Litli Bergþór - 01.12.2014, Side 18

Litli Bergþór - 01.12.2014, Side 18
18 Litli-Bergþór Kæru sveitungar. Það hefur farið vel af stað starfið í Álfaborg í ár, þrátt fyrir ýmsar breytingar. Nýr skólastjóri hefur lagt áherslu á að kynnast samfélaginu, börnum og foreldrum, sem tilheyrir Álfaborg. Ég upplifi samhug á meðal allra um að halda áfram með það góða starf sem er unnið í leikskólanum, sem bæði innra og ytra mat leikskólans staðfestir. Það frelsi sem náttúran hefur upp á að bjóða í nærumhverfi leikskólans er ævintýranlegt og börnin læra hvað mest á því að uppgötva og sjá hversu margt er hægt að rannsaka hér. Við getum verið stolt af því að eiga slíkt námsumhverfi. Álfaborg tók í fyrsta sinn nú í haust á móti eins árs gömlum börnum. Hefur það gengið vonum framar og er frábært að fylgjast með forvitnum og móttækilegum einstaklingum á sínu fyrsta aldursári fylgja starfi leikskólans. Hópastarfið í leikskólanum er farið af stað og var ákveðið að nefna aldurshópa leikskólans eftir trjágróðri. Okkur fannst tilvalið að nefna hópana eftir trjátegundum þar sem gróðurinn er áberandi í sveitarfélaginu. Það verður gaman að sjá hvernig það kemur út í lok vetrarstarfsins og hversu mikil áhrif gróður og náttúra hafa á þemaverkefni barnanna í vetur. Mig langar að nýta tækifærið og þakka góða kynningu, það verður spennandi og gaman að fá að tilheyra samfélaginu og takast á við skemmtileg verkefni. Með kveðju Elfa Birkisdóttir, leikskólastjóri Álfaborgar. Adda Sóley, Katrín María, Magnús Rúnar, Emelía, Dísa Ósk einbeitt að smíða í útiveru. Dísa Ósk, Samúel, kennarinn Sigga Ósk, Nökkvi , Ignacy Rúnar kríta á stéttina í góða veðrinu. Skemmtilegt að drullumalla. Halldóra Björk, Vigdís Fjóla, Katrín María, og Ella Sóley. Benjamín Óli og Katla í skemmtilegum leik. Álfaborg

x

Litli Bergþór

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Litli Bergþór
https://timarit.is/publication/884

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.