Morgunblaðið - 16.01.2019, Qupperneq 17

FRÉTTIR 17Erlent
MORGUNBLAÐIÐ MIÐVIKUDAGUR 16. JANÚAR 2019
Stefán Gunnar Sveinsson
sgs@mbl.is
Mikill meirihluti neðri deildar
breska þingsins hafnaði í gærkvöldi
samningi sem Theresa May, for-
sætisráðherra Bretlands, gerði við
Evrópusambandið (ESB) um út-
göngu Breta úr ESB. Samningur-
inn var felldur með 230 atkvæða
mun; 432 þingmenn kusu gegn
samningnum en 202 studdu hann.
Jeremy Corbyn, leiðtogi Verka-
mannaflokksins, hefur lagt fram
vantrauststillögu gegn ríkisstjórn
May. Gert er ráð fyrir að kosið
verði um hana í dag.
Segir May af sér?
Stuðningsmenn May reyndu til
þrautar í gær að fá þingmenn
Íhaldsflokksins til þess að styðja
samkomulagið um útgöngu Breta úr
Evrópusambandinu, svonefnt Brex-
it. Þannig sagði Michael Gove, um-
hverfisráðherra Bretlands, að ef
samkomulagið yrði fellt væri hægt
að tala um að „veturinn væri á leið-
inni“, og vísaði þar til þekktra sjón-
varpsþátta, Krúnuleika, sem notið
hafa nokkurrar hylli á undanförnum
árum. Varaði Gove við því að lýð-
ræðið í Bretlandi gæti beðið skaða
af því að hafna samkomulaginu.
Þrátt fyrir varnaðarorð Goves og
fleiri var samkomulagið fellt með
miklum meirihluta í neðri deild
þingsins. Dominic Raab, fyrrver-
andi ráðherra útgöngumála, sagði
til að mynda að samkomulagið
myndi varpa löngum skugga á Bret-
land ef það yrði samþykkt, og að
það kynni að valda Bretum höf-
uðverkjum um langa hríð. Raab
hefur verið nefndur sem mögulegur
arftaki May, fari svo að hún segi af
sér embætti á næstunni.
Fyrir atkvæðagreiðsluna virtust
breskir fjölmiðlar flestir á því að
mikið gæti oltið á því hversu stór
ósigur May í atkvæðagreiðslunni
yrði. Þannig væri líklegt að May
myndi segja af sér ef munurinn
væri meiri en 200 þingmenn. Hins
vegar væri hún vís til þess að vilja
reyna aftur að ná samkomulagi við
Evrópusambandið ef atkvæðamun-
urinn væri innan við hundrað. Þá
hafði breska ríkissútvarpið, BBC,
eftir heimildarmanni sínum úr röð-
um Íhaldsflokksins að „svipur“
flokksins, þingmenn sem sjá til þess
að kosið sé eftir vilja flokksforyst-
unnar, hefðu reynt að telja menn á
að sitja hjá frekar en að fella sam-
komulagið, í þeirri von að slíkt
myndi duga til að minnka muninn.
Segja May ekki hafa reynt
Vandi May var þó ekki bundinn
við uppreisnarmenn í eigin flokki.
Þingmenn norðurírska flokksins
DUP, sem ver Íhaldsflokkinn van-
trausti, höfðu lýst yfir megnri and-
stöðu við samkomulagið, sér í lagi
þau ákvæði þess sem lutu að stöðu
Norður-Írlands og landamæranna
við Írland. Sögðu þeir að þau
ákvæði gætu rekið fleyg á milli
Norður-Írlands og hinna landanna í
Bretlandi, sem væri óviðunandi.
Arlene Foster, leiðtogi DUP,
sagði þannig í gær að hún hefði gert
May það ljóst að ákvæðin um
norðurírska „varnaglann“ yrðu að
hverfa til þess að flokkur sinn gæti
stutt samkomulagið. „Við sögðum
forsætisráðherra að hún yrði að
losna við varnaglann og ná sam-
komulagi sem hægt væri að lifa
með. Ég held að hún hafi ekki einu
sinni beðið um að fjarlægja hann.“
Vegna þess myndu þingmenn DUP
greiða atkvæði gegn samkomulag-
inu.
Jeremy Corbyn sagði fyrir at-
kvæðagreiðsluna að May yrði að
boða til þingkosninga ef samkomu-
lagið yrði fellt, auk þess sem hann
hótaði því að leggja fram van-
trauststillögu gegn ríkisstjórn
hennar. Samkvæmt samþykktum
þingsins við upphaf umræðunnar
um samkomulagið átti ríkisstjórnin
að fá frest til nk. mánudags til að
setja fram tillögur sínar um næstu
skref, ef samkomulagið yrði fellt.
Forsvarsmenn helstu ríkja Evr-
ópusambandsins ítrekuðu í gær í
aðdraganda atkvæðagreiðslunnar
að ekki yrði hægt að semja upp á
nýtt, jafnvel þó að samkomulagið
yrði fellt. Heiko Maas, utanríkisráð-
herra Þýskalands, opnaði þó á þann
möguleika að frekari viðræður gætu
farið fram, en lét einnig í ljósi efa-
semdir sínar um að hægt yrði að
semja betur en þegar hefði verið
gert.
Ósigur May á þinginu varð einnig
til þess að Jean-Claude Juncker,
forseti framkvæmdastjórnar Evr-
ópusambandsins, hætti við fyrir-
hugað ferðalag til Strassborgar, þar
sem hann átti að rökræða framtíð
Evrópusambandsins við Pedro
Sanchez, forsætisráðherra Spánar,
á opnum fundi. Mátti skilja á emb-
ættismönnum í Brussel að Juncker
hefði hætt við ferð sína þar sem von
væri á að Theresa May myndi halda
til Brussel til skrafs og ráðagerða
eftir ósigurinn á þinginu.
„Veturinn er á leiðinni“
 Breska þingið felldi Brexit-samkomulagið í gærkvöldi með miklum mun
 Stuðningsmenn May reyndu til þrautar að fá þingmenn til liðs við sig
AFP
Brexit Theresa May, forsætisráðherra Bretlands, ávarpar breska þingið í gær, en samningi við ESB var hafnað.
Utanríkisráðu-
neyti Kína gagn-
rýndi í gær Just-
in Trudeau,
forsætisráðherra
Kanada, fyrir
„óábyrg um-
mæli“ sín, en
Trudeau gagn-
rýndi harðlega
dauðadóm sem
kínverskur dóm-
stóll felldi á mánudaginn yfir Kan-
adamanninum Robert Lloyd Schel-
lenberg.
Hua Chunying, talskona utanrík-
isráðuneytisins, hafnaði því að
dómurinn yfir Schellenberg væri
runninn af pólitískum rótum, en
Kínverjar og Kanadamenn hafa átt
í milliríkjadeilu síðan í nóvember.
Stjórnvöld í Kanada sendu einnig
frá sér ferðaviðvörun til kanad-
ískra ríkisborgara og vöruðu við
því að þeir gætu lent í því að lögum
Kína yrði beitt af geðþótta gegn
þeim.
Gagnrýna „óábyrg
ummæli“ Trudeaus
Justin
Trudeau
KÍNA
Sendinefndir frá Bandaríkjunum
og Rússlandi funduðu í Genf í gær
til þess að ræða framtíð INF-
sáttmálans, sem undirritaður var
árið 1987, en hann bannar stórveld-
unum tveimur að framleiða með-
aldrægar eldflaugar sem borið geta
kjarnorkuvopn.
Donald Trump Bandaríkjaforseti
lýsti því yfir á síðasta ári að hann
hygðist draga þátttöku Bandaríkja-
manna í sáttmálanum til baka, þar
sem Rússar hefðu ekki staðið við
sinn hlut. Eru Rússar sakaðir um að
hafa framleitt eldflaugar sem brjóti
gegn samkomulaginu, en þeir saka
Bandaríkjamenn á móti um að hafa
brotið gegn anda samkomulagsins.
Lauk fundinum í gær án sam-
komulags og bentu fulltrúar
ríkjanna hvor á annan. Sögðu
Bandaríkjamenn að ljóst væri að
Rússar ætluðu sér ekki að fylgja
samkomulaginu, og Rússar sögðu
Bandaríkjamenn ekki hafa komið
með neinar tillögur til úrbóta.
Fundað um framtíð
INF-sáttmálans
SVISS
Nokkurt mannfall varð þegar
sprenging og skotbardagi skóku
Naíróbí, höfuðborg Kenía í gær, en
öfgahreyfingin Shabaab, sem tengist
Al Qaeda-hryðjuverkasamtökunum,
lýsti yfir ábyrgð sinni í gær.
Sprengingin varð á svæði sem
liggur að hóteli, veitingahúsum og
skrifstofubyggingum, og heyrðist
hún greinilega í nokkurra kílómetra
fjarlægð. Upphófst í kjölfarið skot-
bardagi milli vígamannanna og lög-
reglu, sem stóð yfir langt fram eftir
degi. Óvíst var um endanlegt mann-
fall af völdum árásarinnar.
Shabaab-samtökin, sem eiga ræt-
ur í Sómalíu, stóðu einnig að árás á
verslunarmiðstöð í Naíróbí árið
2013, þar sem 67 manns biðu bana.
Að sögn sjónarvotta sem AFP-
fréttastofan ræddi við sáust fjórir
grunsamlegir menn ganga inn á
svæðið þar sem árásin var gerð og
hefja skothríð fljótlega eftir spreng-
inguna. Hóf lögreglan þegar í stað að
rýma nærliggjandi byggingar, á
sama tíma og hún hóf skotbardaga
við grunuðu hryðjuverkamennina.
Tók allt tiltækt lögreglulið þátt í að-
gerðunum.
Skotbardagi við
hótel í Naíróbí
AFP
Árás Nokkur ringulreið ríkti í Naíróbí, höfuðborg Kenía, eftir árásina.
Skeifunni 8 | Sími 588 0640 | casa.is
2097/30
Gino Sarfatti, 1958
Verð frá 199.000,-
Spunlight T2
Sebastian Wrong, 2003
Verð frá 139.000,-
Taccia small
Achille & Pier Giacomo Castiglioni, 1962
Verð 129.000,-
Frisbi
Achille Castiglioni, 1978
Verð 62.900
Smithfield S
Jasper Morrison, 2009
Verð frá 119.000,-
Snoopy
Achille & Pier Giacomo Castiglioni, 1967
Verð 142.000,-