringum sig fólki sem býr að mik-
illi þekkingu og reynslu úr hugbúnaðar- og fjar-
skiptageiranum. Teymið hefur lagt samtals um
250.000 evrur í að koma fyrirtækinu á laggirnar
og í kringum 2.500 notendur eru að prófa hug-
búnaðinn. „Stefnan er sett á Bandaríkjamarkað
en þar fáum við aðeins eitt tækifæri og við verð-
um að vera með skothelda vöru þegar þangað er
komið. Ef varan virkar ekki eins og til er ætlast
frá fyrsta degi, þá er vörumerkið búið að vera.
Sá hugbúnaður sem við erum núna að prófa er
vissulega ekki með fallegt notendaviðmót en er
að virka eins og til var ætlast og ætti fyrsta full-
smíðaða útgáfa UnifyMe að fara í loftið í lok
þessa árs.“
Áætlað er að greiða þurfi 6.99 dala áskrift-
argjald fyrir hvern notanda UnifyMe og segir
Albert að hugbúnaðurinn sé þannig úr garði
gerður að ekki þurfi tæknimann til að stilla
kerfinu upp. „Inni í hugbúnaði UnifyMe er
símsvörunarforrit sem getur beint símtölum
hvert sem viðskiptavinurinn óskar, og notendur
UnifyMe geta verið með sitt eigið beina síma-
númer í 200 löndum ef því er að skipta. Yfir-
menn hafa síðan aðgang að handhægu stjórn-
borði fyrir allan vinnustaðinn. Við bjóðum upp á
kerfi sem getur komið alfarið í staðinn fyrir
gömlu símkerfin sem fyrirtæki hafa notað hing-
að til og þarf ekki meira til en nettengingu.“
Vonast Albert til að á næstu fimm árum verði
ekki færri en 10.000 smá og meðalstór fyrirtæki
farin að nota UnifyMe. „Við leitum um þessar
mundir að fjárfestum sem vilja leggja u.þ.b. 2,5
milljónir dala í að gera þennan vöxt að veru-
leika, en ef fimm ára markmið okkar næst þá
ættu árlegar tekjur UnifyMe að vera orðnar í
kringum 40 milljónir dala. Það sem meira er þá
er hugbúnaðurinn þannig hannaður að UnifyMe
getur vaxið án þess að við þurfum að kosta
miklu til við að stækka yfirbygginguna og er
kerfið t.d. ekki háð því að við fjárfestum í dýrum
gagnaverum sem beina símtölum og skeytum á
milli staða.“
Morgunblaðið/Hari
„Fyrir ungt fólk af þúsaldarkynslóðinni er það framandi tilhugsun að hringja í gegnum venjuleg-
an plastsíma,“ segir Albert um breytta samskiptahegðun. Fyrirtæki þurfa að laga sig að þessu.
Ein gátt fyrir öll samskipti
Ásgeir Ingvarsson
ai@mbl.is
Sprotafyrirtækið UnifyMe þróar
lausn fyrir smá og meðalstór fyrir-
tæki til að halda utan um samtöl
hvort sem þau fara fram í gegnum
síma eða spjallforrit.