Breiðfirðingur - 01.04.1988, Qupperneq 17

BREIÐFIRÐINGUR
15
fundarsköp og fundarreglur og glöggvuðu sig á málefnum
líðandi stundar, auk þess sem efni fornsagna og annars efnis
voru gerð skil. Dæmi um málefni á fundum er eftirfarandi:
Framtíð sveitanna
Kjarnorkan
Kvikmyndir og gildi þeirra
Er til annað líf?
Uppeldisáhrif sveita og bæja
Hvað er menntun?
Brynjólfur biskup Sveinsson og Ragnheiður dóttir hans
Áfengismálin
Stjórnmálin og þjóðin
Laxdæla - Bolli og Kjartan
Félagsskapur og félagshyggja o.fl.
Ekki sjást nöfn nema þriggja kvenna í félagaskrám. Af
þeim voru svo lengi áberandi í forystu deildarinnar, þær Sig-
ríður Húnfjörð og Sigríður Þorláksdóttir.
Hiti var oft í umræðum eins og vera bar og líf og fjör á
fundum. Mál voru sótt og varin af einbeitni og hörku.
Til að bregða upp mynd af starfi deildarinnar er eftirfar-
andi tekið úr einni fundargjörð. Pað var á síðasta fundi
vetrarins 1949-1950 en þá var Sigríður Þorláksdóttir for-
maður en Jón Kr. Þorsteinsson ritari fundarins. Mættir voru
8 félagar. Fundurinn var haldinn í Breiðfirðingabúð.
Umræðuefni var stjórnmálin og þjóðin. Að loknum
umræðum um þetta málefni stóð Sigríður formaður upp og
bar þá ósk fram við fundarritara að hann felldi meginefni
umræðna í bundið mál. Varð ritari við beiðni þessari. Að
svo búnu sieit formaður fundi en bauð svo öllum fundar-
mönnum til kaffidrykkju á heimili sínu og skyldi þá hin bók-
aða fundargjörð lesin - að hluta í bundnu máli. Fer hluti
bókunar ritara hér á eftir:
„Til fundar var boðað af formanni deildarinnar
og fundur var haldinn í Búðinni’ á mánudagskvöld.
Á fundinum mættu 8 konur og innar
og öll þau töluðu’ um landsmál og stjórnarvöld.