Mosfellingur - 09.01.2014, Side 26

- Aðsendar greinar26
Menning hefur verið skilgreind
sem „sameiginlegur arfur (venju-
lega skapaður af mörgum kynslóð-
um) … rótgróinn háttur, siður eða
sú heild þekkingar, siðferðis, trúar
og tákna sem er undirstaða mann-
legs samfélags“.
Mosfellingar halda veglega upp á
menningar- og hátíðisdaga. Þar kemur jafn-
an saman mikill fjöldi fólks og skemmtir
sér á þessum dögum, jafnt Mosfellingar
sem aðrir. Auk þessa viðburða þá hefur
listasalurinn okkar fjölmargar listsýningar
ár hvert, og þá er ekki minnst á vinnu allra
þeirra frábæru listamanna sem hér búa.
Það má með sanni segja að Mosfellsbær sé
ríkur af menningu.
Menningarmálanefnd Mosfellsbæjar
hefur í mörg horn að líta á hverju ári, en
á borði hennar eru meðal annars málefni
Bókasafns Mosfellsbæjar, vinabæjasam-
skipti og málefni lista- og menningarsjóðs
bæjarins. Á hennar borði eru líka fastir
menningarviðburðir í bænum okkar.
Almenn þátttaka í menningarviðburð-
um hvers konar um land allt er mjög mis-
jöfn. Menningarviðburðir í Mosfellsbæ eru
margir og fjölbreyttir á hverju ári. Nokkrir
þeirra eru árlegir og þá safnast oft hundruð
ef ekki þúsundir bæjarbúa til þátttöku. Má
þar nefna t.d. bæjarhátíðina okkar, Í túninu
heima, en hún er haldin síðustu helgina í
ágúst ár hvert. Hátíðin er sannkölluð fjöl-
skylduhátíð sem stendur í þrjá daga og þar
geta allir fundið eitthvað við sitt hæfi.
Þrettándagleðin í Mosfellsbæ sem nú
er nýafstaðin er ein fjölmennasta hátíðin
sem haldin er í Mosfellsbæ á hverju ári.
Það er alltaf sérstök stemning að ganga
til brennu við undirleik skólahljómsveit-
arinnar. Stormsveitin og Birgir Haralds-
son leiddu samsönginn í ár við brennuna
á sinn stórkostlega hátt. Dagskránni lauk
síðan með stórglæsilegri flugeldasýningu
björgunarsveitarinnar Kyndils. Á síðasta
ári tók menningarmálanefnd bæjarins þá
ákvörðun að færa til dagskrá vegna þrett-
ándans til 4. janúar. Þetta var gert til þess
að gefa fjölskyldum betra rými til að eiga
saman samverustund í lok jólaamstursins
á laugardegi þegar flestir eiga frí
frá vinnu og skóla. Þessi breyting
gefur einnig okkur bæjarbúum
tækifæri á að gera meira úr þess-
um atburði, sem er einn sá fjöl-
mennasti af fjölmörgum menn-
ingarviðburðum bæjarins á hverju
ári.
Sumardagurinn fyrsti er einnig fastur lið-
ur í bæjarmenningunni. Skátafélagið Mos-
verjar hefur veg og vanda af skipulagningu
hátíðarinnar. Dagskráin er yfirleitt með
þeim hætti að safnast er saman á Miðbæj-
artorgi og gengið í skrúðgöngu að Lágafells-
skóla þar sem hátíðarhöldin fara fram. Þar
er meðal annars boðið upp á skátatívolí,
kaffisölu og menningaruppákomur.
Eins og í flestum bæjum er mikið um
dýrðir á þjóðhátíðardaginn 17. júní. Skáta-
messa er haldin í Lágafellskirkju um morg-
uninn en eftir hádegi hefst dagskrá í mið-
bænum. Safnast er saman á Miðbæjartorgi
og gengið í skrúðgöngu niður á Hlégarð-
stún þar sem hátíðardagskrá fer fram.
Fjöldi skemmtiatriða fyrir alla fjölskylduna
fer fram á sviði við Hlégarð.
Menningarvor í Mosfellsbæ er sístækk-
andi menningarviðburður í Mosfellsbæ.
Þar spilar stóran sess metnaðarfull tónlist-
ar- og menningardagskrá. Þar koma fram
mosfellskir listamenn. Tónlistarfélag Mos-
fellsbæjar ber veg og vanda af skipulagn-
ingu og framkvæmd menningarvors.
Menning er nokkuð sem við verðum ekki
södd af og viljum alltaf meira. Fólk hlust-
ar ekki endalaust á sama lagið til eilífðar,
fólk fær leið og nær sér í annað lag. Þetta
er sama málið með öll stig menningar. Söfn
skipta út sýningum, fleiri og fleiri bíómynd-
ir eru framleiddar og nýir straumar eru í
tísku og hönnun, þannig mætti lengi telja.
Um leið og við kveðjum árið 2013 vil ég
hvetja alla Mosfellinga til þátttöku í menn-
ingarviðburðum í Mosfellsbæ á árinu sem
nú er nýhafið.
Hreiðar Örn Zoëga Stefánsson, formaður
menningarmálanefndar Mosfellsbæjar
Gleðilegt menningarár 2014
Undanfarin ár hafa starfshættir
meirihlutans í bæjarstjórn Mos-
fellsbæjar endurtekið verið til um-
fjöllunar á fundum bæjarmálahóps
Samfylkingarinnar. Umræðan hef-
ur ekki komið til af góðu. Gamal-
dags vinnubrögð sem miða að því
að kæfa í fæðingu tillögur minni-
hlutans hafa, burtséð frá þýðingu
þeirra fyrir bæjarfélagið, verið allsráð-
andi.
Slík refskák hefur lengi viðgengist í ís-
lenskum stjórnmálum og á stundum hef-
ur hún haft svo sterk ítök í þeim sem hana
tefla að hagsmunir fólksins hafa orðið að
aukaatriði. Það þarf ekki að fjölyrða um
áhrifin sem refskákin hefur á innra stjórn-
málastarf. Það verður leiðinlegt, innantómt
karp um ekkert á kostnað skattgreiðenda.
Jón Gnarr notaði eftirminnilega samlíkingu
til að lýsa þessum leiðindum sem er eitt-
hvað á þessa leið: Að taka þátt í stjórnmál-
um er eins og að vera í leshring þar sem
meðlimir stagla um stafsetningu í stað þess
að ræða um lesefnið.
Verst eru áhrif leiðindanna á viðhorf
fólks til stjórnmála almennt. Stjórnmála-
stéttin er eins og hún leggur sig rúin trausti
þótt innan um sé fólk sem vinnur af hug-
sjón og vill gera samfélaginu gagn.
En hvað er til ráða? Er hægt að kenna
gömlum hundum að sitja? Mér segir svo
hugur að svo sé ekki. Sjálfstæðisflokkurinn
og Vinstri græn í Mosfellsbæ þurfa
svo um munar á endurnýjun að
halda, ekki bara til að segja skilið
við þá sem eru fastir í refskákinni,
heldur líka þá sem sætta sig við að
hún ráði för og hreyfa ekki and-
mælum þegar órétti er beitt. Í pól-
itíkina þarf vel hugsandi fólk sem
getur unnið saman óháð flokks-
skírteini að málefnum sem hafa það eina
markmið að þjóna hagsmunum íbúa. Fólk
sem hefur skilning á lýðræðinu og notar
ekki meirihlutavald til að niðurlægja póli-
tíska mótherja í minnihluta. Já, fólk sem
líður ekki svoleiðis vinnubrögð.
Eftir nær fjögurra ára setu í umhverfis-
nefnd Mosfellsbæjar er þetta mín niður-
staða. Ég veit að það þarf ýmislegt til að
knýja fram breytingar. Í fyrsta lagi vakn-
ingu meðal kjósenda um að hafna refskák-
inni og í öðru lagi hæfa einstaklinga sem
eru reiðubúnir til að koma á umbótum.
Borgarstjórnarflokkarnir í Reykjavík hafa
sýnt fordæmi um samvinnu þvert á flokka
sem gefur von og ætlar Samfylkingin í Mos-
fellsbæ að gefa áhugasömum færi á að for-
vitnast nánar um samstarfið á fundi sem
haldinn verður 18. janúar undir yfirskrift-
inni Lýðræði og sveitarstjórnir . Framsögu
hefur Dagur B. Eggertsson formaður borg-
arráðs Reykjavíkur og eru allir velkomnir.
Sigrún Pálsdóttir
-fulltrúi S-lista í umhverfisnefnd
Vakning meðal kjósenda
er allt sem þarf
Mosfellingar eru nú rúmlega níu
þúsund talsins. Í bæjarfélagi af
þessari stærðargráðu hefði mað-
ur haldið að fyrirtæki hér í bæ
gætu blómstrað á því einu að
bjóða Mosfellingum sína vöru
og þjónustu. En því miður berast
reglulega fréttir af litlum og með-
alstórum fyrirtækjum sem hafa
ákveðið að loka og hætta rekstri. Þegar
leitað er skýringa heyrir maður oftast nefnt
að Mosfellingar séu ekki nógu duglegir að
versla heima heldur leiti hinum megin við
lækinn.
Gefa til baka
Við sem hér búum og sköpum þetta
samfélag verðum að líta okkur nær og
styðja betur við þau fyrirtæki sem eru hér
að keppast við að halda úti rekstri sínum
fyrir okkur. Þau eru forsendan fyrir því að
samfélagið okkar nái að blómstra og að
heimamenn og aðrir þori og hafi
vilja til að freista gæfunnar og opni
hér ný fyrirtæki og taki slaginn með
heimamönnum. Ekki má heldur
gleyma að mörg þessara fyrirtækja
gefa líka til baka til nær samfélags-
ins og styðja við bakið á hinum
ýmsu félögum hér í bæ sem er vel.
Fleiri störf
Að versla í heimabyggð býr til fleiri störf
og ungir sem aldnir fá fleiri tækifæri til að
stíga sín fyrstu skref á vinnumarkaðinum.
Samstaða heimamanna um að versla í
heimabyggð er mikilvægt atriði, því þurfa
allir Mosfellingar að snúa vörn í sókn og
auka heimsóknir sínar við verslunar- og
þjónustufyrirtæki í Mosfellsbæ. Áfram
Mosfellsbær.
Rúnar Bragi Guðlaugsson
varabæjarfulltrúi.
Erum við Mosfellingar að
sækja vatnið yfir lækinn?
Það er siður um áramót að líta yfir
farinn veg og jafnframt að velta
fyrir sér framtíðinni. Í Mosfells-
bæ hefur árið 2013 verið erilsamt
og árangursríkt. Mikil uppbygg-
ing hefur verið í bænum síðustu
misseri á vegum sveitarfélagsins
og hins opinbera.
Á árinu var tekin í notkun ný þjónustu-
miðstöð fyrir eldri borgara, nýtt hjúkrunar-
heimili er nú komið í fulla notkun og fram-
haldsskólinn hefur hafið kennslu í nýju
glæsilegu skólahúsnæði í hjarta bæjarins.
Nýr íþróttasalur rís nú að Varmá og verður
tekinn í notkun á vormánuðum og slökkvi-
stöð er í byggingu við Skarhólabraut sem
er mikilvægt öryggisatriði við Mosfellinga
og nærsveitarmenn. Afar mikilvægt var að
ráðast í þessar framkvæmdir sem hefur
bæði skapað atvinnu á erfiðum tímum og
mun styrkja innviði bæjarins til framtíðar.
Nú seinnipart árs hafa auk þess verið já-
kvæð teikn á lofti varðandi uppbyggingu
íbúðarhúsnæðis í bænum. Framkvæmdir
í Leirvogstungu eru hafnar á ný og þess
er ekki langt að bíða að hið sama gerist í
Helgafellslandi þar sem fjölbýlishúsalóðir
hafa verið seldar og gera má ráð fyrir að
framkvæmdir hefjist þar á árinu.
Nýtt skólahúsnæði
Slíkum vexti sem átt hefur sér stað í Mos-
fellsbæ síðustu ár ásamt erfiðu efnahags-
ástandi fylgja óhjákvæmilega einhverjir
vaxtaverkir. Húsnæðismál grunnskólanna
okkar er ein birtingarmynd þess. Fræðslu-
nefnd samþykkti snemma á síðasta ári að
fela fræðslusviði að hefja undirbúning að
nýjum skólabyggingum. Þá hófst ferli sem
hefur falið í sér náið samráð við íbúa og
skólasamfélagið allt. Tillögur sem byggð-
ar eru á þessu samráði voru lagðar fyrir
fræðslunefnd nú í vikunni. Þær fela í sér
að hönnunarferli verði hafið nú í lok jan-
úar að nýju skólahúsnæði bæði á austur-
og vestursvæði.
Það má segja að á árinu 2013 hafi lýð-
ræðisleg vinnubrögð verið í hávegum höfð
hjá Mosfellsbæ. Íbúar hafa verið boðnir
velkomnir að umræðu um hin ýmsu mál-
efni. Þar hefur umræða um skólamál verið
áberandi með skólaþingum og íbúafund-
um eins og áður sagði. Einnig hefur verið
haldinn opinn fundur vegna stefnumót-
unar í uppbyggingu íþróttamannvirkja á
árinu ásamt fjölda minni funda með íbúa-
og hagsmunasamtökum. Nýtt aðalskipulag
leit dagsins ljós eftir mikið samráð við íbúa
og kjör á íþróttafólki ársins er að hluta til í
höndum íbúa og verður sá háttur
nú hafður á í annað sinn.
Mosfellsbær er Heilsueflandi
samfélag og fyrst íslenskra sveitar-
félaga til að flagga þeim fána. Bær-
inn hefur lengi verið þekktur sem
íþrótta- og útivistarbær og stefnan
er að halda því áfram. Þær áherslur
sem lagðar eru í Heilsueflandi samfélagi
eru okkur öllum til framdráttar og eru til
þess gerðar að bæta lífsgæði og heilsu íbúa
bæjarins. Fyrsti áhersluþáttur verkefnisins
og sá sem verður í hávegum hafður á ár-
inu 2014 er næring. Í því felst fræðsla um
heilsusamleg áhrif næringar og aðgengi
íbúa að heilsusamlegum valkostum í mat-
aræði og næringu.
Hagsmunir Mosfellinga voru varðir í
málefnum Sorpu í Álfsnesi og er að mínu
mati góð niðurstaða fyrir Mosfellsbæ fólgin
í samkomulagi sveitarfélaga á höfuðborg-
arsvæðinu sem undirritað var í nóvember
síðastliðnum. Þar var samþykkt að hætta
allri urðun í Álfsnesi og að setja byggingu
gas- og jarðgerðarstöðvar í forgang. Áætl-
að er að stöðin verði komin í gang inn-
an þriggja ára. Þessa niðurstöðu má m.a.
þakka góðu samstarfi við íbúasamtökin í
Leirvogstungu og þakka ég þeim fyrir ár-
angursríkt og ánægjulegt samstarf.
Það er best að búa í Mosfellsbæ
Íbúar Mosfellsbæjar eru ánægðir með
bæinn sinn. Það er staðfest í þjónustukönn-
un Capacent sem er framkvæmd árlega hjá
16 stærstu sveitarfélögum landsins. Þar er
Mosfellsbær efstur á lista yfir ánægju íbúa
með Mosfellsbæ sem stað til að búa á.
Ég er afar þakklátur fyrir að hafa feng-
ið tækifæri til að taka þátt í þeim stóru og
mikilvægu verkefnum sem unnið hefur
verið að á undanförnum árum og er stolt-
ur af árangrinum. Ég hlakka jafnframt til
að takast á við framtíðina með Mosfell-
ingum. Í Mosfellsbæ er framtíðin björt og
vel hefur gengið á undanförnum árum. Ég
hef ákveðið að gefa áfram kost á mér til
forystu í bæjarfélaginu og til að leiða lista
sjálfstæðismanna í komandi sveitarstjórn-
arkosningum í vor. Með gildin góðu, virð-
ingu – framsækni – jákvæðni og umhyggju,
að leiðarljósi er ég tilbúinn til að takast á
við þau fjölmörgu verkefni sem framundan
eru fyrir Mosfellsbæ og leiða þau farsællega
til lykta.
Gleðilegt nýtt ár, kæru Mosfellingar.
Haraldur Sverrisson, bæjarstjóri
Nýárskveðja
www.MosfElliNGur. is