Mosfellingur - 07.01.2016, Blaðsíða 19

Útnefning á íþróttakarli
og íþróttakonu
Mosfellsbæjar 2015
Íþróttakona handknattleiks-
deildar árið 2015
Ingibjörg Bergrós Jóhannesdóttir er
íþróttakona handknattleiksdeildar Aftur-
eldingar 2015. Ingibjörg Bergrós er 18
ára gömul og hefur spilað handknattleik
í mörg ár. Undanfarin þrjú ár hefur hún
æft og spilað bæði með 3. flokki og
meistaraflokki.
Á síðasta ári er hún markahæst
í 3. flokki og með þeim markahæstu
í meistaraflokki.
Ingibjörg Bergrós er einn af lykilleik-
mönnum Aftureldingar hvort heldur
er í 3. flokki eða meistaraflokki. Hún
er mikil keppnismanneskja og veit
fátt verra en að tapa. Hún er sér yngri
leikmönnum mikil fyrirmynd hvort
heldur er innan eða utan vallar og hefur
í vetur áunnið sér gott orð sem þjálfari
hjá yngri flokkum félagsins.
Ingibjörg Bergrós varð síðastliðið vor
bæði Íslandsmeistari og deildarmeistari
með meistaraflokki kvenna í 1. deild. Ingibjörg er því vel að því komin
að vera í kjöri til íþróttakonu Mosfellsbæjar árið 2015.
Ingibjörg Bergrós Jóhannesdóttir handknattleikur
Kynning á íþróttakonum sem tilnefndar eru vegna kjörs til
íþróttakonu Mosfellsbæjar 2015, og afrekum þeirra á árinu.
Karatekona
Aftureldingar 2015
Telma Rut hefur æft karate frá 9 ára
aldri hjá Aftureldingu. Árið 2009 hóf
hún æfingar með landsliðinu í Kumite.
Hún þjálfar nú nýliða- og afrekshóp
deildarinnar. Telma Rut hefur verið í
fremstu röð karatefólks hér á landi
um árabil. Hlaut þann heiður að vera
boðin þátttaka í fyrstu Evrópuleikunum
í Bakú í sumar, auk þess keppti hún á
heimsbikarmótum.
Hún er nú í 74. sæti á heimslista.
Afrek á árinu 2015:
2. sæti, kumite opinn flokkur, RIG
Reykjavík international games 2015.
1. sæti, kumite opinn flokkur, Bikarmót
1 - 2015. 1. sæti, kumite, opinn flokkur.
Bikarmót 2 - 2015. 2. sæti, kumite,
opinn flokkur Bikarmót 3 – 2015. 7.-8.
sæti, kumite -68 kg karate 1 heims-
mótaröð í Austurríki 2015. 1. sæti,
kumite -68 kg. Íslandsmeistaramót fullorðinna 2015. 1. sæti, kumite opinn flokkur,
Íslandsmeistaramót fullorðinna 2015 6. árið í röð.
Telma Rut Frímannsdóttir karate
Skotfimikonan Íris Eva Einarsdóttir
æfir með Skotfélagi Reykjavíkur
og er fædd árið 1990.
Hún var sigurvegari í öllum innanlands-
mótum í loftriffli kvenna sem haldin voru
á keppnisárinu og náði meistaraflokks-
árangri á öllum mótum sem og Ólympíu-
lágmörkum í þessari grein.
Hún fékk gullverðlaun á Reykjavíkurleik-
um sem haldnir voru í Reykjavík í janúar
2015. Vann til gullverðlauna á Smáþjóða-
leikum sem haldnir voru í Reykjavík í
sumar. Þetta voru einu gullverðlaunin
fyrir Ísland í skotíþróttinni. Varð Íslands-
og bikarmeistari árið 2015 ásamt því að
verða Reykjavíkurmeistari.
Íris er nú númer 241 á styrkleikalista
Alþjóða skotsambandsins og er fyrsta
íslenska konan til að komast á þann lista.
Á núverandi Íslandsmet sem sett var árið
2014.
Íris Eva Einarsdóttir skotfimi
Hestaíþróttakona Harðar 2015
Súsanna Katarína Sand Guðmundsdótt-
ir er 19 ára afrekskona í hestaíþróttum.
Hún er uppalin í Hestamannafélaginu
Herði og hefur aðeins keppt fyrir það
félag. Hún hefur áður verið tilnefnd til
íþróttamanns Mosfellsbæjar.
Súsanna Katarína keppti á öllum
mótum sem Hörður hélt á árinu og
einnig á öllum sterkustu mótum á
landinu. Hennar glæsilegasti árangur
varð á mjög sterku Íslandsmeistaramóti
en þar varð hún Íslandsmeistari í fimi,
í 9. sæti í gæðingaskeiði og 10. sæti í
fimmgangi.
Súsanna Katarína er frábær Harðar-
félagi. Hún tók þátt í fjölda sýninga
á vegum félagsins, fánaberi á helstu
viðburðum félagsins og starfaði mikið
sem sjálfboðaliði á vegum félagsins.
Hún er alltaf tilbúin til að starfa og taka
að sér trúnaðarstörf fyrir félagið. Veturinn 2014 – 2015 er hún formaður
mótanefndar Harðar sem er ein stærsta nefnd Harðar.
Súsanna Katarína Sand Guðmundsdóttir hestaíþróttir
KoSnInG
á www.MoS.IS