Breiðfirðingur - 01.04.1988, Page 48

46
BREIÐFIRÐINGUR
Jón Sigtryggsson, fyrrv. form. og
stjórnarmaður.
Dalina og ekki síður áreiðanleg heimild um náttúru þeirra,
sögu og menningu. Hugmyndin um útgáfuna fékk þegar
ágætar undirtektir og var einróma samþykkt að hrinda henni
í framkvæmd. Jafnframt var samþykkt að kjósa þriggja
manna nefnd til þess að annast undirbúning og framkvæmdir
fyrir hönd félagsins.
í nefndina voru kjörnir Jón Emil Guðjónsson, sem var
formaður hennar, Guðbjörn Jakobsson og Jón Sigtryggsson.
Nefndin hófst þegar handa og kom saman á fyrsta fund sinn
skömmu síðar. Nefndarmenn voru á einu máli að vanda bæri
sem allra best undirbúning að útgáfunni. Það var skoðun
þeirra, að árangurinn færi að miklu leyti eftir honum, þegar
upp væri staðið. Eeir töldu æskilegt, að fá sögufróðan mann
til þess að mæta á fundi hjá nefndinni til þess að gefa holl ráð
um heildarskipulag verksins. Á fyrsta fundinum var einnig
rætt um hugsanlegt skipulag ritsins í megindráttum og
hölluðust menn helst að því, að aðalþættir þess þyrftu að
vera þrír:
1. Almenn saga.
2. Náttúrusaga og lýsing.
3. Bókmenntasaga.
En á fyrsta fundinum voru engar ákvarðanir teknar í þeim
efnum.