Morgunblaðið - 27.09.2018, Blaðsíða 4

4 MORGUNBLAÐIÐ FIMMTUDAGUR 27. SEPTEMBER 2018FRÉTTIR
Pantaðu ráðgjöf á brimborg.is
Fyrirtækjalausnir Brimborgar veita fyrirtæki þínu ráðgjöf sem tryggir
hagkvæmar, sérsniðnar heildarlausnir í bílamálum. Í boði eru yfir 500
gerðir af fólksbílum, jeppum og atvinnubílum frá 5 heimsþekktum
bílamerkjum til kaups eða leigu hjá Brimborg. Framúrskarandi
viðhalds, dekkja- og hraðþjónusta og flotastýring hjá 250 sérhæfðum
starfsmönnum Brimborgar tryggir fyrirtæki þínu hagræðingu, þægindi,
sveigjanleika og lengri uppitíma.
HAGRÆDDU. EINFALDAÐU BÍLAMÁL FYRIRTÆKISINS
HEILDARLAUSNIR Í BÍLAMÁLUM
BÍLAR ÞJÓNUSTA FLOTASTÝRING
Reikna má með að stjórnendur og
sérfræðingar muni fjölmenna á
mannauðsdaginn sem haldinn
verður í Hörpu á föstudag. Þessi
árlegi viðburður er haldinn á veg-
um Mannauðs, félags mannauðs-
fólks á Íslandi, en félaginu stýrir
orkumikil athafnakona sem stýrir
fyrirtækjum á daginn en kennir
líkamsrækt á morgnana og kvöld-
in.
Hverjar eru helstu áskoranirnar
í rekstrinum þessi misserin?
Miklar og hraðar breytingar á
vinnumarkaði, kynslóðaskipti og
stafræn framtíð.
Hvaða bók hefur haft mest áhrif
á hvernig þú starfar?
Það er gömul bók sem er mér
alltaf ofarlega í huga og ég las fyr-
ir mörgum árum. Hún heitir The
PRESENT og fjallar um mikil-
vægi þess að dvelja í nútíðinni og
njóta líðandi stundar. Innihald
bókarinnar minnir mig daglega á
að þakka fyrir það sem ég hef og
nýta hvern dag á sem bestan máta.
Hvernig heldurðu þekkingu
þinni við?
Með því að fylgjast mjög vel
með því nýjasta sem er í gangi
hverju sinni. Byggja upp öflugt
tengslanet og læra af og vinna þétt
með því fólki sem er að gera góða
hluti sem einnig gefur mér orku og
hvatningu til að gera enn betur.
Hvert væri draumastarfið ef þú
þyrftir að finna þér nýjan
starfa?
Mér finnst ótrúlega gaman að
vinna með fólki og láta hluti ger-
ast. Með þeim störfum og verk-
efnum sem ég er að vinna við í dag
næ ég að gera það sem mér finnst
skemmtilegast að gera. Ég hef í
raun náð öllum þeim starfsmark-
miðum sem ég setti mér hér áður
fyrr og tel mig ekkert frekar þurfa
að sanna mig á vinnumarkaði. Nú
er ég pínulítið að leyfa mér að
fleyta rjómann ofan af og nýt þess
á hverjum degi.
Hvað myndirðu læra ef þú feng-
ir að bæta við þig nýrri gráðu?
Ég myndi vilja læra meira og
betur á alla nýjustu samfélagmiðl-
ana, grafíska hönnun og stafræna
markaðssetningu. Einnig hef ég
áhuga á því að taka jógakennara-
réttindi og fara að kenna jóga.
Hvaða lögum myndirðu breyta
ef þú værir einráð í einn dag?
Ég myndi breyta heilbrigðislög-
unum á þann hátt að við á Íslandi
gætum fengið þá læknisþjónstu
sem við þurfum hér á landi í stað
þess að þurfa að fara til nágranna-
landanna í aðgerðir sem auðveld-
lega er hægt að gera á Íslandi fyr-
ir lægra verð og minni tilkostnað.
SVIPMYND Sigrún Kjartansdóttir, framkvæmdastjóri Mannauðs og Vitta ehf.
Áskoranir felast í kynslóða-
skiptum og stafrænni framtíð
Morgunblaðið/Hari
NÁM: Stúdent frá VÍ, 1979; kennari frá KHÍ, 1983; viðskiptafr. frá
HÍ, 1983, meist.próf í viðskiptafr. og í mannauðsstj. 2004.
STÖRF: Frá árinu 1975-2008 starfaði ég hjá Íslandsbanka, síðar
Glitni, síðast framkvæmdastjóri Glitnis frá 2006-2008. Stofnaði
og rak heilsuhótel á Reykjanesi, byggði Nordica Spa upp eftir
gjaldþrot og sameinaði, og stofnaði nýja deild hjá Sjóvá í kjölfar
stefnumótunar. Árið 2013 tók ég við og starfaði sem fram-
kvæmdastjóri tíu ára gamals heilsuvörufyrirtækis og stofnaði
síðan mitt eigið fyrir tveimur árum sem ég rek samhliða starfi
mínu sem framkvæmdastjóri Mannauðs, félags mannauðsfólks
á Íslandi. Fyrir og eftir vinnu kenni ég líkamsrækt í World Class.
ÁHUGAMÁL: Ég set fjölskylduna og samverustundir með henni
algjörlega í fyrsta sæti. Stundaði hlaup um árabil og hef hlaupið
nokkur hálf- og heilmaraþon bæði hér heima og erlendis. Stund-
aði samkvæmisdans sem keppnisíþrótt og hef fjórum sinnum
tekið þátt í heimsmeistaramóti fyrir Íslands hönd í samkvæm-
isdansi.
FJÖLSKYLDUHAGIR: Ég er gift dr. Eggerti Claessen, fram-
kvæmdastjóra Frumtak Ventures. Við eigum þrjú uppkomin
börn, eina tengdadóttur og tvo barnabörn.
HIN HLIÐIN
ÖKUTÆKIÐ
Hönnuðir franska bílaframleiðandans
Peugeot báru gæfu til að leita inn-
blásturs í útliti klassíska 504-
módelsins frá sjöunda áratugnum
þegar þeir mótuðu útlínur hug-
myndabílsins e-Legend.
Eins og bíllinn lítur út á blaði á
hann ekki bara að vera afskaplega
töffaralegur heldur líka með 456
hestafla og 800 Nm aflrás sem ætti að
duga til að fara úr kyrrstöðu upp í
100km/klst á innan við fjórum sek-
úndum. Reiknar Peugeot með nærri
600 km drægi á einni hleðslu og lið-
lega 217 km hámarkshraða. Láta þau
hjá Peugeot sig dreyma um að bíllinn
verði í senn afskaplega skemmtilegur
akstursbíll en líka fær um að aka
sjálfur þegar svo ber undir.
Verður e-Legend frumsýndur á
bílasýningunni í París og vonandi
verður ráðist í fjöldaframleiðslu.
ai@mbl.is
Peugeot e-Legend er hraðskreiður
Frakki sem hefur útlitið með sér.
Rafmögnuð
sýn Peugeot
Farþegarýmið er nútímalegt.
Sigrúnu þætti gam-
an að mennta sig
betur á sviði sam-
félagsmiðla og graf-
ískrar hönnunar, og
öðlast jógakenn-
araréttindi.