Morgunblaðið - 18.12.2018, Page 2

2 FRÉTTIRInnlent
MORGUNBLAÐIÐ ÞRIÐJUDAGUR 18. DESEMBER 2018
Bankastræti 12
Silfurmunir og skartgripir síðan 1924
ERNA
Skipholti 3 – Sími 552 0775 – erna.is
GULL- OG SILFURSMIÐJA
www.yrsa.is
Kr. 17.500
YRSA
vasaúr
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Erfitt getur verið að komast að
með fjórfætlinga í hundabað hjá
Litlu gæludýrabúðinni í Hafnarfirði
fyrir jólin þar sem styttist í að
verði uppbókað, segir Anna Ólafs-
dóttir, annar eigenda verslunar-
innar. „Þetta eru þriðju jólin hjá
okkur, aðsóknin hefur aukist ár frá
ári og þetta hefur aldrei verið
svona mikið,“ svarar hún spurð um
aðsókn í hundabaðið á þessum árs-
tíma.
Anna segir að fólki finnist þægi-
legt þegar það er búið að gera allt
fínt heima hjá sér að koma og þrífa
dýrin sín. „Það er náttúrlega allt
undirlagt. Sum dýrin eru mjög loð-
in og þegar búið er að blása þau eru
hár út um allt. Síðan er líka gott að
vera í réttri vinnuhæð við þetta.“
Gamlir hundar gleðjast
Hún segir alla fjórfætlinga jafn-
ánægða með baðferðina, sama
hvort sé chihuahua, doberman eða
sankti-bernharðs. Anna tekur þó
fram að eldri hundar séu ein-
staklega kátir með að fara í bað.
„Það er góður hiti á vatninu og þeir
hreinlega leggjast á bakið. Þeim
finnst þetta svo notalegt.“
Þrátt fyrir að baðið sé hannað
með hunda í huga segir eigandinn
að þau hafi fengið til sín kött í eitt
skipti. „Jesús minn, nei takk. Ekki
fleiri ketti. Þetta gekk hræðilega,
eigandinn var allur útklóraður,“
segir Anna og hlær. Blaðamaður
spyr þá hvort eigendur megi fara í
bað með dýrunum. „Nei, þá verða
þeir að fara í bað heima,“ svarar
hún og skellir upp úr.
Hundabaðið er með sjálfs-
afgreiðsluformi, en starfsmenn eru
tiltækir til aðstoðar ef þörf er á,
segir Anna. Hún segist ekki verða
leið á að baða dýrin, það sé alltaf
jafnskemmtilegt ef kúnninn er
ánægður, hvort sem það er ferfætl-
ingurinn eða eigandinn.
gso@mbl.is
Gæludýrin þurfa líka
að fara í jólabað
Morgunblaðið/RAX
Unaður Tíkin Salka naut þess að fara í jólabað, enda verður öll fjölskyldan að vera í sínu fínasta um jólin
 Leggjast á bakið af ánægju  Vill ekki fleiri ketti
Guðni Einarsson
gudni@mbl.is
Norsk-íslenska heilbrigðistækni-
fyrirtækið Mentis Cura undirritaði
í gær stóran samning við japanska
fyrirtækið Nihon Medi-Physics.
Norska við-
skiptablaðið
Dagens Nær-
ingsliv segir að
verðmæti samn-
ingsins sé nærri
einn milljarður
norskra króna
(nærri 14 millj-
arðar íslenskra
króna) á næstu
tíu árum.
„Þetta er mjög
stór áfangi fyrir okkur,“ segir
Guðbjörg Edda Eggertsdóttir,
stjórnarmaður í Mentis Cura. Hún
segir að félagið hafi þróað aðferð
til að greina mismunandi gerðir
heilabilunar út frá heilalínuritum.
„Þessi hugbúnaður hefur verið
notaður á Íslandi í þónokkur ár,“
segir Guðbjörg. „Við höfum unnið
að því að koma þessu á markað er-
lendis og höfum unnið að því í
nærri tvö ár að semja við Japani.
Japanir eru fjölmenn þjóð og verða
mjög gamlir. Heilabilun er stórt
vandamál og algengt í Japan. Við
töldum að Japan gæti verið heppi-
legur markaður. Nú hefur það
ánægjulega gerst að við höfum
undirritað þar samning um þetta
verkefni.“
Hefst með klínískri rannsókn
Guðbjörg segir að samkvæmt
japönskum reglum þurfi Mentis
Cura að sýna fram á virkni grein-
ingarinnar gagnvart japönskum
einstaklingum. Því hefst starfið í
Japan með klínískri rannsókn og
er stefnt að því að hún geti hafist
seinni part næsta árs. Ljóst er að
rannsóknin verður kostnaðarsöm
og mikil fjárfesting fyrir félagið. Í
kjölfar hennar verður sótt um við-
urkenningu til japanskra heilbrigð-
isyfirvalda. Eftir það verður hægt
að bjóða upp á þá þjónustu að
greina heilalínurit sjúklinga með
hugbúnaði Mentis Cura og finna
einkenni sem geta bent til ákveð-
inna sjúkdóma á borð við alzheim-
er og fleiri heilabilunarsjúkdóma.
„Tekjumöguleikarnir eru veru-
legir þegar þetta verður allt komið
í gegnum nálaraugað hjá Japönun-
um,“ segir Guðbjörg.
Claes Watndal, forstjóri Mentis
Cura, segir við Dagens Næringsliv
að matið á verðmæti samningsins
við Japani sé fremur varfærið.
Sambönd sem Jan Fikkan stjórn-
arformaður hafði í Japan hafi veg-
ið þungt í að landa samningnum en
Fikkan leiddi starfsemi GE
Healthcare í Japan í tólf ár.
Kathrine Myhre, sem leiðir
Norway Health Tech, fagnar
samningnum mjög og segir hann
vera jólagjöf bæði fyrir Mentis
Cura, eigendur þess og iðnaðinn í
heild.
Flutti til Óslóar 2016
Mentis Cura var stofnað á Ís-
landi 2004 af Kristni Johnsen vís-
indamanni og frumkvöðli sem enn
leiðir rannsókna- og þróunarstarf
fyrirtækisins. Höfuðstöðvar Mentis
Cura fluttust til Óslóar 2016 og
eiga norskir fjárfestar nú 58% í
fyrirtækinu. Starfsmenn eru 16,
þar af sex á Íslandi, átta í Noregi
og tveir í Japan. Velta Mentis
Cura var 3,4 milljónir norskra
króna 2017 (49 milljónir íslenskra
króna).
Stór samningur Mentis Cura í Japan
 Mjög stór áfangi, segir stjórnarmaður Mentis Cura  Verulegir tekjumöguleikar fylgja verkefninu
Thinkstock
Mentis Cura Greinir ýmsar heilabilanir út frá heilalínuritum.
Guðbjörg Edda
Eggertsdóttir
Lögmaður Rositu YuFan Zhang,
eiganda Sjanghæ-veitingastaðanna,
hefur sent RÚV formlega kröfugerð
þar sem farið er fram á formlega af-
sökunarbeiðni og þrjár milljónir
króna í miskabætur vegna umfjöll-
unar fréttastofu RÚV um veitinga-
staðinn Sjanghæ á Akureyri í fyrra.
Þetta staðfesti Sævar Þór Jóns-
son, lögmaður Rositu, í samtali við
mbl.is. Hann sagði að RÚV hefði
verið veittur frestur til loka vikunnar
til þess að bregðast við. „Þessu verð-
ur fylgt fast eftir,“ sagði Sævar Þór.
Sjanghæ-málið vakti mikla athygli
og var fyrirferðarmikið í fjölmiðlum
landsins fyrstu dagana í september í
fyrra. Í fyrstu frétt RÚV af málinu
30. ágúst í fyrra sagði meðal annars
að grunur léki á að starfsfólk veit-
ingastaðarins fengi greiddar þrjátíu
þúsund krónur á mánuði í laun og
borðaði matarafganga á staðnum.
Ábendingar um starfsaðstæður
starfsmanna á veitingahúsinu höfðu
borist til stéttarfélagsins Einingar-
Iðju á Akureyri, sem fór í eftirlits-
ferð á veitingahúsið þann sama dag.
Fulltrúi stéttarfélagsins ræddi svo
við fréttamann RÚV í beinni útsend-
ingu af vettvangi í kvöldfréttum.
Ábyrgðin alfarið RÚV
Stéttarfélagið komst svo að þeirri
niðurstöðu að þær upplýsingar um
kjör starfsmanna sem fram kæmu í
gögnum sem aflað var við vinnu-
staðaeftirlitið stæðust almenna
kjarasamninga og launataxta. Grun-
ur um mansal reyndist því ekki á
rökum reistur, samkvæmt athugun.
Eining-Iðja sendi svo frá sér yfir-
lýsingu þar sem fram kom að frétta-
stofa RÚV þyrfti ein að axla ábyrgð
á því að hafa birt mynd af veitinga-
staðnum áður en sannað hefði verið
að brot hefðu átt sér stað. „Það að
fréttamaður Ríkisútvarpsins kaus að
flytja frétt af meintu mansali með
því að birta mynd af veitingastaðn-
um og þar með nafn hans er að öllu
leyti hans ákvörðun og þar með á
hans ábyrgð, yfirmanna hans og
stofnunarinnar í heild sinni,“ sagði í
yfirlýsingu Einingar-Iðju.
athi@mbl.is
Sjanghæ krefur
RÚV um milljónir
 Fréttamaður sagði mansal viðgangast