Breiðfirðingur - 01.04.1988, Page 24

22
BREIÐFIRÐINGUR
gerðum hrakhólum með húsnæði í nokkur ár, en hefur nú
tryggt sér varanlegan samastað í húsakynnum Bridssam-
bands íslands, við Sigtún. Árið 1961 gerðist félagið aðili að
Bridssambandi íslands og efldist starfsemin við það um allan
helming. Síðan hafa fleiri eða færri félagar tekið þátt í
flestum opinberum mótum sambandsins.
Bridsfélag Breiðfirðinga hefur ekki verið talið til stærri
spámannanna í bridsheiminum til þessa, enda hygg ég að
enginn, sem stóð að stofnun þess hafi gert það með því
hugarfari að afla sér þar frægðar og frama við spilaborðið.
Megintilgangurinn var hins vegar sá að gleðjast á góðra vina
fundi og njóta ánægjunnar af drengilegri keppni í skemmti-
legri íþrótt. Aftur á móti hefur félagið fengið á sig orð fyrir
samheldni og sérlega góðan félagsanda. Spilaþátttakan
hefur aukist jafnt og þétt og hefur félagið verið eitt af fjöl-
mennustu bridsfélögum landsins undanfarin ár. Þegar þetta
er ritað er nýlokið sveitakeppni tuttugu og tveggja sveita og
í barometerkeppni, sem nú stendur yfir, er þátttakan 64 pör.
Nú hafa málin snúist á þann veg að í þessari upphaflega
albreiðfirsku bridsdeild eru raunverulegir Breiðfirðingar
orðnir fáliðaðir. Aðild er öllum heimil og tengslin við Breið-
firðingfélagið ekki lengur nein önnur en nafnið eitt. Engu að
síður á stjórn Breiðfirðingafélagsins þakkir skildar fyrir að
eiga frumkvæðið að stofnun Bridsfélags Breiðfirðinga, sem
heldur ennþá áfram að vaxa og dafna þrátt fyrir 38 ára aldur-
inn.