Morgunblaðið - 27.09.2018, Side 14

14 MORGUNBLAÐIÐ FIMMTUDAGUR 27. SEPTEMBER 2018FÓLK
Advania Margrét
Gunnlaugsdóttir
hefur tekið við starfi
forstöðumanns
mannauðslausna
Advania þar sem
hún mun leiða 42 manna teymi
sem annast þróun, þjónustu, ráð-
gjöf og innleiðingu á lausnunum,
að því er segir í tilkynningu frá Ad-
vania.
Margrét hóf störf hjá fyrirtækinu í
apríl sem forstöðumaður á rekstr-
arlausnasviði. Margrét starfaði áð-
ur sem vöru- og viðskiptaþróunar-
stjóri hjá Já, sviðsstjóri hjá Wise og
rekstrarstjóri tækniþjónustu hjá Ís-
landsbanka. Hún hefur því víðtæka
stjórnunarreynslu í UT-geiranum,
samkvæmt tilkynningunni.
Margrét stýrir mann-
auðslausnum Advania
Hátæknifyrirtækið Valka hefur ráðið
til starfa þrjá nýja stjórnendur, að því
er fram kemur í tilkynningu frá fyr-
irtækinu.
Auður Ýr Sveinsdóttir hefur verið
ráðin aðstoðarframkvæmdastjóri
Völku, en hún hefur undanfarin tvö ár
stýrt rekstrarsviði fyrirtækisins. Auð-
ur hefur samkvæmt tilkynningunni
víðtæka reynslu úr hinu alþjóðlega
viðskiptaumhverfi og hefur áður starfað í tíu ár sem yfirmaður gæða-
stjórnunar, til að mynda við straumlínustjórnun og innri samskipti hjá ál-
veri Rio Tinto í Straumsvík.
Egill Sveinbjörn Egilsson hefur verið ráðinn í starf vörustjóra vél- og
hugbúnaðar. Hann mun hafa lengst af starfað við vöruþróun hjá Össuri á
alþjóðlegum vettvangi, eða allt frá árinu 2001, og leitt þar verkefni og
teymi.
Guðjón Ingi Guðjónsson hefur þá verið ráðinn svæðissölustjóri fyr-
irtækisins, en hann mun hafa víðtæka reynslu úr sjávarútvegi og hafa
lengst af unnið að framleiðslu-, sölu- og markaðsmálum, meðal annars
hjá Sölusambandi íslenskra fiskframleiðenda.
Valka ræður til starfa þrjá nýja stjórnendur
VISTASKIPTI
Bandaríski lögfræðingurinn Duane
Layton var aðalræðumaður á Fjár-
málaþingi Íslandsbanka sem haldið
var í gær og ræddi við viðstadda um
viðskiptastefnu Bandaríkjanna í tíð
Donalds Trump, Bandaríkjaforseta.
Layton er lögfræðingur hjá Mayer
Brown og er yfirmaður alþjóða-
viðskiptasviðs lögfræðistofunnar
sem hefur skrifstofur í 26 borgum
úti um allan heim. Layton var á Ís-
landi fyrir 41 ári síðan, árið 1977, og
kom sem 23 ára gamall stúdent,
með flugi með Loftleiðum. Síðan þá
hefur Layton sankað að sér 34 ára
reynslu á sviði alþjóðaviðskiptalaga
og hefur sem fulltrúi bandarískra
stjórnvalda komið að vinnu við
fjölda alþjóðasamninga og deilu-
mála, m.a. sem lögfræðingur banda-
ríska viðskiptaráðuneytisins. Lay-
ton hitti fulltrúa
utanríkisráðuneytisins og Íslands-
banka í vikunni en viðskipta-
sendinefnd með Guðlaug Þór Þórð-
arson utanríkisráðherra innanborðs
hitti einnig Layton í Chicago í maí
síðastliðnum. En erindið í gær var
viðskiptastefna Bandaríkjanna í for-
setatíð Donald Trump.
Fólkið í kringum forsetann
„Það eru margar ríkisstjórnir og
fyrirtæki sem hafa áhuga á því hvað
Bandaríkin eru að gera í alþjóða-
viðskiptum. Sér í lagi varðandi toll-
ana. Eflaust spyrja flestir spurning-
arinnar mikilvægu: hvers vegna og
hvað býr að baki? Það er stutta
svarið,“ sagði Layton í upphafi sam-
tals okkar spurður um inntak erind-
is hans hjá Fjármálaþingi. Lengra
svarið er á þá leið að háir tollar snú-
ist ekki aðeins um persónu Donalds
Trump eins og margar ríkisstjórnir
og forráðamenn fyrirtækja virðast
halda að sögn Laytons.
„Stundum skjátlast fólki þegar
það heldur að þetta sé bara Donald
Trump. Auðvitað rekur stefnan upp-
haf sitt og endi til forseta Banda-
ríkjanna. En þú verður að horfa á
málið í ljósi fólksins sem hann hefur
safnað í kringum sig,“ segir Layton.
Nefnir hann í þeirri andrá þá sem
hafa starfað í ráðgjafanefnd Trumps
allt frá því að hann var forseta-
frambjóðandi. „Trump hefur safnað
saman fólki sem hefur áratugum
saman talað um það hvernig önnur
lönd notfæra sér alþjóðalög á kostn-
að Bandaríkjanna. Að þeirra mati er
kominn tími til að það sé einhver í
embætti sem er reiðubúinn að gera
eitthvað í þessu,“ sagði Layton.
Hann tekur nokkur dæmi.
„Veistu hver var formaður við-
skiptaráðgjafanefndar Donalds
Trump þegar hann var forseta-
frambjóðandi? Maður að nafni Dan
DiMicco, sem var framkvæmda-
stjóri Nucor Steel Company,
stærsta stálfyrirtækis í Norður-
Ameríku,“ segir Layton og tekur
einnig fram að Robert Lighthizer,
núverandi viðskiptafulltrúi Banda-
ríkjanna, hafi einnig starfað í þeirri
nefnd, „Lighthizer starfaði í einka-
rekstri, sem og Gilbert Kaplan, und-
irráðherra Wilbur Ross, við-
skiptaráðherra. Fólkið í kringum þá
kemur úr hópi lögmanna í Wash-
ington D.C. sem hafa komið fram
fyrir hönd stálfyrirtækja og annars
bandarísks iðnaðar sem hefur kvart-
að undan innflutningi frá Kína, Jap-
an og hvaðeina,“ segir Layton.
„Hluti viðskiptasamfélagsins hefur
einnig talið í mörg ár að Bandaríkja-
menn væru of linir í viðskiptum og
væru að veita Kína frípassa,“ segir
Layton.
Spurður um tollana sem Donald
Trump hefur sett á innfluttar vörur,
einkum og sér í lagi á ál og stál, seg-
ir Layton að núverandi ráðamenn
telji að ekki sé nóg að setja á jöfn-
unartolla og aðgerðir gegn und-
irboðum vegna ríkisstyrkja í fram-
leiðslu á þessum vörum annars
staðar í heiminum. „Robert Lig-
hthizer, Gill Kaplan og fólkið í
kringum forsetann hefur talið í
mörg ár að þessar aðgerðir séu ekki
nóg til þess að takast á við vanda-
málið. Þess vegna hafi þurft til for-
seta sem er reiðubúinn að taka
hraustlega til verka að þeirra mati,“
segir Layton og bendir á að í banda-
rískri löggjöf séu fleiri tæki fyrir til
að verjast ójafnri samkeppni. „Toll-
arnir á stálið og álið lúta að lögum
nr. 232 frá árinu 1962 sem hafa
varla verið notuð. Tollarnir á Kína
lúta að lögum nr. 301 í sem eru afar
sjaldan notuð,“ segir Layton sem
telur að það sé mat ráðamanna í dag
að Bandaríkin séu loksins komin
með stjórn sem er viljug til þess að
nota þessi tæki.
Segir hann að tollar á ál og stál
séu áskoranir sem verið er að leysa í
áföngum. Það sé meðal annars gert
með innflutningskvótum og að lönd
á borð við Kóreu, Argentínu og
Ástralíu hafi samþykkt slíka kvóta
til þess að forðast innflutningstolla
sem yrðu þá settir á grundvelli laga
nr. 232. Tollastríðið gegn Kína lúti
hins vegar öðrum lögmálum.
Að tryggja þjóðaröryggi
Áður en umræðan berst að Kína
segir Layton að fólkið í kringum
Trump vinni eftir ákveðinni kenn-
ingu sem gengur út á það að til þess
að tryggja þjóðaröryggi þá þurfi
efnahagslegt öryggi. „Og það er
ómögulegt að hafa efnahagslegt ör-
yggi ef þú ert ekki með heilbrigðan
stál- og áliðnað. Það hefur talað fyr-
ir hönd stáliðnaðarins í aldarfjórð-
ung og að það hafi verið grafið und-
an iðnaðinum. Það sé því mál til
komið að snúa taflinu við og end-
urvekja bandarískan stáliðnað. En
er þetta þjóðaröryggi? Um það snú-
ast deilur ríkja í dag,“ segir Layton.
„Hvernig geta t.d. tollar á Kan-
ada, sem færa má rök fyrir að sé
okkar helsti bandamaður, tryggt
þjóðaröryggi? Það þarf að horfa á
þá spurningu frá sjónarmiði lög-
fræðinga og viðskiptamanna sem
hafa talað fyrir hönd stáliðnaðarins í
aldarfjórðung sem telja að Kína,
Japan, Kórea og Evrópusambandið
séu með ríkisstyrkjum að styðja iðn-
aðinn hjá sér og veikja bandarískan
stáliðnað,“ segir Layton.
En hvað með Kína? Bandaríkin
lögðu í vikunni tolla á vörur að and-
virði 200 milljarða Bandaríkjadala.
„Trump beitti lögum nr. 301 til þess
að takast á við hið meinta vandamál
að Kína sé að stela hugverkarétt-
indum og, sem hægt er að rök-
styðja, að kínversk stjórnvöld séu að
niðurgreiða framleiðslu í landinu,“
segir Layton.
Að sögn Layton er það álit Ro-
bert Lighthizer að lög Alþjóða-
viðskiptastofnunarinnar væru ekki
gerð til þess að takast á við þá gerð
kapítalisma sem einkennir kín-
verskt efnahagslíf. „Rök þessara
manna eru eitthvað á þá leið að ríkið
gegnsýri allan efnahaginn í landinu,
og að meðlimir Kommúnistaflokks-
ins sitji nánast í stjórnum allra
stórra fyrirtækja og sumra minni.“
Þess vegna hafi þurft að takast á við
það með tollum.
Morgunblaðið/Hari
Duane Layton segir að fólk úr bandarískum stáliðnaði sé meðal annars á bakvið mikla tollasetningu Bandaríkjanna.
Tollar snúast um meira en Trump
Pétur Hreinsson
peturhreins@mbl.is
Tollar sem Bandaríkin hafa
sett á í forsetatíð Donalds
Trump snúast um talsvert
meira en persónu hans, að
sögn bandaríska lögfræð-
ingsins Duane Layton.
AFP
Viðskiptastefna Bandaríkjanna rekur upphaf sitt og endi til forseta Banda-
ríkjanna en horfa þarf á málið í ljósi fólksins sem umkringir Donald Trump.
Atvinnuhúsnæði
Spennandi tækifæri í Mosfellsbæ
Byggingafyrirtæki undirbýr hönnun og byggingu atvinnu-
húsnæðis við Desjamýri í Mosfellsbæ.
Byggingaréttur lóðar er 2440 fm og grunnflötur húss allt að
1.300 fm. Möguleiki á mikilli lofthæð eða byggingu á tveimur
hæðum. Húsið afhendist í einu lagi eða smærri einingum,
fullbúið eða skemmra komið. Hér er tækifæri til að vera með
frá byrjun og laga bygginguna að eigin þörfum.
Við Desjamýri og nágrenni er léttur iðnaður, geymslu- og
lagerhúsnæði. Stutt er í umferðaræð sem tengir höfuðborgina
og landsbyggðina. Hentar fyrir margvíslega starfssemi.
Áhugasamir sendi tölvupóst á desjamyrin@gmail.com