Breiðfirðingur - 01.04.1988, Side 157

BREIÐFIRÐINGUR
155
Sómabátar frá Bátasmiðju Guðmundar á Alþjóðlegu sjávarútvegssýningunni
haustið 1987.
máli. Hægt er að vinna við 10 báta á ýmsum vinnslustigum.
- Frá árinu 1982 hafa bátarnir gengið undir nafninu Sóma-
bátar og mun flestum hafa reynst réttnefni, ef dæma skal
eftir útbreiðslu og vinsældum. Skemmtilegasta dæmið um
notagildi Sómabátanna er sala þeirra til Hafnar í Hornafirði
þar sem 15 bátar eru nú í notkun og nokkrir til viðbótar í
pöntun. Með komu þessara báta á Höfn var afsönnuð sú
kenning að smábátaútgerð væri dauðadæmd á staðnum og
hefur svo farið víða í kringum landið.
Guðmundur hóf smíðarnar á 6 metra löngum bátum,
Sóma 600. Síðan bættust við 7 og 8 metra langir bátar og á
s.l. sumri bættist við Sómi 900, sem er um 8 rúmlestir.
Það mun vekja athygli flestra gesta og viðskiptavina
hversu háttað er um „yfirbyggingu“ sjálfs fyrirtækisins.
Þegar sá, er hér segir frá kom á staðinn, var skrifstofa þess
til húsa í litlum timburskúr við hlið smiðjunnar. Myndi skúr
sá geta hentað sem sumarbústaður af minnstu gerð. Þar inni
var í öðrum enda borð með síma, skriftækjum og tveimur