Morgunblaðið - 18.10.2018, Blaðsíða 60

60 ÍSLENDINGAR
MORGUNBLAÐIÐ FIMMTUDAGUR 18. OKTÓBER 2018
ONE-KEY™ M18 FUEL™ skilar aflinu
til þess að saga án þess að það dragi
niður í henni við venjulegar aðstæður.
Stærð blaðs 210mm með 63mm
skurðargetu í 90°.
POWESTATE™ mótor.
REDLINK PLUS™ yfirálagsvörn.
REDLITHIUM-ION™High Output™
12.0 Ah rafhlaða.
ONE-KEY™ elti- og öryggiskerfi.
Sveigjanlegt rafhlöðukerfi sem virkar
með öllum Milwaukee® M18™ rafhlöðum.
Verð 179.900 kr. (með rafhlöðu)
M18 FTS210
Alvöru borðsög
fráMilwaukee
vfs.is
VERKFÆRASALAN • SÍÐUMÚLA 9, REYKJAVÍK • DALSHRAUNI 13, HAFNARFIRÐI • DALSBRAUT 1, AKUREYRI • S: 560 8888
Ferillinn hefur í raun verið tvískiptur milli starfa á fjölmiðlumog fyrir hjálparsamtök. Í byrjun þessa árs sneri ég aftur áStöð 2, Vísi og Bylgjuna eftir að hafa verið í allmörg ár hjá
Rauða krossinum og kann þeirri breytingu vel. Finnst ég að sumu
leyti aftur kominn heim,“ segir Þórir Guðmundsson, fréttastjóri
Stöðvar 2, sem er 58 ára í dag. Afmælið segir hann munu verða án
mikils tilstands; vinna og svo væntanlega góð fjölskyldustund.
„Ég byrjaði sextán ára gamall að framkalla ljósmyndir á Vísi, sem
þá var dagblað. Átti svo eftir að reyna margt á þessum vettvangi og
árið 1986 var ég einn af fréttamönnunum sem Páll Magnússon kallaði
til þegar Stöð 2 fór í loftið,“ segir Þórir. „Starfsumhverfið hefur
vissulega breyst mikið á 32 árum. Fólki berast upplýsingar víðar frá
en áður og sumt eru staðleysur. Það aftur gerir meiri kröfu til frétta-
manna í dag um að vera með allt á hreinu, hafa jafnan það sem sann-
ara reynist og halda sig við klassísk gildi fréttamennskunnar.“
Fréttastjórn segir Þórir að sé áhugavert starf, en vissulega anna-
samt. Mikilvægt sé því að geta stundum kúplað sig frá vinnunni, til
dæmis með því að taka golfhring á sumrin eða bara lesa bækur og
hitta vini. Þá hafi þau Adda Steina Björnsdóttir kona hans mikla
ánægju af ferðalögum – en þau hafa búið saman í Evrópu, Asíu og
gömlu Sovétríkjunum. „Það hefur verið ævintýri að hafa yfir langan
tíma fylgst með mannlífinu í löndum Austur-Evrópu dafna og raunar
komast á kortið að nýju eftir að múrinn hrundi,“ segir Þórir Guð-
mundsson að síðustu. sbs@mbl.is
Ljósmynd/Aðsend
Fréttastjórinn Ég er kominn aftur heim, segir Þórir hér í viðtalinu.
Fréttamenn séu
með allt á hreinu
Þórir Guðmundsson er 58 ára í dag
Þ
orgeir fæddist á Siglu-
firði 18.10. 1968 en ólst
upp á Húsavík. Hann
lauk stúdentsprófi frá
MA og BA-prófi í heim-
speki frá HÍ.
Þorgeir var ritari á skrifstofu
Bandalags íslenskra leikfélaga 1993-
99, texta- og hugmyndasmiður á
ýmsum auglýsingastofum, s.s. GSP
almannatengslum, Mekkanó, XYX,
ABX og hjá Hvíta húsinu 1999-2006,
var kynningarstjóri Sinfóníuhljóm-
sveitar Íslands 2006-2008 og hefur
verið texta- og hugmyndasmiður hjá
Hvíta húsinu frá 2010.
Þorgeir var leiklistargagnrýnandi
Morgunblaðsins 2000-2007 og aftur
frá 2015, hefur verið bókmenntarýn-
ir í Kiljunni frá 2013 og jafnframt
skrifað um leiklist og bókmenntir
fyrir Tímarit máls og menningar,
Spássíuna, Starafugl, Kjarnann og
fleiri rit.
Þorgeir var formaður leikfélags-
ins Hugleiks 2002-2006, formaður
Bandalags íslenskra leikfélaga 2007-
2015 og formaður stjórnar Íslensku
tónlistarverðlaunanna 2007-2009.
Hann var í keppnisliði Norður-
þings í Útsvari um nokkurra ára
skeið, m.a. í sigurliði keppnis-
tímabilsins 2010-2011.
Þorgeir hefur fengist við leiklist í
hjáverkum öll sín fullorðinsár, mest
sem höfundur, leikstjóri og gagn-
rýnandi. Helstu leikverk eru Stút-
ungasaga (1993), Fáfnismenn (1995)
og Sirkus (2004) fyrir leikfélagið
Hugleik en meðhöfundar verkanna
eru Ármann Guðmundsson, Hjördís
Hjartardóttir og Sævar Sigurgeirs-
son; Góðverkin kalla! (Leikfélag Ak-
ureyrar 1993), Bíbí og blakan (Höf-
undasmiðja LR 1996) og Uppspuni
frá rótum (Leikfélag Húsavíkur
2000) með Ármanni Guðmundssyni
og Sævari Sigurgeirssyni; Jóla-
ævintýri Hugleiks (Hugleikur 2005)
með Sigríði Láru Sigurjónsdóttur,
Sigrúnu Óskarsdóttur og Snæbirni
Ragnarssyni; Klaufar og kóngs-
dætur (Þjóðleikhúsið 2005) með Ár-
manni Guðmundssyni og Sævari
Sigurgeirssyni, en sýningin fékk
Grímuverðlaun sem barnasýning
Þorgeir Tryggvason, texta- og hugmyndasmiður – 50 ára
Ljótu hálfvitarnir Þorgeir hefur spilað með þessari stuð ljómsveit með skemmtilega nafnið frá stofnun, árið 2006.
Leikritun, leikstjórn,
bókmenntir og tónlist
Með afastrák Þorgeir og Högni.
Hjónin Guðlaug Wium og Ragnar Stefán Magnússon eiga demantsbrúðkaup í
dag. Þau voru gefin saman í Dómkirkjunni 18. október 1958 af séra Jóni Auðuns.
Þau ætla að njóta dagsins með fjölskyldunni.
Árnað heilla
Demantsbrúðkaup
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is