Morgunblaðið - Sunnudagur - 09.12.2018, Page 20

VIÐTAL
20 MORGUNBLAÐIÐ SUNNUDAGUR 9.12. 2018
– Þú hefur átt í góðu sambandi við Ís-
land undanfarinn hálfan annan ára-
tug eða svo, flaugst meðal annars fyr-
ir Iceland Express og leigðir flugvél
af Air Atlanta, Ed Force One, fyrir
tónleikaferð Iron Maiden. Lagðirðu
áherslu á að koma með sýninguna
hingað?
„Já, mig langaði að koma til Ís-
lands. Að hluta til vegna þess að ég
hef ekki komist þangað nógu oft sein-
ustu árin. Ég var mikið á Íslandi þeg-
ar ég starfaði fyrir Iceland Express.
Seinast kom ég þangað til að semja
við Magnús [Ásgeirsson], sölustjóra
Air Atlanta, um leiguna á vélinni,
þannig að þetta er orðinn alltof lang-
ur tími. Nei, fyrirgefðu, nú skrökva
ég að þér. Það er styttra síðan ég
kom. Ég átti lítið flugfélag í tvö ár eða
svo og við vorum kallaðir upp eftir
tímabundið þegar WOW var að
stækka og bjó ekki að nægilega
mörgum flugmönnum. Ég flaug
nokkrar ferðir til Kaupmannahafnar
fyrir þá. Og drap enn og aftur niður
fæti á írska barnum í Keflavík vegna
þess að flugvélin okkar bilaði þegar
við vorum að fara heim. Við þurftum
að bíða í tvo daga eftir varahlutum.
Ég er mjög hrifinn af Íslandi og
langar við tækifæri að skoða landið á
dýptina; ekki bara Reykjavík og
hverina. Ég hef líka unnið fyrir
marga Íslendinga gegnum tíðina.
Toppfólk, allir sem einn.“
Þið hafið ömurlegan húmor!
– Sumir segja að við höfum svipaðan
húmor, Íslendingar og Bretar. Er
það þín upplifun?
„Hvað áttu við? Þið hafið ömurleg-
an húmor,“ fullyrðir Bruce og hlær
með bakföllum. Nær svo andanum á
ný og bætir við: „Nei, nei. Bara að
grínast. Svarið er vitaskuld já.“
– Þegar hér er komið sögu í þínu
lífi, hvaða hlutverk lýsir þér best?
Flugmaður, söngvari, frumkvöðull,
eitthvað allt annað?
„Ég er allt þetta en samt aldrei
tvennt í einu. Ég er það sem ég geri á
hverjum tíma. Annað gengi einfald-
lega ekki upp. Ef ég gengi inn á svið
sem söngvari og upplifði mig sem
flugmann færi allt í vaskinn og öfugt;
enginn vill heyra flugstjórann fara
með textann við 2 Minutes to Mid-
night meðan hann á að vera að
stjórna helvítis vélinni. Er það?“
Hann skellir upp úr.
„Að öllu gríni slepptu þá heldur
þetta mér ferskum; ég er alltaf að
gera eitthvað nýtt og við vitum að
fyrsta skiptið sem við gerum eitthvað
er alltaf best. Enda þótt ég sé að gera
eitthvað aftur ímynda ég mér alltaf að
ég sé að gera það í fyrsta skipti;
þannig viðheldur maður áhuganum
og spennunni. Hætti maður að hafa
yndi af því sem maður er að gera fjar-
ar fljótt undan manni, maður lætur
smáatriðin reka á reiðanum. Það tek-
ur enginn eftir því, teljum við okkur
trú um. En það er bara ekki rétt, fólk
skynjar þetta, finnur hvenær við er-
um hætt að nostra við smáatriðin.“
Bragðaði bjór í heilan dag
– Þú ert meira að segja farinn að
brugga bjór í seinni tíð, Trooper.
Hvernig kom það til?
„Fyrst af öllu þykir mér bjór góð-
ur, ekki síst enskur eðalbjór, þannig
að varan höfðar til mín. En þetta
byrjaði þannig að einhver náungi
kom til okkar í Iron Maiden og vildi fá
að kenna vöruna sína við okkur. Það
fannst mér ekki spennandi hugmynd
og leist miklu betur á að þróa vöruna
frá grunni sjálfur. Þannig yrði þetta í
raun og veru okkar vara. Eina vanda-
málið var að ég hafði aldrei bruggað
bjór áður og vissi ekki einu sinni
hvernig það væri gert. Þess vegna
gekk ég á milli bjórframleiðenda til
að kanna hvort þeir vildu fara í sam-
starf við Iron Maiden. Fæstir þeirra
höfðu áhuga enda óttuðust þeir að
þessir síðhærðu fáráðlingar myndu
skaða vörumerkið þeirra. Eðlilega!
Einn framleiðandi, Robinsons,
sýndi þó áhuga og ég þurfti að þreyta
próf hjá þeim. Bragða bjór í heilan
dag, tólf ólíkar tegundir, uns þeir
urðu sannfærðir um heilindi mín og
ástríðu fyrir bjór. Það var svo sem
allt í lagi af minni hálfu! Ég virðist
hafa staðist prófið, alltént byrjuðum
við að vinna saman og núna eru sex
gerðir af Trooper komnar á markað.
Þetta hefur gengið vonum framar, við
höfum selt 15 eða 16 milljónir lítra af
Trooper, og ég er gríðarlega stoltur
af þessu verkefni. Þetta er virkilega
góður bjór.
Við höfum gert allskonar tilraunir
og núna hafa aðrir aðilar sýnt áhuga á
samstarfi við okkur; vilja þróa fleiri
tegundir af bjór. Það kemur alveg til
greina, svo lengi sem vandað er til
verka. Mér er í mun að passa upp á
DNA bjórsins, ef svo má segja, að
sömu menn bruggi hann. Bjór gerður
úr upprunalegu hráefni, í upp-
runalegu brugghúsi og af uppruna-
legum bruggurum verður alltaf betri
en bjór búinn til af leyfishöfum ann-
ars staðar. Fari ég út í að brugga bjór
víðar en í Englandi þá kýs ég frekar
að þróa nýja tegund með nýju fólki.
En á þessu stigi er það allt framtíð-
armúsík. Hver veit?“
Fyrir þá sem ekki vita þá heitir
bjórinn eftir einu frægasta lagi Iron
Maiden, The Trooper, af plötunni
Piece of Mind frá árinu 1983.
Áskorun að endurnýja sig
– Óhætt er að segja að þú hafir komið
meiru í verk en við flest í þessu lífi.
Áttu ennþá eitthvað ógert? Eitthvað
alveg nýtt?
„Það vona ég svo sannarlega.
Annars væri ekki mikill tilgangur
með því að vera hér,“ svarar hann
hlæjandi. „Tónlistin er alltaf í önd-
vegi hjá mér og hljómsveitin hefur
aldrei verið stærri og notið meiri
velgengni en í dag eftir meira en
fjörutíu ár. Það er alltaf áskorun að
endurnýja sig án þess að glata
Bruce Dickinson er mesti orkuboltinn í málmheimum og þótt víðar væri leitað. Hann slær hvergi af þótt hann standi nú á sextugu. Þessi mynd er tekin á tónleikum Iron Maiden á þessu ári.
’Ef ég gengi inn á sviðsem söngvari og upp-lifði mig sem flugmannfæri allt í vaskinn og öf-
ugt; enginn vill heyra
flugstjórann fara með
textann við 2 Minutes to
Midnight meðan hann á
að vera að stjórna helvítis
vélinni. Er það?
Dickinson kyrjar The Trooper á
tónleikum í Brasilíu. Eftir þeim slag-
ara heitir bjórinn sem hann hefur
tekið þátt í að brugga undanfarin
misseri og er nú til í sex útgáfum.