Gerðir kirkjuþings - 01.01.2016, Side 26

26 27
Önnur mál
Á (2)41. fundi er vitnað til ályktunar kirkjuþings og skipað í starfshópa kirkjuráðs.
Þá er vísað í ályktun kirkjuþings og skipað í þriggja manna starfshóp í tengslum við
stefnumörkun þjóðkirkjunnar um eignir og eignastýringu. Þá var bókað að lögð hafi verið
fram sáttatillaga úrskurðarnefndar þjóðkirkjunnar í fimm liðum til málsaðila í máli nr.
1/2015. Kirkjuráð samþykkti fjóra fyrstu liði sáttatillögunnar. Þá er ákveðið að áfrýja máli
númer E-69/2014 í héraðsdómi Vesturlands, til Hæstaréttar. Að lokum er lagt fram bréf
frá Einari Karli Haraldssyni f.h. undirbúningshóps frá 6. desember sl. vegna samráðs-
og vinnufundar Alkirkjuráðsins og þátttöku í Arctic Circle ráðstefnunni 2016. Kirkjuráð
samþykkti að veita 2,5 m.kr. í verkefnið úr kirkjumálasjóði vegna ársins 2016.
Á (2)46 fundi er bókað að kirkjuráð samþykki að stofnaður verði verndarsjóður
Skálholtsdómkirkju. Formaður stjórnar Skálholtsstaðar kynnti drög að skipulagsskrá fyrir
stofnun verndarsjóðs Skálholtsdómkirkju. Á sama fundi samþykkti kirkjuráð að veita
2 m.kr. úr kirkjumálasjóði til viðræðunefndar kirkjunnar vegna fjársamskipta ríkis og
kirkju, til sérfræðiaðstoðar. Þá var samþykkt að veita allt að 2 m.kr. úr kirkjumálasjóði til
forsætisnefndar kirkjuþings til að undirbúa tillögur að starfsreglum um biskupsstofu.
Á (2)47 fundi var bókað að niðurstaða úrskurðarnefndar í máli nr. 1/2015 hefði
verið kynnt á 246. kirkjuráðsfundi. Kirkjuráð samþykkti að áfrýja úrskurðinum til
áfrýjunarnefndar skv. 13. gr. laga um stöðu, stjórn og starfshætti þjóðkirkjunnar nr. 78/1997.
Kirkjuráð samþykkti að fela Gesti Jónssyni hrl. að fara með málið fyrir áfrýjunarnefnd.
Séra Gísli Gunnarsson óskaði að bókað yrði að hann greiddi atkvæði gegn samþykktinni
og vísar til hjásetu sinnar í fundargerð frá 9. júní 2015 lið 3. f) i. Einnig mótmælti hann
því með tölvupósti dags. 22. okt. 2015 að ráðinn yrði lögmaður (hrl.) til þess að fara með
málið fyrir hönd kirkjuráðs. Svana Helen Björnsdóttir óskaði að bókað yrði að hún sat hjá
við afgreiðslu málsins.
Á (2)50. fundi er lagt fram erindi formanns löggjafarnefndar til forseta kirkjuþings
dagsett 7. maí sl. Um er að ræða beiðni til kirkjuráðs um fjárveitingu að fjárhæð 4 m.kr.
til löggjafarnefndar vegna vinnu við gerð tillagna að starfsreglum um biskupskjör, tillagna
að starfsreglum um biskupsstofu og tillagna að starfsreglum um kirkjuráð, ásamt að vinna
áfram tillögur til nýrra þjóðkirkjulaga.
Kirkjuráð samþykkti að veita löggjafarnefnd 2 m.kr. úr kirkjumálasjóði til viðbótar
þeim 2 m.kr. sem þegar hafði verið úthlutað til forsætisnefndar vegna ofangreindrar
vinnu. Kirkjuráð mun endurskoða þá úthlutun til hækkunar í ágúst verði þörf á því.
Á (2)53. fundi er lagt fram erindi frá ábúendum Skálholtsjarðarinnar, dagsett 12. ágúst
sl. Í samræmi við álit vígslubiskups og stjórnar Skálholtsstaðar samþykkti kirkjuráð að
veita ábúendum Skálholtsjarðarinnar heimild til að veðsetja Skálholtsjörðina til kaupa á
allt að 74 þúsund lítra viðbótar mjólkurkvóta.
Á (2)56. fundi var lagt fram erindi skólaráðs Skálholtsskóla varðandi auglýsingu
rektorsstöðu og ályktaði kirkjuráð að ekki væri tímabært að svo stöddu að auglýsa stöðuna.