Mosfellingur - 09.01.2014, Síða 16

Útnefning á íþróttakarli og íþróttakonu
Mosfellsbæjar 2013
Kynning á íþróttafólKinu sem tilnefnt er Kosning fer fram á www.mos.is Úrslit verða tilKynnt 23. janÚar
Kosning fer fram á vef mosfellbæjar www.mos.is dagana 9. - 19.
janúar. velja skal einn karl og eina konu. Úrslit verða kynnt
fimmtudaginn 23. janúar kl. 19 í Íþróttamiðstöðinni að Varmá.
Hestaíþróttakona Harðar 2013
Súsanna Katarína er 17 ára og hún er
nánast fædd í Herði. Hún hefur sýnt
að með áhuga, frábærri ástundun og
gleði í hjarta hefur hún vaxið sem knapi
og frábær Harðarfélagi frá ári til árs
og er ein af efnilegri knöpum Harðar í
hestaíþróttinni. Hún er sannur íþrótta-
maður, félagi og leiðtogi innan vallar
sem utan og mikill vinur hestanna
sinna. Súsanna Katarína er lífleg og
tekur jákvæð þátt í félagsstarfinu. Hún
var dugleg að keppa á sl. ári og var í úr-
slitum á öllum mótum sem hún keppti
á. Hæst ber að nefna sigur í A-flokki
áhugamanna á opnu móti í Fáki, sigur
í A-flokki áhugamanna í Herði, 3. sæti
í A-flokki atvinnumanna í Sörla, úrslit
í fimmgangi á Íslandsmóti á Akureyri
og Suðurlandsmeistari í fimmgangi á
Hellu. Hún keppir einnig í óhefðbundn-
um keppnisgreinum t.d. kappreiðum,
þrautabraut og smalakeppni og var
alltaf í verðlaunasæti. Hestamannafélagið Hörður er hreykið af því að hafa svo
frábæra afrekskonu innan sinna raða.
Súsanna Katarína Guðmundsdóttir hestaíþróttakona
Íþróttakona ársins hjá
Golfklúbbnum Kili 2013
Heiða Guðnadóttir er 25 ára gömul.
Heiða hefur stundað golf frá barnsaldri
en gekk til liðs við Golfklúbbinn Kjöl
árið 2009. Heiða er dugleg við æfingar,
samviskusöm og metnaðargjarn
kylfingur.
Sumarið 2013 lék Heiða á Eimskips-
mótaröð GSÍ með ágætum árangri en
Heiða hafnaði í 5. sæti á öðru stigamót-
inu sem fram fór í Vestmannaeyjum.
Heiða var einnig lykilmaður í sveit GKj
í sveitakeppni GSÍ í kvennaflokki en
sveitin hafnaði í 5. sæti í efstu deild.
Heiða er frábær fyrirmynd fyrir yngri
kylfinga klúbbsins og hefur unnið mikið
og gott starf við eflingu stúlknastarfs
hjá klúbbnum undanfarin ár.
Heiða hefur háleit markmið og stefnir á
að gera enn betur á komandi árum.
Heiða Guðnadóttir kylfingur
Íþróttakona Aftureldingar 2013
Telma Rut hefur verið fastur meðlimur
landsliðs Íslands í kumite undanfarin
ár og tekið þátt í fjölda móta erlendis
með góðum árangri. Fremst ber að telja
árangur hennar á Norðurlandamótinu
í karate, í apríl 2013, þar sem hún
hafnaði í 3. sæti í -61 kg. flokki. Að auki
náði Telma mjög góðum árangri á Opna
Sænska meistaramótinu en þar náði
hún einnig 3. sæti. Þá keppti Telma á
Evrópumeistaramótinu í maí og komst
í aðra umferð. Telma Rut er nú í 97.
sæti á heimslista WKF yfir keppendur í
kumite kvenna í -61 kg. flokki.
Helstu afrek Telmu Rutar á árinu 2013
voru: 1. Íslandsmeistari í kumite, opn-
um flokki, 2. Íslandsmeistari í kumite,
+61kg. flokki, 3. Annað sæti Bikar-
meistaramót KAÍ 2012-2013, 4. Brons í
kumite -61kg. á Norðurlandameistara-
móti, 5. Brons í kumite -61kg. á Opna
sænska meistaramótinu, 6. Komst í 2.
umferð í kumite -61kg. á Evrópumeistaramóti. Telma Rut er verðug fyrirmynd fyrir
stúlkur í karateíþróttinni.
Telma Rut Frímannsdóttir karatekona
Íþróttakona
Motomos 2013
Brynja birtist eins og stormsveipur á
sviðið þegar hún var tólf ára gömul og
hefur síðustu tvö ár keppt í fullorðins-
flokki í MX kvenna þar sem hún keppir
við margfalda Íslandsmeistara.
Brynja Hlíf náði þeim árangri að verða
í þriðja sæti til Íslandsmeistara aðeins
fimmtán ára gömul og hefur bætt sig
mjög mikið síðustu tvö ár. Brynja hefði
getað valið að keppa í 85cc flokki þar
sem hún hefði átt Íslandsmeistaratitil
vísan en í stað þess hefur hún valið það
að keppa við þær bestu með fyrrgreind-
um árangri.
Brynja æfir mörgum sinnum í viku og
stundar meðal annars CrossFit oft í
viku í undirbúningi sínum til keppni
í greininni. Brynja Hlíf hefur verið í
MotoMos frá því að hún hóf keppni.
Brynja Hlíf Hjaltadóttir akstursíþróttakona
Bæjarbúum gefst kostur á, ásamt aðal- og varamönnum
í Íþrótta- og tómstundanefnd, að kjósa íþróttakarl og
íþróttakonu Mosfellsbæjar 2013.