Gerðir kirkjuþings - 01.01.2016, Page 28

28 29
Nefndarálit allsherjarnefndar um skýrslu kirkjuráðs.
Allsherjarnefnd 2016 hefur fjallað um skýrslu kirkjuráðs og fylgigögn með henni ásamt
ávörpum og ræðum við upphaf kirkjuþings.
Nefndin þakkar ávarp Magnúsar E. Kristjánssonar, forseta kirkjuþings og þá hvatningu
sem kom fram í orðum hans og tekur undir með honum þar sem kallað er á opna
kirkju á nýjum og breyttum tímum. Nefndin tekur undir að ,,okkar hlutverk er að setja
kirkjustarfinu ramma sem stuðlar að góðu og öflugu starfi hjá sóknum kirkjunnar um allt
land. Þar fer hið mikilvæga starf fram. Okkar er að hlúa að því og hlusta á fólkið sem þar
sinnir safnaðarstarfi“.
Í setningarræðu biskups, Agnesar M.Sigurðardóttur kom eftirfarandi fram:
„Þjóðkirkjan er kirkja sem hefur þéttriðið net út um allt land og þjónar fólki
í nærsamfélaginu. Boðar ekki aðeins í orði heldur einnig í verki. Það er kirkja sem er
samhljóma þó raddirnar séu margar“. Í ávarpi sínu ræddi hún einnig um siðbótarafmælið
og einingu kristinna manna þar sem kirkjudeildirnar hafi einingu að leiðarljósi en ekki
það sem skilur að.
Allsherjarnefnd þakkar skýrslu kirkjuráðs. Í henni eru tíundaðar niðurstöður helstu
mála ráðsins og er það vel. Nefndin leggur til að málið verði samþykkt með ályktun á þskj.
39.