Jökull - 01.12.2006, Blaðsíða 90

Oddur Sigurðsson
1. mynd. Merki við Blágnípujökul 8. október 2005. Mælilínan liggur yfir lónið (hér íslagt) að strýtulaga hólum
við jökuljaðar. Í hlíðum Blágnípu (ofarlega til vinstri) sést marka fyrir hve hátt jökullinn hefur náð í hlíðina.
–Survey site at Blágnípujökull. Ljósm./Photo: Guðmundur Ingi Haraldsson.
sporðabreytingar annars vegar og sumarhita hins veg-
ar (2. mynd). Til að línuritið verði ekki of ruglings-
legt hentar að jafna gögnin með hlaupandi meðaltali
og eru hér valin 5 ár til jöfnunar. Línuritið talar sínu
máli um hve náin tengsl eru milli sumarhita á land-
inu (hér valinn Stykkishólmur) og árlegra breytinga á
sporði Sólheimajökuls. Vekur það nánast undrun hve
náið línuritin fylgjast að.
Öldufellsjökull – Gissur Jóhannesson á Herjólfsstöð-
um hefur nú látið af embætti jöklamælingamanns og
tekur sonur hans Jóhannes við starfinu. Gissur er
kunnur áhugamaður um land og sögu í Álftaveri enda
verður ekki víða í heimi hér fundin svo magnað land
með svo stórbrotna sögu. Gissuri eru þökkuð störf
hans í þágu Jöklarannsóknafélagsins.
VATNAJÖKULL
Skeiðarárjökull vestur – Filippus Hannesson á Núps-
stað taldi Súluhlaup í sumar vera það stærsta sem hann
hafi orðið vitni að síðan Núpsvatnabrúin kom. Það fór
þó að nokkru leyti í Gígjukvísl. Vísir að lóni er að
myndast við jökuljaðarinn.
Skeiðarárjökull miðja – Öllu landi snarhallar hér inn
að jöklinum. Mælistikulínan er nú fyrir framan all-
stórt lón. Hannes Jónsson þurfti því að giska á hluta
af fjarlægðinni milli merkis og jökuls.
Skeiðarárjökull austur – Allt bendir til að vatn sem
áður fór í Sæluhússvatn leiti nú vestur í Gígjukvísl
segir Ragnar F. Kristjánsson. Með jaðrinum eru víða
lón, sem stækka ár frá ári og á þeim fljóta ísjakar líkt
og var á Jökulsárlóni á Breiðamerkursandi um miðja
88 JÖKULL No. 56, 2006