Breiðfirðingur - 01.04.1988, Síða 138

136
BREIÐFIRÐINGUR
löðrandi í blóði. Var þetta ærið höfuðhögg og talið var sér-
stök mildi að ekki leiddi til örkumla eða dauða. Samstundis
kvað við högg og öskur frá Boga Thorarensen, sem slegið
hafði með krepptum hnefa í borðið. Á því augnabliki döns-
uðu allar blekbyttur á borðinu og fékk Bogi vænar blekgusur
yfir andlit og brjóst. Hann var talinn einna hraustastur
nemenda og ætlaði nú að sýna Árna Thorlacíus í tvo heim-
ana.
í þessum svifum kom Benedikt Magnússon, hinn setti
skólastjóri, inn í stofuna, óð beint til Boga, tók utan um hann
og bað hann stilla skap sitt og reyna fyrir sín orð að láta ekki
leiða til meiri vandræða en orðin voru. Sefaðist Bogi brátt
og þeir allir nemendur, enda var nú öllum ljóst orðið að hér
var nokkur alvara á ferðum.
Guðlaug húsfreyja, kona Torfa skólastjóra, hafði alltaf
nokkur meðul og sjúkragögn undir höndum. Hún kom nú aó
í þessu, veitti Jónasi góða ummönnun og nærvera hennar
nægði ein til að allar ófriðaröldur lægði í sama vetvangi,-
Má telja fullvíst að til þessa atburðar hefði aldrei komið, ef
Torfi skólastjóri hefði sjálfur verið nærri, því svo mikla virð-
ingu og aðdáun báru allir í brjósti gagnvart honum.