Þróttur - 20.12.1922, Page 20

98
ÞRÓTTUR
ÞRÓTTUR
MÁNAÐARRIT UM
ÍÞRÓTTIR OG LÍKAMSMENNING
ÚTGEFANDI:
ÍÞRÓTTAFÉLAG REYKJAVÍKUR
Verð 5 krónur iyrir árið, 10 blöð,
greiðist fyrirfram. Allar fjárgreiðsl-
ur stílist til afgreiðslu blaðsins,
pósthólf 545, Reykjavík, einnig öll
bréf um sending þess til kaupenda.
Greinar til birtingar í blaðinu skulu
naoona sendar ritstjóra. oooooa
RITSTJÓRI: BJORN ÓLAFSSON
Fimm ár
eru nú síöan þróttur kom út fyrst og
fór að tala máli íþróttamanna. SíSan hefir
á hverju ári aukist tala þeirra sem hafa
lesið hann, svo að nú munu fleiri sjá hann
en nokkurt annað mánaðarrit íslenzkt.
Þróttur hefir átt miklum vinsældum aS
fagna og sýnir þaö að stefna og málefni
íþróttamanna er ekki alstaðar illa séö.
Þótt árangurinn af starfi blaösins þessi ár,
megi hvorki telja nje vega, þá hygg eg að
ekki hafi veriö unnið fyrir gíg. Tþrótta-
stefnan er enn svo skamt á veg komin hér
á landi að það starf sem mx er int af hendi
fer til þess að undirbúa jarðveginn. Og
fyrr en það er gert verður ekki uppskorið,
enginn glæsilegur árangur eða stórfeld um-
skifti.
J>að kemur hægt, svo að enginn tekur _
eftir, vex eins og grasið. Þegar íþróttirnar
eru orðnar einn þáttur í hinu daglega lífi
þjóðarinnar, þá veröur gleymt það erfiði,
sem nri hefir verið lagt þeim til gengis, en
gott málefni er eins og huldufólkið, það
borgar fyrir sig.
þróttur mun næsta ár halda áfram til
sömu áttar og hingað til. Stefna blaðsins
er að styðja að aukinni líkamsmenningu í
landinu. Þeirri stefnu mun það fylgja á
líkan veg og áður, þótt það komist í nýjar
hendur á næsta ári. En eg læt af ritstjórn
þess með þessu blaöi.
Björn Ólafsson.
Vantar í erindisbrjefið.
Hr. ritstjóri: — Eg hefi jafnan þótt
nokkuð „konservativur", en oft kemur það
fyrir að þeir sem svo eru, séu á sumum
sviðum frjálslyndari en þeir frjálslynd-
ustu af þeim frjálslyndu. Ekki alls fyrir
löngu var bréf í Þrótti um það, að prestar
ættu að prédika um íþróttir, hreinlæti og
heilsufræði af stólnum einu sinni í mánuði.
Eg verð að segja að mér finst hugmyndin
þess verð að henni sé haldið á loft. Sum-
um kann ef til vill að finnast að með þessu
sé verið að draga úr alvöru og helgisvip
preststarfsins. Öðru nær. Þeir mundu með
því frekar starfa í anda Páls postula. En
hér er verk fyrir fleiri. Hér er líka verk
fyrir læknana. peir ættu að gera meira að
því en þeir gera nú, að brýna fyrir fólkinu
iðkan heilsuSamlegra íþrótta, hreinlæti og
vatnsnotkun, ekki aðeins,,innvortis“ heldur
og „útvortis“. Fólkið tekur meira mark á
orðum læknanna í þessu efni en flestra
annara og því ætti það að vera þeirra
skylda að bera þetta mál fyrir brjósti og
hrinda því fram. Það virðist óneitanlega
vanta tilfinnanlega í erindisbréf þessara
tveggja embættisstétta landsins, presta og
lækna, að fræða fólkið um þetta málefni
sem nefnt hefir verið. Þeir standa bezt að
vígi að gera það og það er engu minni
nauðsyn en þau störf sem þeir hafa nú með
höndum. Old Boy,