Breiðfirðingur - 01.04.1988, Page 179

BREIÐFIRÐINGUR
177
Eggert Kristmundsson sýndi myndir og Sigrún Bárðardóttir
lék undir við fjöldasöng.
Sumarferð félagsins var farin í Pórsmörk fyrstu helgina í
júlí og voru þátttakendur alls 47. Léku veðurguðir við ferða-
langana og nutu þeir vel útivistar og náttúrufegurðar. Jóla-
trésskemmtun fyrir börn var nú felld niður. Aðsókn hefur
stöðugt farið minnkandi og nú gengu Strandamenn úr skaft-
inu, en þeir hafa verið með okkur undanfarin ár. Var þá sýnt
að grundvöllur þessara skemmtana væri brostinn.
Deildir félagsins, Kvennadeild og Bridgedeild, hafa starf-
að af krafti undanfarin ár. Tengsl þeirra við félagið eru ekki
mikil og á það einkum við um Bridgedeildina. Starfar hún
nánast óháð félaginu og munu eiginlegir Breiðfirðingar
aðeins vera hluti félagsmanna. Við þessari þróun er ekkert
að gera, síst meðan félagið er í húsnæðishraki.
Kvennadeildin er tengdari félaginu og starfar með því,
m.a. við kaffiveitingar bæði á aðalfundum og á degi aldr-
aðra. 1987 var tafldeild félagsins endurreist formlega eftir að
hafa legið í dvala um árabil. Stendur deildin nú fyrir reglu-
legum æfingum og taflmótum og sér einnig um hina árlegu
skákkeppni við Dalamenn. Var hún nú haldin vestra í
tengslum við Jörfagleði heimamanna. Þótti þeim er vestur
fóru ferðin hin besta þrátt fyrir að heimamenn sigruðu nú í
fyrsta skipti. Formaður tafldeildarinnar er Grétar Sæmunds-
son.
Um húsnœðismál
Enn hefur fátt gerst í þeim málum. Félagið hefur enn ekki
fengið úthlutað lóð þeirri er Reykjavíkurborg gaf félaginu
fyrirheit um 1985. Hefur borgin enn ekki náð samningum
við eigendur landsins. Stjórnin hefur fengið Jóhann Einars-
son arkitekt til að teikna frumdrætti að húsi á lóðinni. Ljóst
er að húsbygging er mikið fyrirtæki og líklega ofviða félag-
inu einu. Á því geta þó fundist lausnir, t.d. með sölu á hluta
hússins eða samvinnu við fleiri aðila.