Minnisbók bænda : með almanaki fyrir árið 1922 - 01.11.1921, Page 32

30
Eftirlits- og fóðurbirgðafélög.
(Útdráttur úr lögum 1919).
Sveitarfélag getur komið á hjá sér slíkum félagsskap
með samþykt (2^ greiddra atkvæða, þeirra, er búfénað
hafa á fóðrum) er sýslunefnd og Stjórnarráð sam-
þykkja. Gjöld til félagsins hafa lögtaksrétt. Með sam-
þyktinni er sveitarfélagið undanþegið ákvæðum forða-
gæslulaganna.
Aukaútsvör.
(Útdráttur úr lögum 1919).
Ef rekin er í hreppi atvinna, sem talin er sérstaklega
arðsöm, svo sem verslun, kaupskapur, þilskipaútgerð
eða bátfiski, þá má leggja á þá atvinnu aukaútsvar, þó
ekki sé rekin nema 4 vikur og atvinnurekandi eigi
heimili annarsstaðar. Einnig má ieggja útsvar á hval-
veði, síidveiði með nót, á atvinnu útlendra skipa við
verkun á síld á höfnum inni eða í landhelgi, laxveiða-
afnot, ábúð á jörð eða jarðarhluta, leiguliðanot af jörð,
svo sem slægjuafnot, þótt engin ábúð fylgi, og lóðar-
afnot, sem einhvern arð gefa, þótt sú atvinna sé rekin
enn styttri tíma. Útsvör þessi skulu vera hæfileg eftir
tímalengd og í samanburði við innansveitarmenn, og
skal formaður hafa greitt útsvar fyrir skip sitt áður
en hann fer brott. Ekki er heimilt að leggja útsvar á
útvegsmenn úr öðrum hreppi í sama sýslufélagi eða
við sama fjörð eða flóa sem útræðið er i, ef á þá er
lagt útsvar í sveitarfélagi þeirra. Á kaupfélög og pönt-
unarfélög má leggja aukaútsvar, ef þau hafa leyst borg-
arabréf og hafa sölubúð og vörur til sölu, svo sem hæfa
þykir, eftir árlegri veltu og arði í söludeild félagsins.