Mosfellingur - 10.11.2006, Blaðsíða 20

Fyrir réttum tveimur árum festi
sonur minn kaup á torfæru mótorhjóli
fyrir pening sem hann fékk í ferming-
argjöf.
Ekki leist fjölskyldunni of vel á
tiltækið þar sem okkur hafði verið
sagt að í þessu sporti væru eingöngu
sérlunduð rustamenni sem hefðu
það eitt að markmiði að valda sem
mestum leiðindum fyrir okkur hin
ásamt og því að vaða með hávaða og
látum yfi r ósnortið land á hjólunum.
Mér er það minnisstætt þegar við
fórum með þennan rétt nýfermda
dreng upp í námur þær í Mosfellsbæ
sem enn eru kenndar við Björn
nokkurn í Fitjakoti.
Er við komum þar og bösluðum
nýfengnu hjóli af bílnum, komu
nokkrir hjólamenn þar að. Er þeir
sáu að þarna var á ferð fólk sem hafði
minni en enga reynslu af þessum
tvíhjóla torfærutækjum komu þeir að
máli við okkur og leiðbeindu á alla
lund. Þegar kom að akstri sonarins
þá sögðu þessir sömu menn að best
væri að fara og leyfa honum að keyra
fyrstu metrana í friði því að ekkert
væri verra en áhorfendur að horfa á
fyrstu kynni hans af hörðum lending-
um og föllum.
Allan tímann síðan hefur það
verið reynsla mín og okkar allra að
allir í þessu mótorhjólasporti eru
alltaf tilbúnir að hjálpa hver öðrum
og aldrei hef ég kynnst því að menn
hæðist að getu eða færni annarra,
ólíkt ýmsum öðrum íþróttagreinum
sem ég hef einhverja reynslu af sjálf-
ur eða í gegn um aðra.
Þess má geta að á þessum tveim
árum hefur fjölskyldan kynnst hreint
frábæru fólki bæði á keppnum og við
leik, og er það reynsla okkar að hér
sé um sannkallað fjölskyldusport að
ræða.
Kemur þá að efni því sem grein
þessi fjallar raunverulega um
Þann 03.11 var boðað til fundar
með mótorhjólamönnum í Mos-
fellsbæ. Var mér sagt frá því að þrátt
fyrir sex ára fundarhöld og ótalmörg
loforð í aðdraganda prófkjöra hefði
öllum óskum félaga minna í MOTO-
MOS (Mótorhjólaklúbb Mosfellsbæj-
ar) um land undir lokaða braut fyrir
motocross verið hafnað.
Það sem kom mér mest á óvart
var svar Mosfellsbæjar. Það var fólgið
í fjögurra línu tölvupósti frá einhverri
frú Hansen hjá Mosfellsbæ þess efnis
að ekki væri hægt að leyfa okkur að
búa til braut í landi Mosfellsbæjar, í
áður umræddum Fitjakotsgryfjum,
vegna þess að Ístak sem er verk-
takafyrirtæki í Reykjavík vildi ekki
hafa okkur í nágrenni við nýfengið
land sem þeir keyptu og hugsa fyrir
iðnaðarbyggð. En eins og Mosfelling-
ar kannski vita hefur umrætt verk-
takafyrirtæki ákveðið að byggja upp
iðnaðarhverfi á melunum fyrir ofan
Leirvogstungu. Allt þetta var gert án
þess að gera hina minnstu tilraun til
þess að fi nna annað landsvæði fyrir
MOTOMOS sem er fullgilt íþrótta-
félag innan UMSK og ÍSÍ rétt eins og
Afturelding o.fl .
Það sem ég skil ekki, eftir það sem
ég hef fræðst um, sem hefur komið
fram í öllum þeim viðræðum sem
hafa farið á milli mótorhjólamanna
og ráðamanna í Mosfellsbæ er eftir-
farandi.
● Af hverju vill Mosfellsbær ekkert
gera fyrir eitt af íþróttafélögum
Mosfellsbæjar?
● Hvers vegna er eftir sex ára
viðræður svarað með fjögurra línu
tölvupósti þar sem eina skýringin
eru mótbárur verktakafyrirtækis í
Reykja vík ?
● Hver er ástæða þess að for-
ráðamönnum Mosfellsbæjar fi nnst
iðkun þeirrar íþróttar sem hér um
ræðir vera minna virði en aðrar
íþrótt ir ?
Þess skal getið að við laus lega
talningu á iðkendum þeirrar íþrótt-
ar sem hér um ræðir telst mér til að
fjöldi þeirra sem eru verulega virkir í
Mosfellsbæ séu a.m.k. 70 og tengdir
séu nálægt 300 talsins.
Eftir sömu lauslegu talningu
telst mér til að ekkert íþróttafélag í
einstaklingsíþrótt í Mosfellsbæ eigi
jafn marga félaga sem hafa unnið til
verðlauna í sinni íþróttagrein eins og
MOTOMOS. Þetta hafa allir þess ir
menn gert án nokkurs stuðnings frá
bæjarfélaginu ólíkt öðrum íþrótta-
greinum.
Að öllu þessu skrifuðu vil ég óska
eftir stuðningi Mosfellinga við það
baráttumál íþróttafélagsins Moto-
Mos að fá landsvæði undir starfsemi
sína og að iðkendum íþróttarinnar
verði gert kleift að stunda æfi ngar og
undir búning undir áframhaldandi
sigra í þessari erfi ðu íþróttagrein,
bæjarfélaginu og sjálfum sér til
frægðar og sóma.
Elías Pétursson
Mosfellingur - Fréttir, bæjarmál og aðsendar greinar20
Mismunun íþróttagreina
Valgerður og Helga
Erna og Jón fengu heiðursverðlaun frá
Mosfellsbæ fyrir vel unnin störf. Með þeim
á myndinni er Ragnheiður bæjarstjóri
Kalli, Jónas, Siggi og Jón voru alsælir á
árshátíðinni,
enda heppnaðist hún í alla staði mjög
vel
Gunnhildur og Elín taka lagið
Hlégarður
var þéttsetinn
Sólveg og Magnús að ræða málin
Sigga, Óskar og Valgerður voru að
sjálfsögðu mætt í sínu fínasta pússi
ÁRSHÁTÍÐ MOSFELLSBÆJAR
Atlarnir þrír í Bólinu
Forsetafrúin og
Bæjarstýran
Bergdís, Elín Lóa og Berglind