Morgunblaðið - 18.12.2018, Síða 20

20 UMRÆÐAN
MORGUNBLAÐIÐ ÞRIÐJUDAGUR 18. DESEMBER 2018
Ár er síðan grein-
ingardeild embættis
ríkislögreglustjóra
benti á að aðgangur að
sterkum fíkniefnum
væri að aukast og
myndi kosta fjölda
manns lífið. Á sama
tíma berast fréttir af
því að 20% há-
skólanema hafi notað
örvandi lyf sem hafi
verið ávisað á einhvern
annan. Aldrei hefur verið meiri þörf
fyrir að efla þau meðferðarúrræði
sem fólki með fíknivanda býðst hér á
landi.
Frá því að fyrstu skjólstæðing-
arnir komu í meðferð Samhjálpar í
bílskúr á Sogaveginum fyrir 46 árum
hafa tugþúsundir einstaklingar feng-
ið hjálp og stuðning frá samtökunum
til að takast á við fíknivanda sinn.
Í tillögum sem starfshópur heil-
brigðisráðherra skilaði árið 2016 var
meðal annars lagt til að fjölgað yrði
afeitrunarplássum á sjúkrahúsum,
tryggð fjölbreyttari
meðferðarúrræði fyrir
ólíka hópa og settar
yrðu lágmarkskröfur
um gæði og innihald
meðferðar, framvindu
og árangur. Þá yrði tillit
tekið til einstaklings-
miðaðrar meðferðar,
kyns og aldurs, komið á
samráðsvettvangi og
rannsóknir og forvarna-
starf eflt.
Við viljum gera okkar
til að þetta geti orðið að
raunveruleika.
Um þessar mundir er verið að
taka í notkun nýja byggingu á með-
ferðarheimilinu Hlaðgerðarkoti sem
rúmar fjölnota sal, aðstöðu fyrir
lækni og hjúkrunarfræðinga og eld-
hús í fallegri náttúru Mosfellsdalsins
og verður það vígt 31. janúar nk.
Húsið tengir saman eldri byggingar
sem hýsa herbergi heimilismanna.
Geta 30 einstaklingar, 10 konur og
20 karlar, verið í meðferð hverju
sinni að lokinni afeitrun á sjúkra-
húsi.
Draumurinn er að fjölga meðferð-
arrýmum upp í 40 og efla og bæta
þjónustuna með aukinni fjölbreytni í
meðferðarúrræðum, þ.m.t. þjónustu
félagsráðgjafa og sálfræðinga í góðu
samstarfi við aðra sem sinna ein-
staklingum sem glíma við fíkn, áföll
og geðræna sjúkdóma.
Samhjálp rekur einnig eftirmeð-
ferðarheimili þar sem um 55 ein-
staklingar geta búið í um tvö ár og
verið í áframhaldandi meðferð. Þá er
Kaffistofa Samhjálpar rekin í Borg-
artúni 1 þar sem opið er alla daga
ársins og um 67.000 máltíðir eru
gefnar á ári.
Tökum höndum saman gegn þeirri
miklu vá sem fíkn er í samfélagi okk-
ar.
Vinnum saman
gegn fíkni-
vandanum
Eftir Vörð Leví
Traustason
» Frá því fyrstu skjól-
stæðingarnir komu í
meðferð Samhjálpar
fyrir 46 árum hafa tug-
þúsundir fengið hjálp og
stuðning til að takast á
við fíknivanda sinn.
Höfundur er framkvæmdastjóri
Samhjálpar.
framkvaemdastjori@samhjalp.is
Vörður Leví
Traustason
Smiðjuvegi 9 · 200 Kópavogi
Sími 535 4300 · axis.is
Vandaðar íslenskar innréttingar
VATN, HÚSASKJÓL
OG BETRI HEILSA
MEÐ ÞINNI HJÁLP!
•Valgreiðsla í heimabanka: 2.500 krónur
•Söfnunarsími 907 2003: 2.500 krónur
•Framlag að eigin vali á framlag.is
• Söfnunarreikningur 0334-26-50886
kennitala 450670-0499 HJÁLP TIL SJÁLFSHJÁLPAR
Alþjóðlegt hjálparstarf kirkna – Action by Churches Together
Þorsteinn Víglundsson lýsti
nýjum veiðigjaldalögum sem
„grímulausri sérhagsmuna-
gæslu“. Með hliðsjón af hans
fyrri störfum talar hann ekki af
vanþekkingu og veit betur. Það
fyrirtæki sem undirritaður
stjórnar greiddi á síðustu 16
mánuðum 600 milljónir í veiði-
leyfagjald sem er hálfvirði af ný-
smíði fiskiskips. Með þeim gjöld-
um var slökkt á getu
fyrirtækisins til að halda áfram
þeirri tæknivæðingu sem við höf-
um verið svo stoltir af og teljum
vera eina svarið við samkeppni
frá ríkisstyrktum láglaunalönd-
um. Þau lönd sem ekki njóta
hinnar „séríslensku hags-
munagæslu“ fá ýmist veiðiheim-
ildir eða styrki til að kaupa af ís-
lenskum tæknifyrirtækjum þau
tæki og þá þekkingu sem þróast
hefur með samstarfi íslenskra
sjávarútvegs og tæknifyrirtækja í
gegnum tíðina. Með það í fartesk-
inu mæta þau okkur á af-
urðamörkuðunum af miklu afli og
hafa nú stóraukið ásókn sína í
óunninn fisk frá íslandi, bæði
með beinum kaupum af fiskiskip-
um og ekki síður með kaupum í
gegnum íslenska uppboðsmark-
aði. Karaleigufyrirtæki og skipa-
félög njóta góðs af en íslensk
fiskvinnsla missir spón úr aski
sínum á meðan hin
erlenda er í miklum
uppbyggingarfasa.
Þegar horft er í
gegnum barbabrell-
ur reiknistofns veiði-
gjaldsins í nýjum
lögum sést að önnur
hver króna af fram-
legðinni fer í skatt-
inn. Nákvæmlega
það fjármagn sem
þarf í markaðs-
starfið, þróunina og
tækniframfarirnar.
Þetta finnst Þorsteini hin mesta
skömm og vill meira.
En hvaða sýn hefur sjáv-
arútvegsráðherra á
málið? Því svarar
hann fréttamanni
þeirrar ágætu sjón-
varpstöðvar, N4, í ný-
sýndum fréttaþætti
frá Sjávarútvegs-
ráðstefnunni í haust.
Fréttamaður: „Hvað
verður um þau fyr-
irtæki sem ekki fylgja
tækniþróuninni?“
Sjávarútvegs-
ráðherra: „Þau bara
deyja, það er ekkert
flókið. Þau verða að
gjöra svo vel að standa sig í sam-
keppninni, fylgjast með því sem
er að gerast, öðruvísi geta þau
ekki keppt, hvorki um starfsfólk
né verð á erlendum mörkuðum.“
Hér bregðast því bæði sá sem
veit og sá sem skilur. Ríkissjóður
er nefnilega sá sem mestu tapar
þegar skattar drepa nýsköpun og
framfarir.
„Grímulaus sérhagsmunagæsla“ íslenskrar fiskvinnslu
»Hér bregðast því
bæði sá sem veit og
sá sem skilur. Ríkis-
sjóður er nefnilega
sá sem mestu tapar
þegar skattar drepa
nýsköpun og framfarir.
Pétur Hafsteinn
Pálsson
Höfundur er framkvæmdastjóri
Vísis hf. í Grindavík.
petur@visirhf.is
Eftir Pétur
Hafstein Pálsson