Morgunblaðið - 04.10.2018, Side 38

38 FRÉTTIRInnlent
MORGUNBLAÐIÐ FIMMTUDAGUR 4. OKTÓBER 2018
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
Samkvæmt samningi sem Reykja-
víkurborg og Björgun gerðu í fyrra
á fyrirtækið að flytja starfsemi sína
úr Sævarhöfða í síðasta lagi í maí
2019.
Það var svo í desember 2017 að
Reykjavíkurborg gerði samning við
Faxaflóahafnir um kaup á 76 þúsund
fermetra lóð í Sævarhöfða við
Elliðaárvog fyrir 1.098 milljónir
króna, þ.e. lóðina sem Björgun hafði
haft til afnota. Kaupin eru gerð að
undangengnum samningum sem
Faxaflóahafnir gerðu við Björgun
ehf. um brottflutning og hreinsun
svæðisins ásamt gerð hluta þeirrar
landfyllingar sem fyrirhuguð er.
Hluti svæðisins verður með bygg-
ingarhæfar lóðir í upphafi en lengri
tíma mun taka að gera lóðir bygg-
ingarhæfar á nýrri landfyllingu.
Vilyrði hefur þegar verið veitt fyr-
ir tveimur lóðum á svæðinu, annars
vegar til Bjargs hses. og hins vegar
til Búseta. Þær lóðir verða fyrst
byggingarhæfar. Sementstankarnir,
sem setja mikinn svip á svæðið, fá að
standa áfram.
Í desember í fyrra var samþykkt
að auglýsa deiliskipulag fyrir svæð-
ið. Á þeim hluta svæðisins, þar sem
unnið hefur verið deiliskipulag, er
gert ráð fyrir að rísi 830 íbúðir.
Einnig er gert ráð fyrir leik- og
grunnskóla fyrir yngri skólastigin
og verslun/þjónustu við svokallað
Bryggjutorg.
Í framtíðinni er síðan reiknað
með, samkvæmt rammaskipulagi, að
svæðið stækki enn frekar til vesturs
á nýrri landfyllingu. Sá hluti hverfis-
ins verður næst Elliðaánum, eins og
sést á tölvumyndinni, sem fylgir
þessari grein.
Bryggjuhverfið brátt fullbyggt
 Fyrstu húsin risu í hverfinu fyrir 20 árum og nú eru íbúðirnar orðnar 600  Fyrir dyrum stendur
að stækka hverfið í vesturátt  Ný byggð mun rísa á svæði Björgunar, að hluta til á landfyllingum
Morgunblaðið/Eggert
Bryggjuhverfið Fyrir miðri mynd má sjá síðasta húsið í byggingu. Vinstra megin er athafnasvæði Björgunar, þar sem næsti áfangi hverfisins mun rísa.
Fullbyggt Í Bryggjuhverfinu eru 600 íbúðir og skráðir íbúar eru nú 1.100
talsins. Sérstaða hverfisins er sú að þar er góð aðstaða fyrir smábáta.
BAKSVIÐ
Sigtryggur Sigtryggsson
sisi@mbl.is
Nú styttist í að Bryggjuhverfið við
Elliðaárvog/Grafarvog verði full-
byggt samkvæmt upphaflegum hug-
myndum. Fyrstu íbúðarhúsin risu
fyrir 20 árum.
Fyrir dyrum stendur að stækka
hverfið í vesturátt en hin nýja byggð
mun rísa á athafnasvæði Björgunar,
að hluta til á landfyllingum. Í nýja
hverfinu verður í boði þjónusta sem
vantað hefur í hverfið til þessa, þ.e.
skólar og verslanir.
Í Bryggjuhverfinu eru um það bil
600 íbúðir. Uppbygging hverfisins er
á lokastigi þar sem nyrsta og síðasta
húsið á vesturhluta svæðisins er nú í
byggingu. Skráðir íbúar eru nú
1.100, samkvæmt upplýsingum Jóns
Halldórs Jónassonar, upplýsinga-
fulltrúa hjá Reykjavíkurborg.
Ætla má, út frá þessum tölum, að
fáar barnafjölskyldur hafi sest að í
hverfinu, enda er þar enginn skóli.
Þetta mun eflaust breytast þegar
hverfið stækkar og þjónusta við
íbúana eykst.
Nýta nálægðina við hafið
Fram kemur á vef Björgunar ehf.
að uppúr 1990 hafi nýr kafli í sögu
fyrirtækisins hafist. Þá réðst það í
stækkun á lóð sinni við Sævarhöfða
og uppbyggingu bryggjuhverfis að
erlendri fyrirmynd. Björgun og
Reykjavíkurborg gerðu samning um
þessa uppbyggingu árið 1992.
Hugmyndin var þróuð í samvinnu
við Björn Ólafs arkitekt í París og
var upphafið að þátttöku Björgunar
í landaþróunarverkefnum þar sem
nálægðin við hafið var nýtt til af-
þreyingar og útivistar. Björgun hef-
ur síðan, stundum í samvinnu við
aðra, lagt fram fjölda hugmynda að
sambærilegum verkefnum. Tvö
þeirra, Sjáland í Garðabæ og
Bryggjuhverfi á norðanverðu Kárs-
nesi í Kópavogi, bæði unnin í sam-
vinnu við Byggingafélag Gylfa og
Gunnars ehf., hafa orðið að veru-
leika.
Upphaflegt deiliskipulag fyrir
Bryggjuhverfið er frá árinu 1997 og
fyrstu húsin risu árið 1998. Hverfið
byggðist upp hægt og rólega. Árið
2009 var gerð gagnger breyting á
skipulagi vesturhluta svæðisins. Sá
hluti svæðisins hafði verið hugsaður
til verslunar- og þjónustunota en
notkunarheimild var breytt í íbúðir
ásamt því að fyrirkomulagi byggð-
arinnar var breytt. Uppbygging í
hverfinu tók mikinn kipp á allra síð-
ustu árum. Þannig byggði ÞG-verk
alls 280 nýjar íbúðir í hverfinu.
Nú hillir undir að þessi hluti
hverfisins verði fullbyggður.
Tölvumynd/arkis.is
Framtíðin Svona sjá arkitektar fyrir sér hvernig Bryggjuhverfið muni
þróast. Græni hlutinn er næsti áfangi og lokaáfanginn í framhaldinu.