Gerðir kirkjuþings - 01.01.2016, Blaðsíða 39

39
3. mál kirkjuþings 2016
Skýrslur nefnda
Verkefni Þjóðmálanefndar 2016
Þær breytingar urðu á Þjóðmálanefnd á árinu að sr. Kristín Þórunn Tómasdóttir, formaður
nefndarinnar, lét af störfum vegna búferlaflutninga og sr. Guðný Hallgrímsdóttir af
persónulegum ástæðum. Sæti þeirra í nefndinni tóku varamennirnir sr. Magnús Erlingsson
og Aðalbjörg Helgadóttir. Þá var samþykkt að Óskar Magnússon tæki við formennsku
og forseta kirkjuþings tilkynnt um hina breyttu skipan með tillögu um að forsætisnefnd
leggi til að kirkjuþing staðfesti hana. Auk framangreindra sitja í nefndinni sr. Gunnlaugur
Stefánsson og Ásbjörn Jónsson.
Nefndin hélt þrjá formlega fundi á árinu en auk þess áttu nefndarmenn ýmis óformleg
samskipti og báru saman bækur sínar um greinaskrif og viðbrögð við þjóðmálaumræðu.
Nefndin ræddi á fundum sínum um áherslur og viðfangsefnið nefndarinnar næstu
misseri. Nefndin telur að meginverkefni hennar sé að vera skjöldur kirkjunnar í umræðum
um kirkjuna og málefni hennar, að vinna með erindi sem til nefndarinnar er vísað, bregðast
við rangfærslum og ómaklegum áróðri gegn trú og kirkju auk þess að hafa frumkvæði að
skoðun málefna og umræðu sem til heilla horfa fyrir þjóðkirkjuna.
Í kjölfar umræðna á vettvangi nefndarinnar hefur formaður átt samtöl við biskup
og forseta kirkjuþings um aðkomu nefndarinnar að samskipta- og kynningarmálum
kirkjunnar. Nefndin lýsir yfir við kirkjuþing, þeim vilja sínum til að gegna því hlutverki að
koma þeim málum í traustan farveg og tryggja að öflug forysta verði um framgang þessara
mikilvægu mála.
Rætt hefur verið um að Þjóðmálanefnd standi fyrir málþingi um þjóðkirkjuna, stöðu
hennar gagnvart ríkisvaldinu með áherslu á framlag kirkjunnar til menningar og sálgæslu.
Kirkjuþing afgreiddi skýrslu Þjóðmálanefndar með eftirfarandi
þingsályktun:
Kirkjuþing 2016 þakkar öflugt starf þjóðmálanefndar. Jafnframt er minnt á kynjajafnrétti
í nefndum á vegum þjóðkirkjunnar.
Mikilvægt er að nefndin standi fyrir málþingum og umræðu um kirkju, kristna trú í
samfélaginu og þjóðmálaumræðu með kristin gildi að leiðarljósi.