Morgunblaðið - 19.09.2018, Blaðsíða 30

30 MENNING
MORGUNBLAÐIÐ MIÐVIKUDAGUR 19. SEPTEMBER 2018
Skál fyrır hollustu
Christopher Llewellyn Reed, gagn-
rýnandi Film Festival Today, velur
Konu fer í stríð í leikstjórn Bene-
dikts Erlingssonar sem eina af fimm
bestu leiknu myndum kvikmynda-
hátíðarinnar í Toronto (TIFF) þetta
árið. Segir hann myndina búa yfir
einstakri blöndu af aktívisma og
húmor sem sé þess virði að sjá og
nefnir sem dæmi að myndin byrji
bókstaflega með hvelli. Hann fer
fögrum orðum um frammistöðu
Halldóru Geirharðsdóttur í aðal-
hlutverkinu og segir hana magnaða.
Undir þetta tekur Lena Wilson
hjá The Playlist sem segir einstak-
lega ánægjulegt að sjá loks kven-
skörung á besta aldri á hvíta tjaldinu
sem sé ekki aðeins fim í baráttu
sinni fyrir nátturuvernd heldur
einnig marglaga persóna. Að mati
Wilson markar Benedikt með nýj-
ustu mynd sinni réttmæta stöðu
Íslands í kvikmyndaheiminum. Seg-
ir hún handrit myndarinnar vera
„kjarkað og yfirvegað“ á sama tíma
og hrósar myndinni fyrir það hversu
fyndin og íslensk hún sé.
Rýnir The Film Experience mælir
eindregið með myndinni og segir
Benedikt vera mikinn hæfileika-
mann sem nýti sér sjónræna mið-
ilinn til hins ýtrasta auk húmorsins.
Steve Pond hjá The Wrap segir
Benedikt vera „prakkara með til-
gang, listamann sem sé óhræddur
við að vera skrýtinn og að Kona fer í
stríð [sé] fallegt gól“. Rifjar hann
upp þegar Hross í oss var framlag
Íslands til Óskarsins 2013 og segir
það munu verða Óskarsverðlauna-
akademíunni til ævarandi skammar
að hún hafi ekki ratað á stuttlistann.
Hrós Halldóra Geirharðsdóttir í
kvikmyndinni Kona fer í stríð.
Jákvæðar við-
tökur á TIFF
Sinfóníuhljómsveit Tónlistarskóla
Hafnarfjarðar og hljómsveitin
Amandus frá Cuxhaven í Þýskalandi
halda sameiginlega tónleika í Hásöl-
um Tónlistarskóla Hafnarfjarðar á
morgun, fimmtudag, kl. 17.30 undir
yfirskriftinni Erasmus+. Sveitirnar
tvær hófu samstarfi vorið 2016 þegar
Amandus heimsótti Ísland, en sveit-
irnar hlutu styrk í flokknum ung-
mennaskipti hjá Erasmus. „Verk-
efnið sem við vinnum að byggist á því
að velja þjóðlög frá Íslandi og Þýska-
landi sem tengjast veðurfari og nátt-
úru og útsetja þau fyrir hljómsveit-
irnar,“ segir í tilkynningu frá
Ármanni Helgasyni klarínettuleikara
og stjórnandi Sinfóníuhljómsveitar
Tónlistarskóla Hafnarfjarðar sem
jafnframt er hugmyndasmiður þessa
Erasmusverkefnis.
Þátttakendur hafa síðustu vikuna
unnið að því að skapa stórt tónverk
sem samanstendur af mörgum þjóð-
lögum landanna tveggja og hljóð-
heimi náttúrunnar „til þess að undir-
strika textana og með því mynda
einhverskonar hljóðheimstónverk“.
Aðgangur að tónleikunum er ókeyp-
is.
Hljóðheimstónverk Ármann Helgason stjórnar hópnum sem samanstendur
af 60 ungmennum á aldrinum 13-23 ára frá Íslandi og Þýskalandi.
Þjóðlög og náttúru-
hljóð í Hásölum
Guðrún Erlingsdóttir
ge@mbl.is
„Það eru 100 ár síðan Sagan af dátanum var frum-
flutt í Lausanne í Sviss. Verkið var upprunalega
samið fyrir leikhús og höfundarnir Igor Stravin-
skíj, sem samdi músíkina, og C.F. Ramuz, sem
samdi textann sem byggður er á gamalli rúss-
neskri þjóðsögu, gerðu ráð fyrir þremur leik-
urum, sögumanni og dansara í verkinu,“ segir
Rúnar Óskarsson, einn af sex stjórnarmönnum í
verkefnastjórn Kammersveitar Reykjavíkur sem
flytur verkið í Norðurljósum Hörpu á sunnudag-
inn kemur kl. 16.
„Við munum sameina öll hlutverkin í eitt hlut-
verk sögumanns sem Jóhann Sigurðarson leikari
fer með. Hinn 28. september er öld frá frumflutn-
ingi Sögunnar af dátanum og það lá einfaldlega í
loftinu að flytja það verk á fyrstu tónleikum
starfsársins, “ segir Rúnar og bætir við að
Kammersveitin hafi einu sinni áður tekið þátt í
verkinu. „Kammersveitin spilaði verkið í fullri út-
færslu með Leikfélagi Reykjavíkur 1976.“
Rúnar segir að Sagan af dátanum sé áminning
um að hamingjan verði ekki keypt þrátt fyrir öll
heimsins auðæfi. Hún eigi jafn vel við nú og fyrir
100 árum. Sagan fjalli um hermanninn Jósef sem
sé á leið heim í frí. Hann leiki á fiðluna sína þegar
kölski, í gervi gamals manns, bjóði honum skipti á
henni og bók sem á að færa þeim sem kann með
að fara óendanleg auðæfi. Jósef gengur að boðinu
en kemst að því að auðurinn færir honum ekki
hamingju.
Sjö hljóðfæraleikarar taka, að sögn Rúnars,
þátt í tónlistarflutningnum á sunnudag. Stjórn-
andi á tónleikunum er Bjarni Frímann Bjarnason,
Rúnar Óskarsson leikur á klarinett, Richard Korn
á kontrabassa, Páll Palomares á fiðlu, Bryndís
Þórsdóttir á fagott, Einar Jónsson á trompet,
Carlos Aquilera á básúnu og Frank Aarnink á
slagverk. Íslensk þýðing verksins er eftir Þor-
stein Valdimarsson.
Rúnar segir að Kammersveit Reykjavíkur sé
flutt með starfsemi sína í Hörpu. Þar sé gott að
vera og vel hafi verið tekið á móti þeim. „Næstu
tónleikar sveitarinnar eru jólatónleikar 2. desem-
ber þar sem flutt verða fjölbreytt verk eftir J.S.
Bach, C.P.E. Bach og G.Ph. Telemann. Gestir á
þeim tónleikum verða Inês d’Avena blokkflautu-
leikari og Claudio Ribeiro semballeikari,“ segir
Rúnar og bætir við að Kammersveit Reykjavíkur
taki þátt í Myrkum músíkdögum í febrúar og
verði með vortónleika í mars.
Rúnar segir að kammertónlist þýði upphaflega
herbergistónlist sem vitnar til þess að flytja tón-
list í litlum sölum eða jafnvel heima í stofu. Í nú-
tímanum þýðir kammer í raun minni hljómsveit
eða hópur sem spilar klassíska tónlist í minni hóp-
um. Kammersveit geti talið frá nokkrum hljóð-
færaleikurum og upp í þrjátíu.
Morgunblaðið/Hari
Hamingjan verður ekki keypt
Undirbúningur Kammersveit
Reykjavíkur á æfingu í Hörpu fyrir
tónleikana sem verða á sunnudag.